Nshɛ 3:8 - EBƆRƐ BE KAWƆL

⁸ Kekuŋ shi Enyɛnpe Ebɔrɛ kutɔ nna. Enyɛnpe nɛfa fo basa.

Nshɛ 3:8 ပူးပေါင်းရင်းမြစ်များ

2 Samuɛl 23:12

Nɛ Shamma bre daŋ yili kudɔ na to ŋ kɔ m pɔɔ Filistiebi na so ŋ kuŋ kudɔ na. Kumo be kamɔnchɛ kekɔmpɔɔso gboŋgboŋi nɛ Enyɛnpe Ebɔrɛ na daŋ sa bumo.

Nshɛ 119:94

Mɔlga ma, ŋkpal manɛ so, n la feya nna! Ma alɛ wora ania nna fanɛ meeŋ wora fo mbraana kasonu.

Nshɛ 29:11

Enyɛnpe Ebɔrɛ na e naa sa mbe basa eleŋ, nsaa nɛfa bumo nɛ kagbenewushi.

Nshɛ 31:16

Wu fo kenya kuwɔr nseŋ mɔlga ma, ŋkpal fo kasha nɛ k maŋ kɔ ekar na so.

Nshɛ 58:7

Shin nɛ b foe fanɛ kabombi to be nchu ka wɔlto na. B baŋ gberge bumo be ata to, fo shin nɛ atanyembi na be nnɔ e gbel.

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Nshɛ 9:20

Enyɛnpe Ebɔrɛ, shin nɛ kufugboŋ e tɔr efuli pɔtɛana na so, nɛ b pin fanɛ b la edimɛdi nna ashi fo anishito.

Aŋasa 21:31

Kanaŋkama so nɛ fo bela ase; hale nɛ fo kena to be egbaŋɛ nɛ benapo wora shiriya gba, Enyɛnpe Ebɔrɛ na e naŋ pɔɔ so.

Aizaaya 43:11

N nawule kpeŋ e la Enyɛnpe Ebɔrɛ na. Ma alɛ nawule e naaŋ tiŋ m mɔlga menyi.

Jɛremaya 3:23

Nnyamase be agbirana nɛ an shuŋ abee be awɔlto na bre maŋ chɛ anyi to kuraa. Kechɛ to nɛ Israɛl be basa bee nya kikɛ bee shi Enyɛnpe anyi be Ebɔrɛ na kutɔ nna.

Hoziya 13:4

Enyɛnpe Ebɔrɛ yɛ: “Ma e la Enyɛnpe, men be Ebɔrɛ nɛ n lara menyi ashi Ijipt be kasawule so na. N nawule e la menyi be Ebɔrɛ nɛ men be emɔlgapo.

Jona 2:9

Ama ma ere beeŋ boŋ nshɛ n di fo, Enyɛnpe Ebɔrɛ na, epaŋ nseŋ lara sarga n sa fo. Meeŋ wora m bɔlɔ ma kɔnɔ naseso so, ŋkpal manɛ so, fo e kɔ eleŋ a tiŋ a mɔlga.”

Nɔmbɛs 10:35

Saŋkama nɛ Livaiebi na baŋ ta ŋkre be deka na n lar a yɔ, le nɛ Mosis daa kaŋɛ: “Enyɛnpe Ebɔrɛ, koso ŋ kɔ fo doŋana n shin nɛ b pesaŋ to n shile.”

Ashuŋ Shunso 3:26

Amoso nɛ Ebɔrɛ lara mbe kenya Yesu n shin nɛ e ba menyi kutɔ pɔɛŋ m ba nɛfa menyi a shin nɛ menyi kikɛ bee lar menyi be alubi to na.”

Ashuŋ Shunso 4:12

Yesu na nawule so nɛ anyeeŋ tiŋ n nya kumɔlga. Ebɔrɛ maŋ ta esa kikɛ be ketre durnya ere to n sa basa nɛ b bɔla kumo so n nya kumɔlga she Yesu Kristo nawule peya.”

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Hibruwebi 6:14

Le nɛ e daŋ kaŋɛ Eebraham: “Kashenteŋ nɛ mee ji fo na fanɛ meeŋ nɛfa fo n sa fo kaman to ebi damta.”

1 Pita 3:9

Men sa maa laŋɛ kulubi a ka kulubi ŋko a laŋɛ katege a ka katege. Ama kusɔ nɛ k daga e la fanɛ men baa nɛfa basa nɛ baa wora menyi loŋ be alubiana, ŋkpal manɛ so, Ebɔrɛ ka tre menyi na, nɛfa nɛ e nase kɔnɔ fanɛ e beeŋ sa menyi.

Kelaraŋŋini 19:1

Ade be kaman nɛ n nu kusɔ ko fanɛ jimaŋ damta ko be ebɔlana ka shi ebɔrɛso a boŋ to awɔrso a kaŋɛ le: “Halleluya. Kumɔlga nɛ kemaŋkura nɛ eleŋ la an be Ebɔrɛ na peya nna.

Kelaraŋŋini 7:10

Nɛ b boŋ to awɔrso ŋ kaŋɛ le: “Kumɔlga kikɛ shi an be Ebɔrɛ nɛ e tase mbe kuwurputi so nɛ Kpakpafɔlbi na kutɔ nna.”