Nshɛ 27:9 - EBƆRƐ BE KAWƆL

⁹ Jande sa maŋ pal kaman n sa ma, sa maŋ nya agbo n ju fo kenya n lɛ. Fo e la ma echɛtopo, amoso, ma Ebɔrɛ nɛ ma emɔlgapo; sa maŋ kplaŋ ma so ŋko n yige ma.

Nshɛ 27:9 ပူးပေါင်းရင်းမြစ်များ

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

Nshɛ 102:2

Sa maŋ ŋana ma so jemanɛ nɛ n wɔ tɔrɔ to. Kaŋ kusoe n nu ma kekule, nseŋ tuge ma manaŋ manaŋ.

Nshɛ 102:3

Ma nchɛ bee choŋ nna fanɛ edishi nɛ ma awibi to bee chɔɔ ma to fanɛ edɛ.

Nshɛ 119:121

N wora kusɔ nɛ k daga nsaa walɛ; sa maŋ yige ma n sa bedoŋ.

Nshɛ 13:1

Enyɛnpe Ebɔrɛ, feeŋ teŋ ma so mbaanaayɔ a? Feeŋ ŋana ma so n chɛr a?

Nshɛ 143:7

Jande Enyɛnpe Ebɔrɛ, nu ma kabɔrɛkule manaŋ! Ma tama kikɛ loge. Sa maŋ pal kaman n sa ma. Nɛ mannɛ aloŋ meeŋ ya ti bumo nɛ b teŋ wu n yɔ bubuni to na so.

Nshɛ 24:5

Loŋ be basa nɛ Enyɛnpe Ebɔrɛ na bee nɛfa nsaa mɔlga, a shin nɛ baa ji a lar mbe anishito fanɛ basa nɛ b maŋ wora n jija na.

Nshɛ 44:24

Manɛ nna nɛ fo ŋana anyi so, nseŋ teŋ anyi be awurfoŋ nɛ kamɛaŋ so?

Nshɛ 51:11

Sa maŋ ju ma ashi fo anishito. Ŋko n lara fo kiyoyu cheembi na ashi ma to.

Nshɛ 69:17

Saŋ maŋ pal kaman n sa fo kenya. Jande nu ma kekule manaŋ, ŋkpal manɛ so, n wɔ tɔrɔ to nna.

Nshɛ 69:18

Ba mɔlga ma ashi bedoŋ be enɔ to.

Nshɛ 88:1

O Enyɛnpe Ebɔrɛ nɛ fo la ma emɔlgapo, kapa nɛ kanyɛ, fo nɛ mee shu a tre.

Aizaaya 50:1

Enyɛnpe Ebɔrɛ na yɛ: “Menyee fɛ fanɛ ŋ kini ma basa nna nseŋ ju bumo n lɛ fanɛ kananɛ enyɛn bee kini mbe eche nsaa ju mo a lɛ na. To, nnɛ nɛ kakilgboŋi be nwɔl na wɔ? Menyee fɛ nna fanɛ ma e fa menyi fanɛ anya ŋ ka kukɔ fanɛ kananɛ esa bee fa mbe mbia fanɛ anya a ka kukɔ na a? Ama mannɛ aloŋ nna, menyi be alubi so nɛ b pɛ menyi anya n yɔ. Menyi be aworandeso so nɛ b sulɔ menyi n yɔ efuli pɔtɛana so.

Aizaaya 59:2

Menyi be alubi e barga menyi nɛ men be Ebɔrɛ be kefɛato. Amoso nɛ e maa nu menyi be kabɔrɛkule na.

Jɛremaya 32:40

Ma nɛ bumo malɛ beeŋ wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Ma alɛ maaŋ yige kebaawora asheŋ lela a sa bumo nseŋ shin nɛ b baa ŋana ma ashi bumo be ŋgbene to, a maaŋ naaŋ shile ma.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

1 Samuɛl 7:12

Ndoŋ nna nɛ Samuɛl ta kejembu n yuu Mizpa nɛ Shɛn be kefɛato nseŋ nase kumo be ketre Ebeneeza ŋ kaŋɛ le: “Enyɛnpe Ebɔrɛ na e chɛ anyi to m ba fo nfe.”