Nshɛ 34:1 - EBƆRƐ BE KAWƆL

¹ Meeŋ baa fur Enyɛnpe na saŋkama. M maaŋ yige mbe kechɔrɔ kikɛ.

Nshɛ 34:1 ပူးပေါင်းရင်းမြစ်များ

Jɛnesis 20:2

Gerar na nɛ e daŋ kaŋɛ fanɛ mbe eche Sɛɛra la mo sipoche na. Ndoŋ nna nɛ Gerar be ewura Abimelɛk shin nɛ b ya ta Sɛɛra m bar mo.

Jɛnesis 26:1

Jemanɛ ko nɛ akoŋ tɔr efuli na so, ama mannɛ kumo nɛ k daŋ ba Eebraham be jemanɛ so na. Kede daa kɔr. Akoŋ na be jemanɛ na so nɛ Aizek koso n yɔ Filistiebi be ewura Abimelɛk kutɔ ashi Gerar.

Nshɛ 71:6

Ma kebiato kikɛ nɛ n ta ma kumu n to fo so hale m ba fo mbre. Fo e shin nɛ b kurge ma nɛ kayurwushi; ma alɛ beeŋ baa kpaŋ fo mbaanaayɔ.

Nshɛ 71:8

Meeŋ kpaŋ fo nsaa ber fo kemaŋkura be kebomboŋ karechɛ kikɛ.

Aŋasa 29:25

Sa maŋ shin nɛ kusɔ nɛ basa bee fɛ a laŋɛ fo kaplɛa so e baa tir fo. Yirda Ebɔrɛ nɛ e baa kuŋ fo.

Ashuŋ Shunso 16:25

Kumo be kamɔnchɛ be kiidiso Pɔɔl nɛ Sailas ka bee kule Ebɔrɛ nsaa boŋ nshɛ a di Ebɔrɛ epaŋ nɛ bumo braana nɛ b wɔ kabuti na to na bee nu.

Ashuŋ Shunso 5:41

Nɛ beshuŋipo na lar nshɛrwuraana na kutɔ nɛ kagbenefuli ŋkpal Ebɔrɛ ka shin nɛ bumo alɛ tiŋ n ji awurfoŋ ŋkpal Yesu be ketre na so so.

Ɛfesesebi 5:20

Saŋkikɛ men baa chɔrɔ Ebɔrɛ Etuto na ŋkpal kusɔ kikɛ so ashi an Nyɛnpe Yesu Kristo be ketre to.

Kɔlɔsiebi 3:17

Kusɔ kama nɛ k shi men be nnɔ to ŋko nɛ menyee wora, men shin nɛ amo kikɛ e daga esa nɛ e yil Yesu Kristo be katelamu to be kushuŋ nɛ men baa chɔrɔ Ebɔrɛ Etuto na ŋkpal Yesu Kristo so.

1 Tɛsalɔnikaebi 5:18

Men baa chɔrɔ Ebɔrɛ kebaawɔtɔ kama nɛ men wɔtɔ to, ŋkpal manɛ so, kusɔ nɛ e bee sha nɛ men baa wora Yesu Kristo to nna na.

2 Tɛsalɔnikaebi 1:3

Bekurgepoana, a daga an ka bee chɔrɔ Ebɔrɛ saŋkama ŋkpal menyi so. An kɔ ekpa nɛ an chɔrɔ mo ŋkpal kananɛ men be yirda bee wora keshi a ti so so. Kananɛ men be ekama bee sha mo braana na gba bee ti so.

2 Tɛsalɔnikaebi 2:13

Bekurgepoana, a daga an ka chɔrɔ Ebɔrɛ saŋkama ŋkpal menyi nɛ Enyɛnpe bee sha na so. Ŋkpal manɛ so, Ebɔrɛ fara nna n lara menyi nɛ men nya kumɔlga ashi Kiyoyu Cheeŋ na to nseŋ ki Ebɔrɛ be basa cheembi a wɔ keyirda kashenteŋ na to.

1 Samuɛl 21:11

Ndoŋ nna nɛ ewura na be benimuana na kaŋɛ Akish le: “Mannɛ Deevid ere e la mbe efuli so be ewura na a? Mannɛ mbe asheŋ nɛ beche bee boŋ kashɛ a cha a kaŋɛ fanɛ: ‘Sɔɔl mɔ basa kagboŋ ama Deevid bre mɔ basa ŋgboŋto kudu nna.’ ”