Nshɛ 33:11 - EBƆRƐ BE KAWƆL

¹¹ Kusɔ nɛ Enyɛnpe na kre bre wɔtɔ nna mbaanaayɔ. Kusɔ nɛ e yili maa chɛrga kikɛ.

Nshɛ 33:11 ပူးပေါင်းရင်းမြစ်များ

2 Bewura 19:25

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ nɛ b pɔr egbalana ŋ kulti na ki nde bureso.

Job be kawɔl 23:13

Ebɔrɛ maa chɛrga, esa kikɛ malɛ maaŋ tiŋ ŋ kɔ mo ŋko ŋ kuŋ mo ekpa nɛ e sa maŋ wora mbe kepar.

Nshɛ 92:5

O Enyɛnpe Ebɔrɛ, fee wora asheŋgboŋ pasaa, fo nfɛra fɛso malɛ du chiŋgeliŋ alegaiso!

Aŋasa 19:21

Dimɛdi beeŋ tiŋ ŋ kre ŋkre; ama Enyɛnpe Ebɔrɛ be aparsheŋ e naŋ wora.

Kaŋinichiŋgeliŋ 3:14

M baa nyi geeŋ fanɛ kusɔ kama nɛ Ebɔrɛ wora beeŋ baa wɔtɔ mbaanaayɔ. Fo maaŋ tiŋ n ta shɛŋ n ti kumo so, fo alɛ maaŋ naaŋ tiŋ n lara shɛŋ ashi kumo to. Ebɔrɛ wora loŋ nna saŋɛ na so anyeeŋ baa bunyaŋ mo.

Aizaaya 14:24

Kumo be kaman nɛ Enyɛnpetale Ebɔrɛ na bɔ ntaŋ ŋ kaŋɛ le: “Kusɔ nɛ n yili ma kagbene to fanɛ meeŋ wora na gbagba nɛ meeŋ wora.

Aizaaya 14:27

Enyɛnpetale Ebɔrɛ na e yili kumo mbe kagbene to fanɛ e beeŋ wora ade kikɛ. Esa kikɛ malɛ maaŋ tiŋ ŋ kuŋ mo ekpa fanɛ e sa maŋ wora amo.

Aizaaya 46:10

Pɔɛŋ nɛ kesheŋ kikɛ e wora, nɛ ma ere tiŋ n wu kumo ŋ kaŋɛ. N teŋ kaŋɛ fanɛ ma ŋkre beeŋ wora m bɔlɔ so, ma alɛ beeŋ wora kusɔ nɛ ŋ kre kewora kikɛ.

Jɛremaya 29:11

N nawule e nyi ŋkre nɛ ŋ kɔ a sa menyi. K la ŋkre nɛ k beeŋ shin nɛ asheŋ e nyalɛ nsaa nite nɛnɛ a sa menyi nna, mannɛ ŋkre nɛ k beeŋ shin nɛ men ji jɛrbi. K la ŋkre nɛ k beeŋ sa menyi echefoso be kebaawɔtɔ lela nɛ menyee tama na nna.

Nfabel 3:37

Enyɛnpe Ebɔrɛ na maŋ sa kusɔ akpa k maaŋ tiŋ n wora kikɛ.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Maika 4:12

Ama efuliana ere maŋ nyi kusɔ nɛ k wɔ Enyɛnpe Ebɔrɛ na be nfɛra to. B maŋ nyi fanɛ b gama abar so nna nɛ kasogberge e ba bumo so fanɛ kananɛ baa bri ayu na.

Ashuŋ Shunso 15:18

Enyɛnpe nɛ e bugi kesheŋ ere to ŋ kaŋɛ dra na kikɛ na e naa kaŋɛ loŋ na.’ ”

Ɛfesesebi 1:11

Kusɔ nɛ Ebɔrɛ bee kre nsaa nase so nɛ kusɔ kikɛ bee bɔla a wora. Mo koŋwule Ebɔrɛ na malɛ e nase kumo dra dra na kikɛ fanɛ e beeŋ bɔla Kristo so nna n lara anyi nɛ an ba kaa la mbe basa gbagba.