Nshɛ 31:22 - EBƆRƐ BE KAWƆL

²² Kufu daa kɔ ma nna, nɛ n daa fɛ fanɛ Ebɔrɛ ju ma ashi mbe anishito nna. Ama n shu n tre mo fanɛ e chɛ ma to, nɛ e nu ma kekule.

Nshɛ 31:22 ပူးပေါင်းရင်းမြစ်များ

Job be kawɔl 35:14

kumo ere e beeŋ kini kenu fo alɛ gba be kekule nɛ fo maŋ nya kanyiti nsaa fin fo nɛ mo be keyili demujikpa na.

Nshɛ 116:11

Jemanɛ nɛ kufu daa kɔ ma gba, m maŋ ta ma yirda n deŋi esa kikɛ so.

Nshɛ 17:7

Ŋini fo mamachi be kasha na. Fo enɔ lempo na nɛ fee ta a mɔlga bumo nɛ baa shile a ba fo kutɔ ashi bumo doŋana be enɔ to.

Nshɛ 31:17

Enyɛnpe Ebɔrɛ, fo nɛ mee shu a tre. Sa maŋ shin nɛ anishinyɔr e ji ma. Ama shin nɛ basa lubi bre e ji anishinyɔr, hale n ya wu n yɔ nchaŋ to.

Nshɛ 6:9

E nu ma kekule nseŋ wu ma kuwɔr, n wora ma asheŋ tirso n sa ma.

Nshɛ 66:20

Meeŋ di Ebɔrɛ epaŋ; ŋkpal e ka bee nu ma kekule nsaa wora ma kelela saŋkikɛ so.

Nshɛ 88:16

Fo agbo ki fanɛ nchu nna m muni ma so; nɛ fo etɔrɔ malɛ mur ma cheche.

Aizaaya 49:14

Le nɛ basa nɛ b wɔ Jerusalɛm to daŋ kaŋɛ: “Enyɛnpe Ebɔrɛ na lar anyi be kaman nseŋ teŋ anyi so.”

Aizaaya 6:5

Ndoŋ nna nɛ ŋ kaŋɛ le: “Tama maaŋ naa wɔtɔ n sa ma nna na! Asheŋ maaŋ nyalɛ n sa ma, ŋkpal manɛ so, kamalga kikɛ nɛ k beeŋ lar ma kɔnɔ to la kulubi nna. Ma alɛ nɛ basa nɛ bumo be mmalga kikɛ la alubi e wɔtɔ, ama ma alɛ wu Enyɛnpetale Ebɔrɛ na kenishiso.”

Ezikɛl 37:11

Ade kikɛ be kaman, nɛ Enyɛnpe Ebɔrɛ na naŋ kaŋɛ ma: “Dimɛdi pibi, Israɛl be basa du fanɛ awibi kɔŋkɔŋ ere nna. Baa fubel nna a kaŋɛ fanɛ b wɔlso nna nsaa maa kɔ echefoso be tama kikɛ kebaawɔtɔ to.

Jona 2:4

Nɛ n fɛ fanɛ fo ju ma fo anishito nna, nɛ m maaŋ naŋ wu fo bɔrɛlambu cheembi na kenishiso kikɛ.

Luuk 11:10

Ŋkpal manɛ so, ekama nɛ e kule beeŋ nya, ekama nɛ e fin beeŋ wu nɛ ekama malɛ nɛ e ŋmɛa kabuna, baaŋ bugi n sa mo.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

1 Samuɛl 23:26

Sɔɔl nɛ mbe basa daa wɔ kebee na be kaba ko nna nɛ Deevid malɛ nɛ mbe basa wɔ kaba ko a fin kananɛ baaŋ wora n nya ekpa n shile. A daŋ ka gbrɛbi nɛ Sɔɔl nɛ mbe basa e pɛ Deevid nɛ mbe basa.

1 Samuɛl 25:32

Ndoŋ nna nɛ Deevid kaŋɛ Abigɛl le: “Kemaŋkura e baa la Enyɛnpe, Israɛl be Ebɔrɛ nɛ e shuŋi fo fanɛ fo ba shɛr ma to kabre ere peya!

1 Samuɛl 27:1

Kumo be kaman nɛ Deevid fɛ le: “Sɔɔl beeŋ tiŋ m mɔ ma nchɛ anyɔ ere to. Amoso kusɔ nɛ meeŋ wora e la fanɛ meeŋ shile n yɔ Filisti be efuli so n ya ŋana, saŋɛ na so e beeŋ fin ma Israɛl be efuli so ŋ gben nɛ n nya ma kumu.”