Nshɛ 34:13 - EBƆRƐ BE KAWƆL

¹³ Kumo ere men sa maa tuge malga lubi, ŋko n shin nɛ men be nnɔ e baa ku efɛ.

Nshɛ 34:13 ပူးပေါင်းရင်းမြစ်များ

Job be kawɔl 15:13

Amoso nɛ fo nya agbo n wɔtɔ Ebɔrɛ nsaa malga a gbiti mo na.

Nshɛ 141:3

O Enyɛnpe Ebɔrɛ, chɛ ma to, nɛ jemanɛ kikɛ nɛ meeŋ bugi ma kɔnɔ, meeŋ baa de mmalga nɛ a beeŋ lar kumo to so.

Nshɛ 39:1

Ŋ kaŋɛ fanɛ meeŋ baa de so, nɛ ma kudonduloŋ maaŋ wora alubi. N yɛ, meeŋ kre ma kɔnɔ so, saŋɛ nɛ ma nɛ basa lubi wɔtɔ na.

Nshɛ 55:11

Durmu be keji nɛ kebaada asheŋ a wea abar to nɛ efɛ e sɔ kadegboŋ na be agbembi so kikɛ.

Aŋasa 12:19

Efɛ maa chɛr nsaa fo ekar, ama kashenteŋ bre wɔtɔ nna mbaanaayɔ.

Aŋasa 12:22

Enyɛnpe Ebɔrɛ kishi befɛpo be asheŋ ga, ama mbe kagbene bee fuli bekama nɛ baa ji kashenteŋ so nna.

Aŋasa 12:7

Belubiworapo baŋ tɔr, bumo nɛ bumo kanaŋ kikɛ bee mur nna, ama basa cheembi bre be kanaŋ wɔtɔ nna mbaanaayɔ.

Aŋasa 13:3

Esa nɛ e bee tiŋ a keta mbe kudonduloŋ beeŋ kuŋ mbe ŋkpa, ama esa nɛ mbe kɔnɔ maŋ kɔ kemɔrɛbi bee mur mbe kumu nna.

Aŋasa 18:21

Atugebi beeŋ tiŋ m mɔ esa, ŋko n sa mo ŋkpa; Esa kama malɛ beeŋ nya mbe m malga be kakɔka.

Aŋasa 19:9

Efɛ be shɛdajipo ashi demujikpa maaŋ paŋ mbe kasogberge kikɛ. Efɛpo malɛ kikɛ beeŋ mur.

Aŋasa 21:23

Esa kama nɛ e bee tiŋ a keta mbe kɔnɔ nɛ kudonduloŋ, bee mɔlga mbe kumu ashi asheŋ lubi nɛ tɔrɔ to nna.

Aizaaya 63:8

Enyɛnpe Ebɔrɛ na daŋ mɔlga mbe basa nna nseŋ kaŋɛ le: “Kashenteŋto b la ma basa nna. B maaŋ ku efɛ n sa ma kikɛ.”

Eemɔs 5:14

Men baa kɔ a fin kelela be kewora nseŋ yige alubi be kebaa wora, saŋɛ na so menyeeŋ baa kɔ ŋkpa, nɛ Enyɛnpetale Ebɔrɛ na e baa wɔ menyi kutɔ fanɛ kananɛ men kaŋɛ na.

Kɔlɔsiebi 3:9

Men sa maa fule abar, ŋkpal manɛ so, men lar men be kebaawɔtɔ dra nɛ k daa shin nɛ menyee wora alubi na to

Jeems 1:19

Ŋ kurgepo shasoana, men ta kesheŋ ere n wɔtɔ ŋgbene to a nyi fanɛ ekama e baa nya manaŋ a nu asheŋ, ama e sa maa nya manaŋ a malga asheŋ ŋko a nya agbo manaŋ manaŋ,

Jeems 1:26

Esa kama nɛ e yɛ e bee bɛ Ebɔrɛ so nsaa maa de mmalga nɛ a bee lar mbe kɔnɔ to so bee fule mbe kumu nna, nɛ mbe kebɛso na malɛ la kebɛso fuloŋ.

Jeems 3:2

An kikɛ bee kaa wora a foe ekpa. Amoso, esa nɛ mo ere maa malga a foe ekpa, kumo ere kulubi kikɛ maŋ wɔ mo to nɛ mo alɛ bee tiŋ a pɔɔ kulubi be yiri kikɛ so ashi mbe kebaawɔtɔ to.

1 Pita 2:1

Amoso, men lara alubi kikɛ ashi menyi to. Men sa maŋ naa ku efɛ ŋko a kɔ kebirkɔnshi ŋko yurkishi ŋko katege be mmalga.

1 Pita 2:22

E daa maŋ wora kulubi kikɛ, kafulesheŋ malɛ kikɛ daa maŋ lar mbe kɔnɔ to.