Nshɛ 35:10 - EBƆRƐ BE KAWƆL

¹⁰ Nseŋ ta ma kagbene kikɛ ŋ kaŋɛ Enyɛnpe na le: “Esa kama maŋ du fanɛ fo. Fo e naa kuŋ bepɔshipo ashi belempo be enɔ to, nsaa mɔlga betirpo ashi basa lempo be kamɛaŋ to.”

Nshɛ 35:10 ပူးပေါင်းရင်းမြစ်များ

2 Samuɛl 22:18

E mɔlga ma ashi ma doŋ lempoana na nɛ bumo nɛ b kishi ma na kikɛ be enɔ to, ŋkpal b ka daa kɔ eleŋ ga a chɔ ma so.

Nshɛ 10:14

Ama fo Ebɔrɛ na bee wu tɔrɔ nɛ awurfoŋ ere kikɛ, nseŋ wora shiriya nɛ fo chɛ to. Basa nɛ baa wu awurfoŋ na bɔɔ fo enɔ nna. Fo e naa chɛ amunibi to na.

Nshɛ 102:3

Ma nchɛ bee choŋ nna fanɛ edishi nɛ ma awibi to bee chɔɔ ma to fanɛ edɛ.

Nshɛ 103:6

Enyɛnpe Ebɔrɛ na bee ji asheŋ nɛ amo be ekpa so nna a sa bumo nɛ beko bee mɛaŋ na.

Nshɛ 109:31

Ŋkpal manɛ so, fo e naa chɛ bekama nɛ asheŋ tir na to, nsaa mɔlga bumo ashi basa nɛ baa wu bumo kulubi na be enɔ to.

Nshɛ 140:12

Enyɛnpe Ebɔrɛ, n nyi fanɛ fo e naa kɔ a sa betirpo, nsaa shin nɛ betentaŋasepo bee nya asɔ nɛ a daga bumo.

Nshɛ 140:13

Kashenteŋto, basa nɛ bumo be asheŋ woraso niŋi beeŋ baa wɔ fo kutɔ a kpaŋ fo ketre na.

Nshɛ 146:7

Mo e naa ji asheŋ nɛ amo be ekpa so a sa betirpo nsaa sa bumo nɛ akoŋ kɔ kusɔ jiso. Enyɛnpe Ebɔrɛ na e naa lara basa nɛ b ti ebu ashi kabuti to.

Nshɛ 18:17

E mɔlga ma ashi bedoŋ lempoana na be enɔ to, nɛ bumo nɛ b kishi ma nsaa chɔ ma eleŋ na kutɔ.

Nshɛ 22:14

Ma eleŋ kikɛ loge nna fanɛ nchu ka feeto na, nɛ ma echɛkpaana du fanɛ ma awibi ka maŋ naa chɔ abar so na. Ma kagbene malɛ ki fanɛ ŋku bumbuŋ ka ŋalga na nna.

Nshɛ 22:24

Ŋkpal manɛ so e maŋ pal kaman n sa bumo nɛ b wɔ awurfoŋ to na. E maŋ kplaŋ bumo so saŋɛ so nɛ b shu n tre mo na. E nu bumo be kushu nna.

Nshɛ 32:3

Ŋ ka daa maŋ tuba ashi ma alubi to na; egbɛ ko daa deŋ ma so nna ŋkpal kare chɛ kikɛ be kushu so.

Nshɛ 34:20

Enyɛnpe Ebɔrɛ na e naa kuŋ bumo. Bumo be kuwibi koŋwule gba maaŋ bu.

Nshɛ 34:6

Mo nɛ betentaŋasepo bee shu a tre, nɛ e bee nu bumo be kushu, nsaa mɔlga bumo ashi bumo be etɔrɔ to na.

Nshɛ 37:14

Belubiworapo bee pe nsaŋɛ nna nsaa gberge bumo be ata to a fin betirpo nɛ betentaŋasepo nɛ basa nɛ baa wora asheŋ niŋiso nɛ b mɔ.

Nshɛ 38:3

Ma eyur kikɛ bee besa nna ŋkpal fo agbo so, nɛ mee nu ebesa ma awibi to,

Nshɛ 51:10

Shin nɛ n nya nfɛra niŋiso nseŋ shin nɛ n naa ji kashenteŋ.

Nshɛ 51:8

Shin nɛ ma kagbene e fuli nɛ n ji eyur. Fo daŋ shin nɛ ma eyur buri ma nna ama naniere, shin nɛ n ji ma kumu.

Nshɛ 69:33

Bumo nɛ b maŋ kɔ epe baŋ shu n tre Enyɛnpe Ebɔrɛ na, e beeŋ nu. Mo alɛ maaŋ teŋ mbe basa nɛ b wɔ kabuti to na so.

Nshɛ 71:19

O Ebɔrɛ, fo kebaawɔtɔ niŋiso shi ga, k salga to hale n ya fo awɔlpa to. Fo e wora asheŋgboŋ ga, esa kikɛ maŋ du fanɛ fo.

Nshɛ 86:8

O Enyɛnpe Ebɔrɛ, agbirana kikɛ maŋ du fanɛ fo, Ebɔrɛ kikɛ maŋ naa wɔtɔ a du fanɛ fo. Esa malɛ kikɛ maŋ naŋ wora asheŋ nɛ fee wora ere be kekama.

Ɛksodɔs 15:11

O Enyɛnpe Ebɔrɛ, wanɛ e du fanɛ fo ashi ebɔrɛana kikɛ to? Fo kecheembiya bee mɔ kɔnɔ nna nɛ fo kemaŋkura shi. Wanɛ e du fanɛ fo? Wanɛ e naaŋ tiŋ n wora emamachisheŋ nɛ ashuŋgboŋ nɛ a baa du fanɛ feya ere?

Aizaaya 40:18

Esa kikɛ maŋ du fanɛ Ebɔrɛ. Amoso esa maaŋ tiŋ ŋ ŋini kananɛ e du.

Aizaaya 40:25

Wanɛ bre nɛ esa beeŋ tiŋ n ta m ber Ebɔrɛ cheembi na? Esa mo e wɔtɔ a du fanɛ mo?

Jɛremaya 10:7

Fo e naa ji efuliana na kikɛ so kuwura. Ekama daga fanɛ e maŋkura fo ga nna. Ashi durnya ere to be kaplɛkama, dimɛdi kikɛ maŋ nyi asheŋ a chɔ fo.

Jɛremaya 20:13

Mee boŋ nshɛ a kpaŋ fo, Enyɛnpe Ebɔrɛ na nna. Fo e naa kɔ a suge basa nɛ asheŋ du bumo so kpakpa ashi amu kpakpasowuraana be enɔ to.