Nshɛ 34:7 - EBƆRƐ BE KAWƆL

⁷ Enyɛnpe be emalaika bee kulti bekama nɛ baa bunyaŋ mo nna a wɔtɔ, nsaa mɔlga bumo ashi kenishipere to.

Nshɛ 34:7 ပူးပေါင်းရင်းမြစ်များ

2 Bewura 19:35

Ade be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to kanyɛso n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi nɛ bumo kikɛ wu a dese!

2 Bewura 6:17

Kumo be kaman nɛ Elaisha kule ŋ kaŋɛ: “O Enyɛnpe Ebɔrɛ bugi mbe anishi nɛ e wu kusɔ nɛ k wɔtɔ.” Nɛ Enyɛnpe Ebɔrɛ nu Elaisha be kekule nseŋ bugi mbe kayɛrbi be anishi nɛ e maŋ kumu so ŋ keni nɛ egbaŋɛ nɛ egbaŋɛturko nɛ e bee suse edɛ kulti Elaisha n wɔtɔ kebee na so kikɛ.

Nshɛ 138:3

Ŋ ka shu n tre fo, fo nu ma kekule nna nseŋ sa ma kenyɛn nɛ kagbene.

Nshɛ 139:5

Fo kulti ma kaba kama so nna n wɔtɔ, nseŋ ta fo enɔgboŋ na a kuŋ ma.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 91:11

Ŋkpal manɛ so, Ebɔrɛ beeŋ shin nɛ mbe emalaika e baa kuŋ fo ashi kusɔ kama nɛ fee wora to.

Ɛksodɔs 22:22

Men saa maa mɛaŋ bekulpoche ŋko amunibi,

Ɛksodɔs 22:26

Ekama nɛ e sɔ mo barkasa be wajɛ buuso n nase tarma, k daga fanɛ e bɛta kumo n sa mo pɔɛŋ nɛ epeŋi e tɔr,

Danɛl 6:22

Ma Ebɔrɛ na shuŋi mbe malaika nna nɛ e ba ti ebuluŋ na be nnɔ nɛ b maŋ tiŋ n tɔrɔ ma. Yiramu! E wora loŋ nna ŋkpal e ka nyi fanɛ m maŋ wora kulubi kikɛ so.”

Zakareya 9:8

Ebɔrɛ yɛ: “Meeŋ baa kuŋ ma kasawule nɛ benapo nɛ baa kulti a mɔ basa na maaŋ nya kumo so m bɔla choŋ. M maaŋ sa kumukpakpasowuraana ekpa nɛ b naa kɔrfɛ ma basa. N wu awurfoŋ nɛ ma basa ji na kikɛ.”

Matiu 18:10

Nɛ Yesu kaŋɛ bumo: “Men baa da so n sa maa fɛl mbibi ere be ekama, ŋkpal manɛ so, ma e kaŋɛ menyi na fanɛ bumo be emalaika wɔ ebɔrɛso nna a wu n Tuto Ebɔrɛ nɛ e wɔ ebɔrɛso na.

Luuk 16:22

Kachako nɛ etirpo na wu nɛ emalaika ta mbe kiyoyu n yɔ ebɔrɛso n ya chena Eebraham be kekel so.

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.