Nshɛ 3:7 - EBƆRƐ BE KAWƆL

⁷ Enyɛnpe Ebɔrɛ, mɔlga ma. Gberge ma doŋana kusoe, n shin nɛ bumo be eleŋ e yɔɔ, nɛ b sa maŋ tiŋ m pɔɔ ma so. Fɛta ma doŋana be atayamu, nseŋ gbaŋ bumo be anyi.

Nshɛ 3:7 ပူးပေါင်းရင်းမြစ်များ

2 Samuɛl 18:8

Kena na daŋ salga to nna n yɔ kade na be kupuŋ to nɛ kupo na to kikɛ nɛ benapo nɛ b wu ŋkpal kupo na to be awurfoŋ so daa shi a chɔ bumo nɛ b mɔ kena na gbagba to.

Job be kawɔl 16:10

Basa bee gbɛlɛ ma nna nsaa mɛr nnɔ a ŋini ma. Baa gama nna a kpa ma anishito etaŋ nsaa wora ma eyurto.

Job be kawɔl 29:17

Nɛ basa lubi ya nyaŋ basa n wɔtɔ a tɔrɔ bumo, mee kɔ a suge bumo nna nseŋ ju basa lubi na n lɛ.

Nshɛ 10:12

Enyɛnpe Ebɔrɛ, wora kusɔ ko. Maŋ fo enɔ lempo na so n chɛ bumo nɛ b maaŋ tiŋ n chɛ bumo be amu to na to.

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 27:3

Hale benapo damta kulti ma n wɔtɔ gba, kufu maaŋ pɛ ma. Hale nɛ baa kɔ ma kena gba, ŋ kraa beeŋ yirda fo.

Nshɛ 35:23

Niŋi to, ŋ koso m ba kuŋ ma. Enyɛnpe, ma Ebɔrɛ; ba kɔ n sɔ ma.

Nshɛ 44:23

Enyɛnpe Ebɔrɛ, jande ba chɛ anyi to. Wora kusɔ ko. Sa maŋ kini anyi n lɛ.

Nshɛ 58:6

Mee ŋana bedoŋ nna fanɛ ebuluŋ na. Enyɛnpe Ebɔrɛ, buri bumo anyii nɛ a du fanɛ ebuluŋ be anyii na.

Nshɛ 59:5

Enyɛnpetale Israɛlebi be Ebɔrɛ, niŋi to ŋ gberge efuli pɔtɛana na be basa kikɛ kusoe. Sa maŋ wu basa lubi, nɛ baa mɔ basa na kuwɔr.

Nshɛ 6:4

Enyɛnpe, ba mɔlga ma. Wu ma kuwɔr, nseŋ mɔlga ma ashi luwu to.

Nshɛ 7:6

Enyɛnpe Ebɔrɛ, nya agbo ŋ kpa n niŋi to n tu ma doŋana nɛ b nya agbo ga na; yili to n shin nɛ kashenteŋji e di efuli.

Nshɛ 74:11

Manɛ nna nɛ fo kini kechɛ anyi to? Manɛ nna nɛ fo maaŋ gberge bumo kusoe?

Nshɛ 76:9

Jemanɛ nɛ fo kpa n niŋi to nɛ fo fara demuji m mɔlga basa nɛ baa ji awurfoŋ durnya to nna na.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Nfabel 3:30

Hale nɛ b bri anyi nseŋ tege anyi gba, an sɔ kumo loŋ.

Habakuk 2:19

Asheŋ maaŋ nyalɛ n sa menyi nɛ menyee kaŋɛ kedibi ŋko kejembu fanɛ k koso n sɔ nchu n nuu na. Kegbir beeŋ tiŋ n lara kesheŋ ko ŋ ŋini fo a? Baaŋ tiŋ n ta shuwa ŋko gbiti ŋ gbiti kumo, ama k kraa maŋ kɔ ŋkpa.