Nshɛ 30:5 - EBƆRƐ BE KAWƆL

⁵ E maa nya agbo a chɛr; Mbe kelela bre wɔtɔ nna n sa esa saŋɛ nɛ e wɔ ŋkpa to kikɛ. Kushu beeŋ tiŋ m ba kanyɛso, ama kare tea ka chɛ nɛ kagbenefuli ba.

Nshɛ 30:5 ပူးပေါင်းရင်းမြစ်များ

Jɛnesis 32:24

Kumo be kaman nɛ Jeekɔb nawule bɛta n yɔ bumo be echenakpa na nɛ kanyɛn ko ba tu mo ŋ kɔ emaŋ hale nɛ kare ya chɛ.

Nshɛ 103:17

Enyɛnpe Ebɔrɛ na bee lara mbe kasha nɛ k maa chɛrga na a ŋini bekama nɛ baa bunyaŋ mo mbaanaayɔ nna; mo alɛ nsaa wora a bɔlɔ mbe nnɔ naseso so a sa bumo be kaman to ebi

Nshɛ 103:9

E maa wu basa kulubi jemanɛ kikɛ; mo alɛ maa nya agbo mbaanaayɔ.

Nshɛ 143:8

Ŋkpal ŋ ka ta ma yirda n deŋi fo so so, shin nɛ m baa nyiŋi fo kasha nɛ k maa loge na be asheŋ kachipurso kikɛ. Mee kule fo nna nɛ fo ŋini ma ekpa nɛ meeŋ baa bɔla so a wora asheŋ.

Nshɛ 145:10

O Enyɛnpe Ebɔrɛ, fo asɔ to so kikɛ beeŋ kpaŋ fo, nɛ fo basa kikɛ e di fo epaŋ.

Nshɛ 16:11

Fo shin nɛ m pin fo ŋkpa be ekpa na. Fo kebaawɔ ma kutɔ, e naa shin nɛ ma kagbene bee fuli ga saŋkama.

Nshɛ 46:5

Ŋkpal Ebɔrɛ ka wɔ kadegboŋ na to so, shɛŋ shɛŋ maa gbuŋgbuŋ kumo. Kachipurdidi kikɛ e bee chɛ kumo to nna.

Nshɛ 47:7

Ŋkpal manɛ so mo, e la durnya kikɛ be ewura nna. Amoso men boŋ nshɛ n di mo epaŋ.

Nshɛ 59:16

Ama ma ere beeŋ boŋ kasha a laŋɛ fo Ebɔrɛ be eleŋgboŋ na be kaplɛa so. Chipurso kikɛ, meeŋ boŋ kashɛ a laŋɛ fo kasha be kaplɛa so. Ŋkpal manɛ so, fo e la ma ekumpo, kakpa nɛ mee shile a ŋana ashi tɔrɔ be jemanɛ.

Nshɛ 63:3

Ŋkpal fo kasha ka shi a chɔ kebaawɔtɔ so meeŋ di fo epaŋ.

Nshɛ 97:12

Menyi nɛ men wɔ kebaawɔtɔ niŋiso to e shin nɛ menyi be ŋgbene e fuli menyi ŋkpal kusɔ nɛ Enyɛnpe Ebɔrɛ na wora so. Men baa nyiŋi kusɔ nɛ Ebɔrɛ cheembi na bee wora nsaa di mo epaŋ.

Ɛksodɔs 3:15

Kede be kaman nɛ Ebɔrɛ naŋ kaŋɛ Mosis fanɛ e kaŋɛ Israɛlebi na le: “Enyɛnpe Ebɔrɛ nɛ e la men nananyɛnana Eebraham nɛ Aizek nɛ Jeekɔb be Ebɔrɛ na e shuŋi ma menyi kutɔ. Ketre ere malɛ e naaŋ baa la ma ketre hale mbaanaayɔ. Loŋ nɛ men be kaman to ebi kikɛ gba beeŋ ba kaa tre ma.

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

Aizaaya 26:20

Ma basa, men luri menyi be ebuana to nseŋ ti menyi be amu so n wɔtɔ. Men ŋana ndoŋ gbrɛbi, n ya fo fanɛ Enyɛnpe Ebɔrɛ na be agbo ka beeŋ wushi.

Hoziya 6:3

Men shin nɛ an wora ania m pin Enyɛnpe Ebɔrɛ na. K baa la kashenteŋ nna geeŋ fanɛ e beeŋ ba. Mbe keba na beeŋ baa du fanɛ kananɛ epeŋi bee pete nna, ŋko kananɛ dɔchubɔrɛ so be bɔrɛ bee ba a wushi kasawule na nna.”

Matiu 5:4

Kagbenefuli la bekama nɛ baa shu nli na peya nna, ŋkpal manɛ so, baaŋ ba nya kagbenewushi.

2 Kɔrintebi 4:17

Kabre nawule be etɔrɔbi ere beeŋ kaŋ bar anyi kemaŋkuragboŋ nɛ k maŋ kɔ ekar nsaa bɔ etɔrɔ ere ga.

Kelaraŋŋini 22:1

Malaika na daŋ ŋini ma ŋkpa be lɔr be nchu gba nɛ a bee wu to fanɛ abɔrɛjembubi ashi Ebɔrɛ nɛ Kpakpafɔlbi be kuwurputiakpa

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.