Nshɛ 33:10 - EBƆRƐ BE KAWƆL

¹⁰ Enyɛnpe Ebɔrɛ na e naa jija efuliana be ŋkre. Mo e naa kuŋ bumo be nfɛra lubiana ekpa.

Nshɛ 33:10 ပူးပေါင်းရင်းမြစ်များ

Jɛnesis 11:8

Loŋ nɛ Enyɛnpe Ebɔrɛ na daŋ wora n shin nɛ b pesaŋ to n sɔ kasawule so kikɛ nseŋ yige kadegboŋ na nɛ ketempreŋ jeŋgreŋ nɛ b daa pɔr na be kepɔr.

2 Samuɛl 15:31

B ka kaŋɛ Deevid fanɛ Ahitofɛl gba ti Absalɔm so nna, nɛ e kule Ebɔrɛ le: “Enyɛnpe Ebɔrɛ, jande shin nɛ Ahitofɛl be nfɛra nɛ e beeŋ sa Absalɔm na e ki nfɛra fuloŋ!”

2 Samuɛl 15:34

Kechɛ to nɛ feeŋ tiŋ n sa ma e la fanɛ, fo bɛta n yɔ kade to n ya kaŋɛ Absalɔm fanɛ kananɛ fo shuŋ mo tuto nɛnɛ na gbagba nɛ feeŋ shuŋ mo alɛ gba. Ama wora ania fanɛ feeŋ chɛrga nfɛra kama nɛ Ahitofɛl bee sa Absalɔm.

2 Samuɛl 17:14

Ndoŋ nna nɛ Absalɔm nɛ mbe bebɛsopo na kaŋɛ le: “Hushai be kasotoji ere bɔ Ahitofɛl peya na, ŋkpal manɛ so, Enyɛnpe Ebɔrɛ na e yili kumo fanɛ b sa maŋ bɛ Ahitofɛl be kasotoji na so, saŋɛ na so Absalɔm beeŋ luri asheŋ to.

2 Samuɛl 17:23

Ahitofɛl ka wu fanɛ b maŋ bɛ mbe kasotoji na so na, nɛ e dii n chena mbe kurma so n yɔ mbe kade to Gilo. E ka koli mbe laŋ to be kusɔ kama abar so n loge, nɛ e ya chɛ efɔl. Kakpa nɛ b puli mo nananyɛnana na nɛ b daŋ puli mo alɛ gba.

2 Bewura 6:9

Loŋ be saŋɛ malɛ kikɛ anebi Elaisha daa ta kubɔya nna a sa Israɛl be ewura a kpele mo kusoe a ŋini mo kakpa nɛ Siriyaebi na wɔ fanɛ e sa maŋ yɔ ndoŋ.

Nehemaya 4:9

Ama an kule anyi be Ebɔrɛ nseŋ lara benapo nɛ b baa keni so nsaa kuŋ egbal na kapa nɛ kanyɛ kikɛ.

Nshɛ 140:8

O Enyɛnpe Ebɔrɛ, sa maŋ kaŋ shin nɛ kumukpakpasowuraana e nya kusɔ nɛ baa sha. Nɛ mannɛ aloŋ b maaŋ yige kebaakre asheŋ lubi.

Nshɛ 21:11

Kanaŋkama so nɛ b kre fo ŋkre lubi gba; b maaŋ tiŋ m pɔɔ fo so kikɛ.

Nshɛ 9:15

Efuli pɔtɛana so ebi tɔr amaŋ nɛ bumo gbagba kur to, nɛ ajigbelɛ nɛ b sho na kilgi m pɛ bumo.

Aŋasa 21:30

Dimɛdi be kanyiasheŋ kikɛ nɛ asheŋ be kepinto nɛ ŋkre kikɛ maaŋ tiŋ m pɔɔ Enyɛnpe Ebɔrɛ so.

Aizaaya 19:3

Ma alɛ beeŋ shin nɛ Ijiptebi be ŋkre e mel to nɛ bumo be ŋgbene e jija bumo nɛ b paŋ kenyɛn. Baaŋ ya fin kechɛto bumo be agbirana kutɔ nseŋ naaŋ yɔ belejipo kutɔ n ya bishi so a fin kenu kusɔ ko ashi bubuni kutɔ.

Aizaaya 44:23

Men kaŋɛ esoso nɛ kasawule kikɛ fanɛ a fara a boŋ nshɛ! Men naŋ kaŋɛ abee nɛ kupo to be ndibi kikɛ fanɛ amo alɛ gba e baa shuli nshɛ na so! Enyɛnpe Ebɔrɛ na mɔlga mbe basa Israɛlebi, n shin nɛ mbe kemaŋkura dii efuli ashi Israɛl be efuli so.

Aizaaya 44:25

Ma katiŋ to nɛ anebi fɛpoana bee ku efɛ a ki befɛpo, nɛ bekpalpo malɛ bee ki bewulpo. Emamachisheŋ nɛ mee wora e naa shin nɛ dimɛdi be kanyiasheŋ bee ki kawulisheŋ.

Jɛremaya 19:7

Juda be efuli so nɛ Jerusalɛm to be basa beeŋ tiŋ a kɔ ŋkre gboŋ, ama meeŋ shin nɛ e to jiga ashi ketaŋɛ ere to. Meeŋ shin nɛ bumo doŋana e ba kɔ bumo kena m pɔɔ bumo so nseŋ mɔ bumo n lɛ nɛ mbuibi nɛ kupuŋ to be asɔbɔya e ji bumo.

Ezikɛl 20:32

Menyee kaa kaŋɛ le nna: “Anyee sha fanɛ an baa du fanɛ efuliana nɛ amo be basa bee shuŋ ndibi nɛ ajembu na nna.” Ama kusɔ nɛ menyee fɛ na maaŋ tiŋ n wora kikɛ.

Malakai 1:4

Hale nɛ Isɔɔ be kaman to ebi nɛ b la Edɔm be efuli so ebi na kaŋɛ le gba: “Anyi be nde kikɛ mur, ama anyi alɛ beeŋ naŋ lɔŋɛ m pɔr amo.” Ma Enyɛnpe Ebɔrɛ na malɛ beeŋ kaŋɛ bumo le: “Nɛ men lɔŋɛ m pɔr amo gba meeŋ naŋ bure amo nɛ basa e baa tre ndoŋ ‘Belubiworapoana be efuli nɛ Enyɛnpe Ebɔrɛ be agbo wɔ kumo so mbaanaayɔ.’ ”