Nshɛ 32:5 - EBƆRƐ BE KAWƆL

⁵ Nɛ n tuba nseŋ kaŋɛ fo ma alubi kikɛ. M maŋ naŋ ta kulubi kikɛ n ŋana; nɛ fo ta ma alubi kikɛ m paŋ ma.

Nshɛ 32:5 ပူးပေါင်းရင်းမြစ်များ

2 Samuɛl 12:13

Ndoŋ nna nɛ ewura Deevid kaŋɛ Neetan le: “N wora kulubi ŋ gbiti Enyɛnpe Ebɔrɛ.” Nɛ Neetan kaŋɛ le: “Enyɛnpe Ebɔrɛ gba ta fo alubi m paŋ fo, amoso fo maaŋ wu.

2 Samuɛl 12:9

Nɛ manɛ e ba nɛ fo kini kenu n sa ma nseŋ ŋaba ma le ere? Fo e shin nɛ Ammɔnebi na mɔ Yuriya ashi kena to nɛ fo ta mbe eche ŋ ki feya.

2 Samuɛl 24:10

Ewura Deevid ka pin basa na b kananɛ b sa na nɛ mbe nfɛra fara a wɔl mo to nɛ e fɛ fanɛ e wora kulubi ŋ gbiti Ebɔrɛ nseŋ kaŋɛ le: “Kusɔ nɛ n wora ere bee ŋini nna fanɛ n wora kulubi gboŋgboŋi. Amoso ta m paŋ ma ŋkpal manɛ so n wora kawulisheŋ ga.”

2 Samuɛl 24:17

Ewura Deevid ka wu Malaika nɛ e daa mɔ basa na, nɛ e kaŋɛ Enyɛnpe Ebɔrɛ na le: “Ma e wora n jija nseŋ wora kulubi n ti so. Nɛ manɛ nɛ bebɔlpo ere malɛ wora? Ma nɛ ma kanaŋ e daga fo ka gberge kusoe.”

1 Bewura 8:50

n ta fo basa be alubi nɛ b wora ŋ gbiti fo kikɛ m paŋ bumo n shin bumo doŋana e baa wora bumo kelela.

2 Kronikɛls 6:29

kumo ere fo nu bumo be kekule. Nɛ fo basa Israɛlebi baŋ ta kagbenejija n teŋi bumo be enɔana kabɔrɛkule to n shoŋi bɔrɛlambu ere,

Ɛzra 10:11

Amoso, men tuba n lar men be alubi to ashi men nananyɛnana be Ebɔrɛ na be anishito nseŋ fara a wora mbe aparsheŋ. Men lar basa pɔtɛ nɛ b wea men to ere be asheŋ to nseŋ yige befɔche nɛ men ta a kil na.”

Job be kawɔl 31:33

Basa ko bee ta bumo be alubi a ŋana nna, ama nɛ ma ere wora kulubi m maaŋ ta kumo ŋ ŋana kikɛ.

Job be kawɔl 33:27

Loŋ malɛ kaŋ wora, baaŋ kaŋɛ ekama le: “An daŋ wora alubi nseŋ foe Ebɔrɛ be ekpa so, ama Ebɔrɛ ta m paŋ anyi

Nshɛ 103:12

Kananɛ epeŋilarkpa nɛ epeŋitɔrkpa barga abar a wɔ kufɔ na, aloŋ nɛ Enyɛnpe Ebɔrɛ na lara anyi be alubi ashi anyi so.

Nshɛ 103:3

Enyɛnpe Ebɔrɛ na e naa ta anyi be alubi a paŋ anyi. Mo alɛ e naa chɛ anyi be alɔana kikɛ,

Nshɛ 25:16

Kenawule nɛ awurfoŋ kɔ ma nna; amoso Enyɛnpe Ebɔrɛ, ba chɛ ma to.

Nshɛ 25:18

Keni ma awurfoŋ nɛ kebɔltofinfin ere so, nseŋ ta ma alubi m paŋ ma.

Nshɛ 30:5

E maa nya agbo a chɛr; Mbe kelela bre wɔtɔ nna n sa esa saŋɛ nɛ e wɔ ŋkpa to kikɛ. Kushu beeŋ tiŋ m ba kanyɛso, ama kare tea ka chɛ nɛ kagbenefuli ba.

Nshɛ 38:18

Ŋ kaŋɛ fo ma alubi kikɛ, nɛ kananɛ n tuba n lar amo to.

Nshɛ 38:19

Bedoŋ lempo damta e kishi ma kenyanyaŋɛso.

Nshɛ 51:6

Kashenteŋ nawule nɛ fo ere bee sha. Amoso ŋini ma kashenteŋ be kanyiasheŋ.

Nshɛ 86:15

Ama fo, Enyɛnpe Ebɔrɛ na, la ewɔrwupo nɛ kasha be Ebɔrɛ nna. Fo la esa nna nsaa kɔ kanyiti, a wu kuwɔr jemanɛ kikɛ.

Nshɛ 86:5

O Enyɛnpe Ebɔrɛ, fo la esa lela nɛ fee ta alubi a paŋ nna. Fo alɛ kɔ kasha damta n sa bumo nɛ baa shu a tre fo na nna.

Aŋasa 28:13

Esa kama nɛ e bee ta mbe alubi a ŋana maaŋ yɔ anishito kikɛ, ama Ebɔrɛ beeŋ wu esa nɛ e bee bugi to a kaŋɛ mbe alubi nsaa tuba a lar amo to bre kuwɔr.

Aŋasa 30:20

Eche nɛ e bee lar mo kul kaman be da e la keji nseŋ kpra kɔnɔ so ŋ kaŋɛ fanɛ e maŋ wora kulubi.

Aizaaya 65:24

Pɔɛŋ nɛ baaŋ kule ma kusɔ kama gba nɛ n tiŋ n nu bumo be kekule.

Jɛremaya 2:23

Menyee chɛ fanɛ men maŋ wora alubi, a kaŋɛ menyi maŋ kɔ eyurpi menyi so. Menyi alɛ maŋ shuŋ kegbir nɛ baa tre Baal na. Ama men laŋɛ menyi be nfɛra n yɔ asɔ nɛ men wora ashi Hinnɔm be Ketaŋɛ to na be asheŋ. Men daa shile a kulti nna a shuŋ agbir fanɛ enyɔma fɔlbi nɛ e tuge afɔl so na.

Jɛremaya 2:35

a le nɛ menyee kaŋɛ: ‘Anyi maŋ wora kulubi kikɛ. Enyɛnpe Ebɔrɛ na malɛ maŋ nya agbo n wɔtɔ anyi.’ Amoso meeŋ gberge menyi kusoe ŋkpal men ka chɛ fanɛ menyi maŋ wora kulubi so.

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Jɛremaya 31:20

Israɛl be basa, menyi e la ma mbia nɛ mee sha ga. Kashenteŋ nna fanɛ mee kaa malga a gbiti menyi kenishipereso, ama ma alɛ kraa nyiŋi menyi be asheŋ. Amoso ma kagbene kraa wɔ menyi so. Ŋ kraa beeŋ wu menyi kuwɔr. Ma Enyɛnpe Ebɔrɛ e kaŋɛ na.

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Levitikɔs 5:5

Esa kama nɛ e wora n da so ashi asheŋ ere be kekama to daga e tuba kulubi na to

Malakai 3:8

Kusɔ nɛ mee bishi menyi e la fanɛ, k daga dimɛdi ka bee yuri Ebɔrɛ a? Ayai, loŋ maŋ daga, ama menyi alɛ bee yuri ma. Men yɛ: ‘Nuso nɛ anyee yuri fo?’ Menyi be esarga nɛ men be kudukudusopo nɛ a la meya na to nɛ menyee yuri ma.

Luuk 16:15

Nɛ e kaŋɛ bumo le: “Menyi e naa sha fanɛ basa e baa tre menyi basa lela, ama Ebɔrɛ nyi menyi be ŋgbene to be nfɛra. Asɔ nɛ durnya ere to ebi malɛ bee bunyaŋ a fɛ fanɛ a la asɔ lela na maŋ la shɛŋ Ebɔrɛ be anishito.”

Luuk 7:47

Amoso, mee kaŋɛ fo nna fanɛ kashagboŋ nɛ e ŋini ma ere e naa ŋini b ka ta mbe alubi damta na m paŋ mo. Ama ekama nɛ b yige gbrɛ m paŋ be kasha gba maŋ shi.”

Ɛfesesebi 4:32

Kebaawɔtɔ nɛ k daga fanɛ men baa kɔ e la fanɛ men baa la basa a wu abar kuwɔr nsaa ta abar be alubi a paŋ abar fanɛ kananɛ Ebɔrɛ bɔla Kristo so n ta men be alubi m paŋ menyi na.

Joshuwa 7:19

Ndoŋ nna nɛ Joshuwa kaŋɛ mo le: “M pibinyɛn, sa Enyɛnpe Israɛl be Ebɔrɛ na kemaŋkura nseŋ ji kashenteŋ m bugi to ŋ kaŋɛ ma kusɔ nɛ fo wora kikɛ. Sa maŋ ta shɛŋ ŋ ŋana ma so.”