Nshɛ 33:1 - EBƆRƐ BE KAWƆL

¹ A daga fanɛ menyi bekama nɛ menyee wora asheŋ niŋiso na; e boŋ nshɛ kagbenefuliso ŋkpal kusɔ nɛ Enyɛnpe na wora so. Menyi nɛ menyee wora mo kasonu na; e boŋ nshɛ kagbenefuliso n fur mo.

Nshɛ 33:1 ပူးပေါင်းရင်းမြစ်များ

Nshɛ 118:15

Ebɔrɛ be basa bee chena bumo be elaŋana to nna a boŋ kekɔmpɔɔso be nshɛ awɔrso a kaŋɛ: “Enyɛnpe Ebɔrɛ na be eleŋgboŋ na e wora asheŋgboŋ!

Nshɛ 135:3

Men kpaŋ Enyɛnpe Ebɔrɛ na, ŋkpal e ka la esa lela so. Men boŋ nshɛ ŋ kpaŋ mbe ketre, ŋkpal k ka bee par mo so.

Nshɛ 147:1

Men baa kpaŋ Enyɛnpe Ebɔrɛ na! Keboŋ nshɛ ŋ kpaŋ an Nyɛnpe Ebɔrɛ na walɛ ga. Kekpaŋ mo wɔ ebel ga nseŋ daga loŋ.

Nshɛ 32:11

Amoso, menyi bekama nɛ menyee wora asheŋ niŋiso na; e shin nɛ men be ŋgbene e fuli menyi nɛ men ji eyur; ŋkpal kusɔ nɛ Enyɛnpe na wora so. Menyi nɛ menyee wora mo kasonu na e boŋ nshɛ kagbenefuliso.

Nshɛ 97:12

Menyi nɛ men wɔ kebaawɔtɔ niŋiso to e shin nɛ menyi be ŋgbene e fuli menyi ŋkpal kusɔ nɛ Enyɛnpe Ebɔrɛ na wora so. Men baa nyiŋi kusɔ nɛ Ebɔrɛ cheembi na bee wora nsaa di mo epaŋ.

Aŋasa 15:8

Enyɛnpe Ebɔrɛ kishi belubiworapo be sarga ga, ama basa lela bre be kabɔrɛkule bee bɔlɔ mo kenishi nna ga.

Romebi 3:10

Loŋ malɛ nɛ abɔrɛsibɛ na bee kaŋɛ na fanɛ: “Elelapo kikɛ maŋ wɔtɔ Ebɔrɛ be anishito, hale ekoŋwule gba maŋ wɔtɔ.

Romebi 5:19

Nɛ kananɛ esa koŋwule be kasomaanu shin nɛ basa kikɛ ki alubiworapoana na koŋwule na nɛ esa koŋwule mo na be kasonu beeŋ shin nɛ basa damta e ki belelapo Ebɔrɛ be anishito.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.