Nshɛ 33:5 - EBƆRƐ BE KAWƆL

⁵ Kusɔ nɛ k niŋi ekpa nɛ kebaaji asheŋ nɛ amo be ekpa so; nɛ Enyɛnpe Ebɔrɛ na bee sha. Mbe kasha nɛ k maŋ kɔ ekar na bɔlɔ durnya kikɛ to nna.

Nshɛ 33:5 ပူးပေါင်းရင်းမြစ်များ

Nshɛ 104:24

Enyɛnpe Ebɔrɛ, kanyiasheŋ so nɛ fo bɔla n to asɔ damta. Fo asɔ to so nɛ e kɔ ŋkpa sɔ kasawule so kikɛ nna.

Nshɛ 11:7

Ŋkpal manɛ so, Enyɛnpe Ebɔrɛ na bee wora asheŋ nɛ amo be ekpa so nna nsaa sha kashenteŋji. Bumo nɛ baa wora asheŋ niŋiso e naŋ baa wɔ mo kutɔ.

Nshɛ 119:64

O Enyɛnpe Ebɔrɛ, fo kasha nɛ k maa loge na bɔlɔ kasawule ere kikɛ so nna; amoso ŋini ma fo mbraana na.

Nshɛ 45:7

Fee sha asɔ nɛ a niŋi ekpa nna nseŋ ŋ kishi alubi. Amoso nɛ fo Ebɔrɛ lara fo, nseŋ sa fo kagbenefuli nɛ k chɔ fo braana peya na.

Nshɛ 99:4

Ewura na la esagboŋ nna, nsaa sha kebaaji asheŋ nɛ amo be ekpa so. Mo e yili keji asheŋ nɛ amo be ekpa so ashi Israɛl be efuli so be kaplɛkama.

Jɛremaya 9:23

Kumo be kaman nɛ Enyɛnpe Ebɔrɛ na naŋ kaŋɛ le: “Benyiashempo e sa maa puchi bumo be kanyiasheŋ so, ŋko belempo e sa maa puchi bumo be eleŋ so, ŋko damawuraana e sa maa puchi bumo be kedama so.

Matiu 5:45

saŋɛ na so menyeeŋ baa la men Tuto nɛ e wɔ ebɔrɛso na be mbia. Men baa nyi fanɛ mo ere gbagba maa kpɛa to a shin nɛ mbe epeŋi bee nyaŋɛ a yuu basa lela so a ka basa lubi, mo alɛ maŋ naa shin nɛ bɔrɛ bee ba a sa basa nɛ baa ji asheŋ nɛ amo be ekpa so a ka bumo nɛ b maa wora loŋ na.

Ashuŋ Shunso 14:17

Ama jemanɛ kikɛ, mo alɛ bee wora asɔ lela damta nna a ŋini menyi esa nɛ e la mo. Mo e naa sa menyi bɔrɛchu nɛ adɔjibi jemanɛ nɛ a daga. Mo e naa sa menyi ajibi jiso nsaa shin nɛ kagbenefuli bee bɔlɔ menyi to.”

Hibruwebi 1:9

Fo sha asheŋ nɛ a bɔla ekpa Ebɔrɛ be anishito nseŋ kishi alubisheŋ, amoso nɛ Ebɔrɛ, fo Ebɔrɛ na lara fo nseŋ ta fo ŋ ki ejuŋkparpo na. Kagbenefuliso be ŋku nɛ e ta ŋ gbiti fo m bunyaŋ fo a chɔ fo braana.”