Nshɛ 28:5 - EBƆRƐ BE KAWƆL

⁵ Bumo be shɛŋ maŋ wɔ Enyɛnpe Ebɔrɛ be asheŋ to. Amoso e beeŋ gberge bumo kusoe nseŋ mur bumo cheche.

Nshɛ 28:5 ပူးပေါင်းရင်းမြစ်များ

2 Samuɛl 7:13

Mo e naŋ pɔr ma bɔrɛlambu n sa ma. Mo alɛ be kuwurji maaŋ loge kikɛ.

2 Samuɛl 7:27

Enyɛnpetale, Israɛl be Ebɔrɛ, ŋkpal fo ka lara le be asheŋ ere kikɛ ŋ ŋini ma, fo kayɛrbi, nseŋ kaŋɛ ma fanɛ feeŋ shin nɛ n nanabiana e ba ki bewura kachako so na so nɛ n nya kagbene ŋ kule le be kabɔrɛkule ere na.

1 Bewura 11:38

Nɛ fo baa bɛ ma mbra kikɛ so, nsaa wora kusɔ nɛ mee kaŋɛ, fanɛ kananɛ ma kayɛrbi ewura Deevid daa wora na bre, ma alɛ beeŋ baa wɔ fo kutɔ saŋkikɛ. Meeŋ shin nɛ fo ki Israɛl be ewura nɛ fo kaman to ebi gba e baa kaa ji kuwura fanɛ kananɛ n wora Deevid na.

Nshɛ 10:5

Ama saŋkikɛ asheŋ bee nite nɛnɛ nna a sa bumo. Bumo be shɛŋ maŋ wɔ fo mbra to; bumo alɛ naa keni bumo doŋana jiga nna saŋkikɛ.

Nshɛ 104:24

Enyɛnpe Ebɔrɛ, kanyiasheŋ so nɛ fo bɔla n to asɔ damta. Fo asɔ to so nɛ e kɔ ŋkpa sɔ kasawule so kikɛ nna.

Nshɛ 8:3

N baŋ keni awɔlpa nɛ fo to, nɛ kananɛ fo ta kufɔl nɛ achɛkpabi n yili amo be eyilikpa,

Aizaaya 22:11

men daŋ pɔr nchu be eyilikpa nna ashi kadegboŋ na to n sɔ nchu nɛ a shi kepa dra na to a ba na n yili. Ama men daŋ maŋ laŋɛ menyi be lakal Ebɔrɛ nɛ e kre ade kikɛ dra dra na kikɛ pɔɛŋ nɛ a bee wora ere bre so.

Aizaaya 40:26

Maŋ anishi so ŋ keni awɔlpa so! Wanɛ e to achɛkpabi nɛ fee wu ere? Mo ere Ebɔrɛ nɛ e bee juŋkpar amo fanɛ benapo be ejuŋkparpo na, e nyi kananɛ amo kikɛ sa nɛ amo be kekama be ketre! Enyɛnpe Ebɔrɛ na be yuku shi ga, nɛ achɛkpabi na be kekama maa foe mo so.

Aizaaya 45:12

Ma e to durnya nseŋ to edimɛdi be yiri yiri n wɔtɔ kumo to. Ma eleŋgboŋ so nɛ awɔlpa parga to n sɔ kaplɛkama nɛ epeŋi nɛ kufɔl nɛ achɛkpabi kikɛ wɔ kumo so na.

Aizaaya 45:18

Enyɛnpe na nawule e la Ebɔrɛ, mo e to ebɔrɛso nɛ durnya nɛ basa wɔ kumo to na. E maŋ to durnya nna nɛ k baa dese fuloŋ fanɛ kiyi.” Mo e kaŋɛ le na: “Ma e la Enyɛnpe Ebɔrɛ, Ebɔrɛ kikɛ maŋ naa wɔtɔ n ti ma so.

Aizaaya 45:8

Meeŋ shin nɛ kewora asheŋ niŋiso e shi ebɔrɛso m ba kasawule so fanɛ bɔrɛchu na, m ba shin nɛ kamooji nɛ kashenteŋji e sɔ kaplɛkama. Ma Enyɛnpe Ebɔrɛ na e naaŋ shin nɛ le e wora.

Aizaaya 5:12

Ejaŋjilaŋ nɛ echakachaka nɛ nlopi nɛ yabra nɛ menyee ta a ji menyi be amu ashi menyi be kasanuu be kejigboŋana to, ama menyi maa kaa fɛ asɔ nɛ Enyɛnpe Ebɔrɛ na wora be asheŋ.

Jɛremaya 31:4

Ŋ kraa beeŋ lɔŋɛ menyi be efuli na m pɔr. Menyi alɛ kraa beeŋ ta menyi be echakachaka m boŋ nshɛ n cha kagbenefuliso

Hoziya 14:9

Benyiashempo beeŋ pin asheŋ ere be kifito nseŋ bɛ amo so. Enyɛnpe Ebɔrɛ be ekpa niŋi nna. Basa nɛ bumo alɛ kɔ kebaawɔtɔ cheembi nawule e naa bɔla kumo so. Belubiworapo bre bee fiti nna a tɔr ŋkpal b ka kini kumo be kebɛso so.

Nɔmbɛs 23:23

Kudur ŋko kegbaya be eleŋ kikɛ maŋ wɔtɔ nɛ k beeŋ tiŋ ŋ kɔ m pɔɔ Israɛl be efuli ere so, Basa beeŋ ji Israɛl be asheŋ be shɛda ŋ kaŋɛ le: ‘Men keni kusɔ nɛ Ebɔrɛ wora n sa mbe basa!’

Baru lela nɛ Jɔn kute na 12:37

Yesu daŋ wora emamachisheŋ damta ere kikɛ bumo be anishito, ama bumo alɛ daa maŋ yirda mo.

Romebi 1:20

Kashenteŋ malɛ nna fanɛ yili jemanɛ nɛ Ebɔrɛ baŋ to durnya kikɛ na m ba fo mbre, basa beeŋ tiŋ m pin kananɛ mbe edasheŋ nɛ basa maaŋ tiŋ n wu kenishiso na du, kumo e la fanɛ mbe eleŋ nɛ k maŋ kɔ ekar na nɛ kananɛ e la Ebɔrɛ kashenteŋto na. Bumo alɛ beeŋ tiŋ m pin amo to, ŋkpal mbe asɔtoso so. Loŋ so, b maaŋ tiŋ ŋ kini mo nseŋ ta bumo be amu n ya ji.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.