Nshɛ 28:1 - EBƆRƐ BE KAWƆL

¹ Enyɛnpe Ebɔrɛ, fo e la kefaltagboŋ a kuŋ ma. Amoso, nu ma kekule nsaa maŋ kplaŋ ma so. Fo baŋ kplaŋ ma so, k maaŋ chɛr nɛ n wu n yɔ nchaŋ to.

Nshɛ 28:1 ပူးပေါင်းရင်းမြစ်များ

Job be kawɔl 33:28

nseŋ sɔ anyi n yige ashi luwu to nɛ an kraa wɔ ŋkpa to.”

Nshɛ 142:1

Mee shu a tre Enyɛnpe Ebɔrɛ nna; a kule mo fanɛ e wu ma kuwɔr.

Nshɛ 142:2

Mee ta ma nfubel kikɛ nna a bar mo; nsaa kaŋɛ mo ma etɔrɔ kikɛ be asheŋ.

Nshɛ 143:7

Jande Enyɛnpe Ebɔrɛ, nu ma kabɔrɛkule manaŋ! Ma tama kikɛ loge. Sa maŋ pal kaman n sa ma. Nɛ mannɛ aloŋ meeŋ ya ti bumo nɛ b teŋ wu n yɔ bubuni to na so.

Nshɛ 18:2

Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.

Nshɛ 22:2

Ma Ebɔrɛ, mee shu a tre fo kapa nɛ kanyɛ nna, fo alɛ maa nu. Amoso ma kagbene maŋ dese ma.

Nshɛ 3:4

N shu n tre fo Enyɛnpe Ebɔrɛ na; nɛ fo nu ma kushu ashi fo kebee cheembi na so.

Nshɛ 30:4

Menyi nɛ menyee ji kashenteŋ na e boŋ nshɛ n chɔrɔ Enyɛnpe Ebɔrɛ, ŋkpal asɔ lela nɛ e wora n sa anyi na so.

Nshɛ 30:9

Manɛ be tɔnɔ nɛ ma luwu kɔ n sa fo? Manɛ nɛ ma keyɔ nchaŋ to beeŋ wora fo? Bubuni beeŋ tiŋ n fur fo a? Baaŋ tiŋ m malga fo kashenteŋji nɛ alelasheŋ be asheŋ a?

Nshɛ 35:22

Enyɛnpe Ebɔrɛ, fo gbagba wu kesheŋ ere. Amoso sa maŋ lo to. Enyɛnpe Ebɔrɛ, sa maŋ yɔ kufɔ ŋ ka ma.

Nshɛ 39:12

Enyɛnpe Ebɔrɛ, jande, nu ma kekule. Nu ma kushu nseŋ chɛ ma to. Anishichubi e bɔlɔ ma anishi kikɛ to. N du fanɛ efɔ nna ashi fo kutɔ, fanɛ kananɛ n nananyɛnana daa la befɔ na.

Nshɛ 42:9

Fo e du fanɛ kefalta a kuŋ ma. Manɛ nna nɛ fo teŋ ma so? Manɛ nna nɛ bedoŋ bee mɛaŋ ma, a shin nɛ ma kagbene maa fuli ma?

Nshɛ 5:2

Ma Ebɔrɛ nɛ ma ewura, nu ma kushu. Enyɛnpe Ebɔrɛ, mee kule fo nna, chɛ ma to.

Nshɛ 69:15

Sa maŋ shin nɛ chuful e sulɔ ma n yɔ, ŋko n shin nɛ teku e mur ma, ŋko n shin nɛ luwu e ta ma m min.

Nshɛ 77:1

N shu n tre Ebɔrɛ nna a fin kechɛto. Ŋ ka shu n tre mo, nɛ e nu ma kushu na.

Nshɛ 83:1

O Ebɔrɛ, sa maŋ wora shruum, n lo to a maa wora shɛŋ!

Aŋasa 1:12

n shin nɛ bumo nɛ b kɔ eleŋ nɛ alenfia na e ki bubuni n luri nchaŋ to.

Aizaaya 26:4

Amoso an baa yirda Enyɛnpe Ebɔrɛ na saŋkama, nɛ e baa la fanɛ kefalta a kuŋ anyi saŋkikɛ.

Aizaaya 38:18

Esa kama nɛ e wɔ bubuni to maaŋ naŋ tiŋ ŋ kpaŋ fo; bubuni maaŋ naŋ tiŋ n yirda fo kashenteŋji.

Kelaraŋŋini 20:3

E ka kre mo n loge nɛ e ta mo n lɛ n wɔtɔ kemaŋ nɛ baa tre Abis to na nseŋ ber kumo so n ta tɔɔnɛ be kebersobi n dulgi kumo n ti so, saŋɛ na so e maaŋ naŋ nya n fule efuliana so ebi, ama nfɛ kagboŋ na ya choŋ nna. Nfɛ kagboŋ na be kaman a daga fanɛ b saŋɛ mo n lɛ gbrɛbi.