Nshɛ 31:14 - EBƆRƐ BE KAWƆL

¹⁴ Ama ma yirda deŋ fo so nna. Enyɛnpe, fo e la ma Ebɔrɛ.

Nshɛ 31:14 ပူးပေါင်းရင်းမြစ်များ

Jɛnesis 37:18

E kraa wɔ kufɔ nna a ba nɛ mo daana na wu mo nseŋ wora kɔnɔkoŋwule fanɛ e baŋ ba, b mɔ mo.

Nshɛ 140:6

O Enyɛnpe Ebɔrɛ, fo e la ma Ebɔrɛ. Jande nu ma kekule nseŋ chɛ ma to!

Nshɛ 18:2

Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.

Nshɛ 43:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo, ma alɛ kraŋ beeŋ di fo epaŋ ŋkpal fo ka chɛ ma to so. Fo alɛ e la ma Ebɔrɛ.

Nshɛ 63:1

Enyɛnpe, fo e la ma Ebɔrɛ. Mee fin fo ma kagbene to kashenteŋto; fanɛ kananɛ meeŋ pere kenishi n fin nchu ketarso kpantaŋkpalaŋ ashi keshishɛrsawule so na.

Nshɛ 71:12

O Ebɔrɛ, sa maŋ barga ma n yɔ kufɔ; O ma Ebɔrɛ, ba manaŋ m ba chɛ ma to!

Nshɛ 71:22

Meeŋ ta jaŋjilaŋ m boŋ nshɛ ŋ kpaŋ fo; meeŋ kpaŋ fo ma Ebɔrɛ, ŋkpal fo kashenteŋji so. Meeŋ laŋ jaŋjilaŋ m boŋ nshɛ belbelso n sa fo, Israɛl be Ebɔrɛ cheembi na.

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Matiu 26:39

Ndoŋ nna nɛ e yɔ anishito gbrɛbi n ya gbir n kur kumu n yuu nseŋ kule Ebɔrɛ ŋ kaŋɛ le: “N Tuto, nɛ ekpa wɔtɔ, fo ta awurfoŋ ere ashi ma so, ama mannɛ ma keparso, shin nɛ k baa la feya.”

Matiu 26:42

E ka malga n loge nɛ e naŋ bɛta kela nyɔsopo n ya kule Ebɔrɛ le: “N Tuto, nɛ ekpa maŋ wɔtɔ fanɛ n lar le be awurfoŋ ere to ama m baŋ luri kumo to nna, fo shin nɛ fo aparsheŋ e wora.”

Matiu 27:46

Kerfi asa be jemanɛ na nɛ Yesu boŋ to awɔrso m bishi Ebɔrɛ le: “Elai, Elai, lama sabaktani?” Kumo be kifito e la fanɛ: “Ma Ebɔrɛ, ma Ebɔrɛ, manɛ e ba nɛ fo yige ma?”

Baru lela nɛ Jɔn kute na 20:17

Nɛ Yesu kaŋɛ mo: “Sa maŋ pɛ ma to, ŋkpal manɛ so, m maŋ naŋ bɛta n yɔ esoso Etuto na kutɔ. Ama yɔ n niopibiana na kutɔ n ya kaŋɛ bumo fanɛ mee bɛta nna a yɔ esoso n Tuto nɛ men Tuto nɛ ma Ebɔrɛ nɛ menyi be Ebɔrɛ kutɔ.”