Nshɛ 31:5 - EBƆRƐ BE KAWƆL

⁵ Enyɛnpe Ebɔrɛ, fo e naa keni ma so. Jande mɔlga ma ŋkpal fo ka la eshenteŋjipo so.

Nshɛ 31:5 ပူးပေါင်းရင်းမြစ်များ

Jɛnesis 48:16

Malaika mo nɛ e tu ma ŋ kɔ emaŋ na e nɛfa bumo. Ebɔrɛ e shin nɛ ma ketre nɛ n tuto Aizek be ketre nɛ n nananyɛn Eebraham be ketre e bɔla mbia ere so a wɔtɔ mbaanaayɔ. Ebɔrɛ e sa bumo mbia damta nɛ kanaŋ to ebi damta durnya to.”

Nshɛ 130:8

Israɛlebi, Enyɛnpe Ebɔrɛ na beeŋ mɔlga menyi ashi menyi be alubi kikɛ to.

Nshɛ 71:23

Meeŋ ta kagbenefuli m boŋ nshɛ awɔrso ŋ kpaŋ fo, ŋkpal fo ka mɔlga ma so.

Aizaaya 50:2

Ŋ ka ba nɛ m ba mɔlga ma basa na, b maŋ shuli m bɛ ma so. Ŋ ka tre bumo gba, b maŋ shuli so. M maŋ kɔ eleŋ nɛ m mɔlga bumo nna a? Ma kɔnɔ to be kamalga beeŋ tiŋ n shin nɛ teku nɛ elɔr kikɛ e wɔlto ŋ ki keshishɛrsawule nɛ ekɔrɔtɔ nɛ e wɔ amo to kikɛ e wu ŋkpal nchu ka maŋ naa wɔtɔ so.

Levitikɔs 25:48

ekpa wɔtɔ nɛ b tɔ Israɛl be esa na n yige. Mo niopibiana na be eko

Luuk 23:46

Nɛ Yesu boŋ to awɔrso ŋ kaŋɛ: “Etuto, n ta ma kiyoyu m bɔɔ fo enɔ.” E ka baŋ kaŋɛ loŋ n loge nɛ e fute mbe lalaloge be efute.

Ashuŋ Shunso 7:59

B daŋ kraa wɔ kekpa Stiven ajembu to nna nɛ e kule Enyɛnpe le: “Enyɛnpe Yesu, shin nɛ ma kiyoyu e ba fo kutɔ.”

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

2 Timoti 1:12

Kumo alɛ so nɛ mee ji le be awurfoŋ ere na. Ama kumo alɛ maŋ kɔ ma anishinyɔr, ŋkpal manɛ so, n nyi esa nɛ n yirda, ma alɛ maa ji kumo emɔrɔ fanɛ e beeŋ tiŋ ŋ keni kusɔ kama nɛ e ta m bɔɔ ma enɔ so hale n ya fo kachɛ na.

2 Timoti 2:13

Nɛ anyi ere kɔ nnɔkilgi gba, mo ere maŋ kɔ kɔnɔkilgi, ŋkpal manɛ so, e maaŋ tiŋ n wora asheŋ n da mbe da so.

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.