Nshɛ 33:16 - EBƆRƐ BE KAWƆL

¹⁶ Mannɛ ewura be benapo be eleŋ so, nɛ e bee tiŋ a kɔ a pɔɔ so. Mannɛ benapo gba be eleŋ so, nɛ baa tiŋ a kɔ kena a pɔɔ so.

Nshɛ 33:16 ပူးပေါင်းရင်းမြစ်များ

1 Bewura 20:10

E yɛ: “Meeŋ shin nɛ benapo e ba jija fo kade ere nɛ shɛŋ shɛŋ maaŋ naŋ ka ndoŋ. Nɛ ŋ kaa maŋ wora loŋ, kumo ere agbir nɛ mee shuŋ ere e mɔ ma!”

1 Bewura 20:15

Ndoŋ nna nɛ ewura Ahab tre benapo fɔlbi nɛ b wɔ mbonfu mbonfu na m ba shɛr. B daa wɔ benapo alfa anyɔ nɛ adesa nɛ anyɔ. Bumo be kaman nɛ e naŋ tre Israɛl be benapo ŋgboŋ ashunu na malɛ m ba ti so.

2 Kronikɛls 13:8

Naniere, fee fɛ fanɛ feeŋ tiŋ ŋ kɔ m pɔɔ kuwurji nɛ Enyɛnpe ta n sa ewura Deevid be kaman to ebi ere so nna? Menyi alɛ kɔ benapo damta nɛ agbir nɛ Jeroboam ta shuwa n lɔŋɛ fanɛ egbolu fɔlbi na nna nɛ e baa la menyi be agbirana.

2 Kronikɛls 20:12

Fo e la anyi be Ebɔrɛ! Gberge bumo kusoe ŋkpal manɛ so anyi ere maŋ kɔ eleŋ nɛ an kɔ benapo damta nɛ baa ba nɛ b ba kɔ anyi kena ere. Anyi maŋ nyi kananɛ anyeeŋ wora ama anyee kule fo nna nɛ fo chɛ anyi to.”

2 Kronikɛls 20:23

Ammɔnebi nɛ Mowabebi daŋ kilgi nna ŋ kɔ Edɔmebi na be benapo kena nna m mur bumo cheche. Kumo be kaman nɛ b kilgi a mɔ abar.

2 Kronikɛls 32:21

Nɛ Enyɛnpe Ebɔrɛ shuŋi malaika nɛ e ya mɔ Asiriya be benapo na nɛ bumo be benapo be benimuana na kikɛ. Nɛ ewurgboŋ na ta anishinyɔr m bɛta n yɔ epe. Kachako e ka wɔ mbe kegbir be lambu to nɛ mbe mbinyɛnsobi ko ta bumo be etokobi m ba mɔ mo.

Job be kawɔl 36:7

Ebɔrɛ e naa keni basa niŋiso so nsaa kuŋ bumo, mo alɛ nsaa shin nɛ baa wora asheŋ fanɛ bewura, nseŋ naa shin nɛ basa bee sa bumo bunyaŋ mbaanaayɔ.

Job be kawɔl 39:11

Feeŋ shuli n to eyur n lɛ kumo so nɛ k ta eleŋgboŋ nɛ k kɔ na n shuŋ ashuŋ kpakpaso n sa fo a?

Nshɛ 20:8

Loŋ be basa na beeŋ fiti n tɔr, ama anyi ere baa yil nna kiŋkiŋ. Shɛŋ shɛŋ maa gbuŋgbuŋ anyi.

Nshɛ 44:3

Mannɛ bumo gbagba be eleŋ nɛ akɔsɔ e daŋ shin nɛ b sɔ kasawule ere, ŋko n shin nɛ b kɔ m pɔɔ so. Ama ŋkpal fo kagbene ka fuli bumo so so, nɛ fo chɛ bumo to nɛ b kɔ m pɔɔ bumo doŋana so.

Ɛksodɔs 14:28

Nchu na daŋ bɔlɔ m bɛta kaman nna n ya muni Fɛɛro be benapo nɛ b daŋ ta egbaŋɛturkoana nɛ mbe egbaŋɛdiipoana m bɔla kasawule wɔlso so ashi teku na be nferinto n ju a buu Israɛlebi na so nɛ bumo kikɛ nyam mur.

Kaŋinichiŋgeliŋ 9:11

N daŋ naŋ wu kusɔ ko malɛ gba durnya to n ti so. Kumo e la fanɛ, mannɛ basa nɛ baa shile ga e naa tiŋ a ji kɔŋkɔŋ ŋko belempo e naa tiŋ a kɔ a pɔɔ so jemanɛ kikɛ. Mannɛ kanyiasheŋ ŋko kenyi be ga e naa bar ajibi ŋko kedamaya ŋko ketregboŋ. Kumu lubi malɛ wɔtɔ nna n sa ekama.

Jɛremaya 48:14

Mowab be benyɛn bee kaŋɛ nna fanɛ bumo ere la benapo lempo nɛ b kɔ kenyɛn nna.

Jɛremaya 9:23

Kumo be kaman nɛ Enyɛnpe Ebɔrɛ na naŋ kaŋɛ le: “Benyiashempo e sa maa puchi bumo be kanyiasheŋ so, ŋko belempo e sa maa puchi bumo be eleŋ so, ŋko damawuraana e sa maa puchi bumo be kedama so.

Hoziya 10:13

Ama men duu kulubi nseŋ nya kumo be kakɔka. Men ji menyi be kafule be tɔnɔ. Ŋkpal men ka ta men be yirda n deŋi menyi gbagba be eleŋ nɛ benapo damta nɛ men kɔ na so,

Eemɔs 2:14

Basa nɛ baa shile ga gba maaŋ tiŋ n shile n sɔ bumo be amu. Belempo beeŋ paŋ bumo be eleŋ nɛ benapo gba e mɔlga bumo be amu ŋ gben.

Eemɔs 2:15

Basa nɛ b maa to ata a da gba beeŋ shile m bɛta kaman, nɛ basa nɛ baa shile ga gba e shile m mɔlga bumo be amu ŋ gben nɛ egbaŋɛdiipoana gba e dii egbaŋɛ m mɔlga bumo be amu ŋ gben.

Joshuwa 14:12

Naniere ta kebeeso be efuli nɛ Enyɛnpe Ebɔrɛ nase kɔnɔ kamɔnchɛ afanɛ e beeŋ sa ma na n sa ma. An teŋ kaŋɛ fo fanɛ basa tenteŋ gboŋgboŋi nɛ baa tre Anakebi na e wɔ ndegboŋ nɛ b pɔr egbal ŋ kulti na to ashi efuli na kikɛ so. Ashere Enyɛnpe Ebɔrɛ beeŋ yili ma kaman nɛ n ju bumo n lar fanɛ kananɛ Enyɛnpe Ebɔrɛ kaŋɛ na gbagba chap.”

Demujipoana 7:2

Nɛ Enyɛnpe Ebɔrɛ na kaŋɛ Gidiɔn: “Benapo nɛ fo kɔ na shi ga n sa ma nɛ m bɔla bumo so m pɔɔ Midianebi na so. M maa sha Israɛlebi na e fɛ fanɛ bumo gbagba e tiŋ ŋ kɔ m pɔɔ so nsaa maŋ pin fanɛ ma e kɔ n sa bumo.

Demujipoana 7:4

Ndoŋ nna nɛ Enyɛnpe Ebɔrɛ na naŋ kaŋɛ Gidiɔn le: “Basa na kraa shi ga. Keta bumo n yɔ nchu ase nɛ n ya barga bumo so n sa fo. Meeŋ ŋini fo emo nɛ e beeŋ yɔ nɛ emo nɛ e maaŋ yɔ.”

1 Samuɛl 17:4

Kanyɛn ko nɛ baa tre Goliɛf nɛ e shi Gaaf be kade to daŋ lar Filistiebi na be keeyi to nna m ba kaa to Israɛlebi na emaŋ. E daa shibi a chɔ dimɛdi kikɛ nɛ mbe nteŋ daa sa fanɛ ayadra akpanu nɛ gbrɛbi,

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.