Nshɛ 28:7 - EBƆRƐ BE KAWƆL

⁷ Enyɛnpe Ebɔrɛ na e naa sa ma eleŋ nsaa kuŋ ma. N yirda mo kashenteŋto. E chɛ ma to n shin nɛ ma kagbene fuli ma. Amoso meeŋ ji eyur nseŋ boŋ nshɛ n di mo epaŋ.

Nshɛ 28:7 ပူးပေါင်းရင်းမြစ်များ

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Nshɛ 13:5

Ama ma tama deŋ fo kasha nɛ k maa loge na so nna. Ma kagbene beeŋ fuli ma ŋkpal fo ka beeŋ mɔlga ma so.

Nshɛ 13:6

Enyɛnpe Ebɔrɛ, meeŋ boŋ kashɛ m maŋkura fo, ŋkpal fo ka wora ma kelela so.

Nshɛ 19:14

Enyɛnpe Ebɔrɛ nɛ fo la ma kefaltagboŋ nɛ ma emɔlgapo. Shin nɛ ma kɔnɔ to be mmalga nɛ ma kagbene to be nfɛra, e baa bɔlɔ fo kenishi.

Nshɛ 21:1

Enyɛnpe Ebɔrɛ, ewura be kagbene fuli nna ŋkpal fo ka sa mo eleŋ so. Kechɛto nɛ fo sa mo na e shin nɛ mbe kagbene fuli ga.

Nshɛ 22:4

Fo nɛ an nananyɛnana ta bumo be yirda n deŋi so. B yirda fo nna, nɛ fo mɔlga bumo.

Nshɛ 28:8

Enyɛnpe Ebɔrɛ na e naa sa mbe basa eleŋ. Mo e naa kuŋ nsaa mɔlga mbe ewura laraso.

Nshɛ 3:3

Ama, fo Enyɛnpe Ebɔrɛ na, e naa kuŋ ma saŋkikɛ. Fo e naa shin nɛ mee kɔ a pɔɔ so, nsaa shin nɛ mee nya bunyaŋgboŋ nɛ keleŋto.

Nshɛ 3:4

N shu n tre fo Enyɛnpe Ebɔrɛ na; nɛ fo nu ma kushu ashi fo kebee cheembi na so.

Nshɛ 33:21

Anyi be ŋgbene fuli anyi nna; ŋkpal an ka yirda mbe ketre so.

Nshɛ 37:39

Enyɛnpe Ebɔrɛ na e naa kuŋ mbe basa, nsaa mɔlga bumo tɔrɔ be saŋɛ.

Nshɛ 40:3

E sa ma kashɛ popɔr nna, nɛ m boŋ n fur mo, nɛ basa damta e wu kusɔ nɛ Enyɛnpe Ebɔrɛ na wora, nsaa ŋana mo; saŋɛ na so, baaŋ ta bumo be yirda n deŋi mo so.

Nshɛ 43:2

Fo e la ma ekumpo lempo; manɛ nna nɛ fee ju ma a lɛ? Sa maŋ shin bedoŋ e baa mɛaŋ ma n shin nɛ ma kagbene e baa jija.

Nshɛ 46:1

Ebɔrɛ e la anyi be ekumpogboŋ saŋkikɛ, nsaa sa anyi eleŋ. Mo e wɔtɔ saŋkama a chɛ anyi to tɔrɔ be jemanɛ.

Nshɛ 46:2

Amoso hale nɛ kasawule gbuŋgbuŋ to nɛ abeegboŋ tia n tɔr teku be kakpa chiŋgeliŋ gba, kufu maŋ kɔ anyi.

Nshɛ 69:30

Meeŋ boŋ kashɛ n fur Enyɛnpe Ebɔrɛ na, nseŋ chɔrɔ mo ma kagbene to.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Nshɛ 91:4

E beeŋ parga mbe atɛ m buu fo so a kuŋ fo nɛ fo nya fo kumu, Mbe kashenteŋji du fanɛ kebɛlso be kusɔ kuŋkumuso ŋko egbal nɛ k bee kuŋ kade nna.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 45:24

Bumo alɛ beeŋ kaŋɛ fanɛ n nawule kutɔ nɛ esa beeŋ tiŋ n nya kekɔmpɔɔso nɛ eleŋ. Ama bekama nɛ b kishi ma na bre beeŋ ŋaba.

Aizaaya 61:10

Jerusalɛm bre bee ji eyur kagbenefuliso nna ŋkpal kusɔ nɛ Enyɛnpe Ebɔrɛ na wora so. K du fanɛ kejafɔche ka ta mbe kejafɔ to be asɔbuuso m buu mbe kejafɔachɛ na nna. Ebɔrɛ ta kumɔlga nɛ kekɔmpɔɔso m buu Jerusalɛm nna fanɛ piŋi.

Ɛfesesebi 6:10

Ade kikɛ be kaman, men baa kɔ eleŋ Enyɛnpe na nɛ mbe eleŋgboŋ na to.

Kelaraŋŋini 15:3

B daa yil nna a kɔ amo a boŋ anebi Mosis, Ebɔrɛ be kenya na be kashɛ nɛ Kpakpafɔlbi na be kashɛ a kaŋɛ: “Enyɛnpetale Ebɔrɛ, Enyɛnpe fo asheŋ woraso kɔ mamachi pasaa! Fo nɛ fo la efuli kama be Ewura na, fo ekpa niŋi nsaa kɔ kashenteŋ amo to pasaa!

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.