Nshɛ 33:7 - EBƆRƐ BE KAWƆL

⁷ Mo e gbargbar teku be nchu kikɛ n wɔtɔ kakpa koŋwule. Mo koŋwule na e koli nchu na n wɔtɔ kakpa chiŋgeliŋ to fanɛ ebu na.

Nshɛ 33:7 ပူးပေါင်းရင်းမြစ်များ

Job be kawɔl 26:10

Ebɔrɛ e chaŋ kefulto nɛ tentembiri be gbaŋfɔl n deŋi teku so.

Nshɛ 78:13

E daŋ shin nɛ teku na ku to nna, nseŋ shin nɛ nchu na ki fanɛ egbal a yil, nɛ e juŋkpar bumo m bɔla kumo to n choŋ.

Ɛksodɔs 15:8

Fo kamuna to be efutegboŋ nawule e shin nɛ nchu nɛ a daŋ ber abar so na kikɛ barga to n niŋi to n yili fanɛ egbal na, nɛ teku na be kechimbi to ki kasawule wɔlso.

Aŋasa 8:29

nseŋ ponte ŋ kaŋɛ nchu na fanɛ a sa maŋ bɔlɔ n dii a chɔ kananɛ e kaŋɛ amo saŋɛ nɛ e tɔl durnya be gbaltɔlase na.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Habakuk 3:15

Fo gbagba be egbaŋɛ nɛ fo ta n fɔnɔ teku be nchuana to nɛ e kaa kupɔpɔ.

Joshuwa 3:13

Saŋɛ na so bɔrɛmatapoana nɛ b sulɔ Enyɛnpe Ebɔrɛ nɛ e to durnya kikɛ na be ŋkre be deka na, be aya kaŋ baŋ yuu nchu na to, Jɔɔdan be lɔr na beeŋ ku to nɛ nchu nɛ a shil a ba e laŋɛ ŋ gbargbar n yili kaboŋ koŋwule fanɛ kebee na.”

Joshuwa 3:16

epul to nɛ lɔr na ku to nɛ nchu nɛ a shil a ba na bɛta kaman n ya fo kade nɛ baa tre Adam nɛ k wɔ Zaretan be efuli so na. Ndoŋ nna nɛ lɔr na be nchu nɛ a shil a yɔ na malɛ shile n ya luri Teku nɛ baa tre Araba na to, (kumo e la Nfɔl be Teku na). Kumo be kaman nɛ basa na dii lɔr na n yɔ kumo be kaba nɛ Jɛriko wɔ na.