Nshɛ 34:14 - EBƆRƐ BE KAWƆL

¹⁴ Men yige alubi be kebaawora nsaa wora alela; meeŋ baa kɔ a fin kagbenewushi ashi men be ŋgbene to.

Nshɛ 34:14 ပူးပေါင်းရင်းမြစ်များ

Job be kawɔl 28:28

Kumo be kaman nɛ e kaŋɛ edimɛdi le: “Kanyiasheŋ e la keta bunyaŋ gboŋ n sa ma, Enyɛnpe Ebɔrɛ na. Nɛ kelar alubi to malɛ la asheŋ be kepin to.”

Nshɛ 120:7

N la esa nɛ mee sha kayurwushi nna, ama m baa malga kayurwushi be asheŋ, kusɔ nɛ baa sha kikɛ e la kena.

Nshɛ 37:27

Yige asheŋ lubi be kebaawora; nseŋ fara a wora alelasheŋ. Saŋɛ na so fo kaman to ebi beeŋ nya kasawule ere so n chena mbaanaayɔ.

Nshɛ 39:2

Ŋ ka loto n yili shruum a maa malga kelela na, nɛ ma eyur to be ebesa nɛ tɔrɔ na wora kishi n ti so.

Aŋasa 13:14

Benyiashempo be keŋini du fanɛ ŋkpa be kebuye nna, a chɛ esa to nɛ e bee gelge luwu be kenishipere.

Aŋasa 3:7

Sa maa fɛ fanɛ fo nyi asheŋ ga. Baa nu a sa Enyɛnpe Ebɔrɛ na nsaa gelge alubi.

Aŋasa 4:24

Sa maŋ malga kusɔ kama nɛ kashenteŋ maŋ wɔ kumo to. Fo nɛ efɛsheŋ nɛ mmalga nɛ a bee shin nɛ basa bee wora a foe ekpa e sa maa kɔ shɛŋ.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Matiu 5:9

Kagbenefuli la bekama nɛ baa bar kagbenewushi basa so na peya nna, ŋkpal manɛ so, Ebɔrɛ beeŋ tre bumo mbe mbia.

Ashuŋ Shunso 10:38

Men nyi Nazarɛt be Yesu na be asheŋ nɛ kananɛ Ebɔrɛ lara mo nseŋ shin nɛ Kiyoyu Cheeŋ na nɛ eleŋ ba mo so. E daŋ yɔ kaplɛkama n ya wora kelela nseŋ chɛ basa damta nɛ b daa wɔ Setani be enɔ to na, ŋkpal manɛ so, Ebɔrɛ daa wɔ mo to.

Romebi 12:18

Men baa wora ania kanaŋkamaso nɛ menyeeŋ tiŋ nɛ menyi nɛ basa kikɛ e baa wɔ kagbenewushi be kebaawɔtɔ to.

Romebi 12:9

Men shin nɛ menyi be kasha e baa la kashenteŋ be kasha. Men baa kishi alubisheŋ nsaa far a chɛ alelasheŋ.

Romebi 14:17

Ŋkpal manɛ so, Ebɔrɛ be kuwura na to be asheŋ maŋ la kebaaji nɛ kebaanuu be asheŋ nna. K la alelasheŋ nɛ kagbenewushi nɛ kagbenefuli nɛ a bee shi Kiyoyu Cheeŋ na kutɔ na be kebaawɔtɔ be asheŋ nna.

Romebi 14:19

Amoso, men shin nɛ an baa wora ania saŋkikɛ a wora asheŋ nɛ a bee bar kagbenewushi nɛ asheŋ nɛ a beeŋ tiŋ n chɛ to n shin nɛ an baa leŋ abar to.

2 Kɔrintebi 13:11

To, bekurgepoana, Ebɔrɛ e chɛ menyi to. Men baa kɔ a fin kebaawɔtɔ niŋiso. Men baa du fanɛ kananɛ ŋ kule menyi na nsaa kɔ kɔnɔkoŋwule a wɔtɔ nseŋ naa wɔ kagbenewushi to, nɛ kasha nɛ kagbenewushi be Ebɔrɛ na e baa wɔ menyi to.

Galeeshaebi 6:10

Amoso, kananɛ an kraŋ baa kɔ ekpa naniere bre, men shin nɛ an baa wora basa kikɛ kelela, fɔnfɔŋ bumo nɛ b la an braana beyirdapo na.

1 Tɛsalɔnikaebi 4:11

Ekama e pere kenishi a fin kananɛ e beeŋ baa du boeŋ a maa luri basa be asheŋ to nsaa keni mbe kumu so fanɛ kananɛ an daŋ kaŋɛ menyi na.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 12:14

Men wora ania nɛ menyi nɛ basa kikɛ e baa wɔ ebel nɛ men baa kɔ kebaawɔtɔ cheembiana, ŋkpal manɛ so, esa kama maaŋ wu Ebɔrɛ na ama amodoŋwura baa kɔ kebaawɔtɔ cheembi nna.

Hibruwebi 13:16

Menyi alɛ e sa maŋ teŋ kebaawora kelela nɛ kebaata menyi be asɔana a chɛ abar to so, ŋkpal manɛ so, loŋ be esarga e naa par Ebɔrɛ.

1 Pita 3:11

A daga fanɛ amodoŋwura e baa lar alubi to nsaa wora alela. A daga fanɛ e baa fin kagbenewushi nsaa bɛ kumo so saŋkikɛ.

3 Jɔn 1:11

N teri shaso, sa maa kute asheŋ lubi to, baa kute asheŋ lela to. Esa kama nɛ e bee wora alela la Ebɔrɛ peya nna, ama ekama nɛ e bee wora alubi maŋ naŋ wu Ebɔrɛ.