Nshɛ 34:21 - EBƆRƐ BE KAWƆL

²¹ Alubiworapoana be asheŋ lubi bee kilgi nna a ji bumo. Ebɔrɛ beeŋ gberge bekama nɛ b kishi mbe basa kusoe.

Nshɛ 34:21 ပူးပေါင်းရင်းမြစ်များ

1 Bewura 22:37

Ndoŋ nna nɛ b ta ewura Ahab n yɔ Samɛria n ya puli.

1 Bewura 22:8

Nɛ ewura Ahab kaŋɛ le: “Ekoŋwule ko kraa wɔtɔ nɛ anyeeŋ tiŋ n wu mo, mo e la Imla pibinyɛn Mikaya ama ŋ kishi mbe asheŋ ga ŋkpal manɛ so kusɔ kama nɛ e wu ŋ kaŋɛ ma maa walɛ.” Nɛ Jehoshafat kaŋɛ: “Sa maŋ kaŋ kaŋɛ loŋ!”

Nshɛ 20:8

Loŋ be basa na beeŋ fiti n tɔr, ama anyi ere baa yil nna kiŋkiŋ. Shɛŋ shɛŋ maa gbuŋgbuŋ anyi.

Nshɛ 40:15

Shin nɛ anishinyɔr gboŋgboŋi e pɛ bekama nɛ baa kaŋɛ ma le na: “Men keni kananɛ e ki a.” Nɛ kufu e pɛ bumo nɛ b baa chicha.

Nshɛ 89:23

Meeŋ tɔrɔ mo doŋana ga nseŋ mɔ ekama nɛ e kishi mo.

Nshɛ 94:23

Ebɔrɛ beeŋ gberge kumukpakpasowuraana kusoe nseŋ mur bumo ŋkpal bumo be asheŋ lubi so. Enyɛnpe anyi be Ebɔrɛ na e naŋ mur bumo.

Ɛksodɔs 12:46

Kumo alɛ daga fanɛ men baa shɛr laŋ kama to nɛ b wora ajibi na nna a ji amo. K maŋ daga fanɛ esa kama e ta ajibi na n lar laŋ na to. Menyi alɛ e sa maŋ kaŋ bure asɔbɔya nɛ men ta n wora kebansonchoŋ be ajibi na be awibi to.

Ɛksodɔs 20:7

Men sa maa ta Enyɛnpe Ebɔrɛ be ketre a wora asheŋ lubi. Men sa maa bɔ Enyɛnpe Ebɔrɛ be ketre na chilchil, ŋkpal manɛ so, Enyɛnpe Ebɔrɛ maaŋ yige m paŋ esa kama nɛ e kɔ mbe ketre a wora a wora asheŋ lubi kikɛ.

Aŋasa 24:16

Basa niŋiso bee tɔr alɛ damta nsaa koso ama tɔrɔ baŋ ba alubiworapo bre so nɛ e tɔr kela koŋwule gba e maaŋ naŋ tiŋ n niŋi to kikɛ.

Aizaaya 3:11

Ama asheŋ maaŋ nyalɛ n sa basa lubi na bre. Kusɔ nɛ b ta n wora basa ko na e naaŋ wora bumo alɛ gba naniere.

Luuk 19:14

Mbe efuli so ebi malɛ daŋ kishi mo ga, amoso, e ka yɔ nɛ b shuŋi mbɔ fanɛ b bɛ mo so n ya kaŋɛ bumo nɛ baaŋ buu mo kuwura na le: ‘Anyi ere maa sha kanyɛn ere ka ki anyi be ewura.’

Luuk 19:27

Ade kikɛ be kaman nɛ enyɛnpe na kaŋɛ le: ‘To, naniere men ya pɛ ma doŋana nɛ b daŋ kaŋɛ fanɛ m maaŋ ki bumo be ewura na m ba teŋ bumo ma anishito.’ ”

Baru lela nɛ Jɔn kute na 7:7

Durnya maaŋ tiŋ ŋ kishi menyi ere, ama ma ere, k kishi ma nna ŋkpal ŋ ka bee kaŋɛ fanɛ kumo be asheŋ woraso maŋ walɛ so.

2 Tɛsalɔnikaebi 1:6

Ŋkpal manɛ so, Ebɔrɛ bee wora asɔ nɛ amo be ekpa so nna. Basa nɛ baa tɔrɔ menyi ere, e beeŋ shin nɛ tɔrɔ e ba bumo so.

2 Tɛsalɔnikaebi 1:9

Baaŋ nya kemur be kasogberge mbaanaayɔ nɛ Ebɔrɛ e barga bumo ashi mo kutɔ nɛ mbe eleŋ be kemaŋkuragboŋ na to.

1 Samuɛl 31:4

Nɛ Sɔɔl kaŋɛ enapo nɛ e bee keta mbe akɔsɔ na le: “Ta fo tokobi m mɔ ma! Ŋkpal manɛ so, m maa sha Filistiebi, nnyamase ere ka mɛaŋ ma m mɔ.” Ama enapo na daŋ kini kewora loŋ nna ŋkpal kufu ka daŋ pɛ mo ga so. Ndoŋ nna nɛ Sɔɔl ta mo gbagba be tokobi be kumu ase n yuu kasawule nseŋ tɔr kumo so.