Nshɛ 35:26 - EBƆRƐ BE KAWƆL

²⁶ Shin nɛ bumo nɛ bumo be ŋgbene bee fuli ŋkpal ma awurfoŋ so na be nfɛra e wea to nɛ b kɔ n tɔr cheche. Shin nɛ bumo nɛ baa kaŋɛ fanɛ b bɔ ma na e ji nyɔmɔ nseŋ sipa.

Nshɛ 35:26 ပူးပေါင်းရင်းမြစ်များ

Job be kawɔl 19:5

Fo alelasheŋ so nɛ fee puchi, a fɛ fanɛ n wora n jija na so nɛ mee ji awurfoŋ.

Job be kawɔl 8:22

Ama e beeŋ shin nɛ fo doŋana bre e ji anishinyɔr nseŋ mur gba kuraa nɛ esa maaŋ naŋ wu bumo kikɛ hale mbaanaayɔ.”

Nshɛ 109:19

Ebɔrɛ e shin nɛ mbe eshoduu na e ki fanɛ epiŋi nɛ e bee buu karechɛ kikɛ m buu mo kikɛ so.”

Nshɛ 129:5

Ebɔrɛ e shin nɛ bekama nɛ b kishi Jerusalɛm nɛ k yil Zayɔn be kebee so na e ji anishinyɔr nseŋ bɛta bumo be ayamu so n shile.

Nshɛ 132:18

E beeŋ baa buu kuwurwuro nɛ k bee nyɛkpɛ. Ama meeŋ shin nɛ mo doŋana bre a ji anishinyɔr.”

Nshɛ 35:4

Shin nɛ bekama nɛ baa fin ma nɛ b mɔ na e ji anishinyɔr nseŋ kɔ n tɔr. Shin nɛ bekama nɛ baa kre ma ŋkre lubi na kikɛ e wulto m bɛta kaman.

Nshɛ 38:16

Sa maŋ shin nɛ b wora ma eyurto; ŋko a wu bumo be amu n wɔtɔ ma ŋkpal ŋ ka fɛrge n tɔr so.

Nshɛ 55:12

Nɛ bedoŋ e daa tege ma nsaa wora ma eyurto, n daa beeŋ tiŋ n nyiti ŋko n shile ŋ ŋana bumo so.

Nshɛ 71:13

Shin nɛ basa nɛ baa fin ma nɛ luwu na e kɔ n tɔr nseŋ mur. Nseŋ shin nɛ basa nɛ baa kɔrfɛ ma e ŋaba n ji anishinyɔr.

Aizaaya 41:11

Bekama nɛ b kishi menyi beeŋ ji anishinyɔr lubi. Bumo nɛ baaŋ kɔ menyi kena beeŋ wu

Jɛremaya 20:11

Ama fo, Enyɛnpe Ebɔrɛ, nɛ fo shi ga nsaa kɔ eleŋ na ka wɔ ma kaman so, bekama nɛ baa kɔrfɛ ma na beeŋ wora ŋ gben. Baaŋ ji anishinyɔr mbaanaayɔ, ŋkpal manɛ so, b maaŋ nya kusɔ nɛ baa fin ma so na. Esa kama maaŋ teŋ bumo be ŋaba na so kikɛ.

Jɛremaya 48:26

Kumo be kaman nɛ Enyɛnpe Ebɔrɛ na naŋ kaŋɛ le: “Ŋkpal Mowabebi ka keni ma, Enyɛnpe Ebɔrɛ na jiga nseŋ kaŋɛ fanɛ b kɔ eleŋ a chɔ ma so, meeŋ kaŋɛ efuli pɔtɛana na be basa fanɛ b shin nɛ Mowab be basa e nuu nsa m boo nseŋ kwiɛ n dese amo to a melti; saŋɛ na so basa beeŋ mushe bumo.”

Danɛl 11:36

Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Maika 7:10

Saŋɛ na so nɛ ma doŋana nɛ b kaŋɛ le: “Nnɛ nɛ Enyɛnpe fo Ebɔrɛ na wɔ?” An wu kusɔ nɛ e wora na nɛ nyɔmɔ e pɛ bumo. Ma anishi ere nɛ meeŋ ta n wu asheŋ ka beeŋ bri bumo. Hale naniere gba n wu fanɛ b ki fanɛ kebɔrbi so be depɔ nna nɛ basa bee chichi so.

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.