Nshɛ 32:6 - EBƆRƐ BE KAWƆL

⁶ Amoso fo kama nɛ fee ŋana Ebɔrɛ, nsaa wɔ tɔrɔ to, fo kule mo. Saŋɛ na so, tɔrɔ be awɔrfoŋ nɛ k du fanɛ nchu ka to chufulgboŋ a ba eleŋso na maaŋ sulɔ fo n yɔ.

Nshɛ 32:6 ပူးပေါင်းရင်းမြစ်များ

Nshɛ 144:7

Shi esoso ndoŋ n teŋi fo enɔ to m pɛ ma n chule ashi nchu be kechimbi to n sɔ ma n yige; mɔlga ma ashi efuli pɔtɛ be basa be enɔana to.

Nshɛ 4:3

Men nyi fanɛ Enyɛnpe Ebɔrɛ na, ta basa nɛ baa wora asheŋ niŋiso nna ŋ ki mbe mbia; saŋkama nɛ n shu n tre mo, e bee nu ma kekule nna.

Nshɛ 40:3

E sa ma kashɛ popɔr nna, nɛ m boŋ n fur mo, nɛ basa damta e wu kusɔ nɛ Enyɛnpe Ebɔrɛ na wora, nsaa ŋana mo; saŋɛ na so, baaŋ ta bumo be yirda n deŋi mo so.

Nshɛ 42:7

Fo agbo ba ma so nna fanɛ teku be nchu ka baga to m muni ma so na, ŋko nchu ka shi kebee be awɔlto a wurge waa waa na.

Nshɛ 91:7

Basa kagboŋ beeŋ tiŋ n wu n dese fo kekel ko so, nɛ ŋgboŋ kudu e wu n dese fo jisoso, ama shɛŋ maaŋ wora fo ere.

Aŋasa 1:28

Loŋ be saŋɛ na, feeŋ shu n tre ma, kanyiasheŋ, ama m maaŋ tuge fo. Feeŋ fin ma kenishipereso ama fo maaŋ wu ma.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Aizaaya 49:8

Ade be kaman nɛ Enyɛnpe Ebɔrɛ na naŋ kaŋɛ mbe basa le: “Menyi be kumɔlga be jemanɛ kaŋ fo, meeŋ wu menyi kuwɔr nseŋ nu menyi be kabɔrɛkule. Meeŋ kuŋ menyi nseŋ mɔlga menyi. Meeŋ shin nɛ men ta kɔnɔ nɛ n nase nɛ k kɔ tama na n ya sa efuli pɔtɛana so ebi. Ma alɛ beeŋ naŋ shin nɛ men bɛta m ba chena menyi be kasawule nɛ k dese jiga na so.”

Aizaaya 55:6

Men fin Enyɛnpe Ebɔrɛ na nseŋ kule mo saŋɛ nɛ e taga menyi to ere.

Baru lela nɛ Jɔn kute na 7:34

Menyeeŋ fin ma, ama men maaŋ naŋ wu ma. Kakpa nɛ ma alɛ beeŋ baa wɔ na, menyi alɛ maaŋ tiŋ n yɔ ndoŋ.”

2 Kɔrintebi 1:4

Mo e naa leŋ anyi to ashi anyi be etɔrɔ kikɛ to, saŋɛ na so anyi alɛ beeŋ tiŋ n ta keleŋto mo nɛ an gbagba nya ashi Ebɔrɛ kutɔ na n leŋ bekama malɛ nɛ b wɔ etɔrɔ be yiri kikɛ to.

2 Kɔrintebi 6:2

Ŋkpal manɛ so, Ebɔrɛ bee kaŋɛ fanɛ: “Ma kepar be kachɛ nɛ n nu men be ebɔl, nseŋ naŋ chɛ menyi to kumɔlgaachɛ na.” To, ma alɛ e naa kaŋɛ menyi na fanɛ naniere e la Ebɔrɛ be kepar be kachɛ, kabre e la kumɔlga be kachɛ na.

1 Timoti 1:16

Ama Ebɔrɛ wu ma, alubiworapoana be ejuŋkparpo na kuwɔr nɛ e ŋini durnyaebi kananɛ Kristo Yesu be kanyiti ka shi nɛ b yirda mo nseŋ nya ŋkpa nɛ k maŋ kɔ ekar na.

Taites 2:12

Le be kuwɔr be kakɛ ere e naa ŋini anyi fanɛ an yige kabɔrɛfɛl nɛ durnya to be ayɛlgasɔ nsaa wɔ kamootiŋ nɛ kashenteŋ nɛ kabɔrɛŋana be kebaawɔtɔ to anyi be jemanɛ ere to.