Nshɛ 27:8 - EBƆRƐ BE KAWƆL

⁸ N yili ma kagbene to nna fanɛ meeŋ fin fo; amoso nɛ m pere kenishi nɛ n wu fo na.

Nshɛ 27:8 ပူးပေါင်းရင်းမြစ်များ

2 Samuɛl 21:1

Saŋɛ nɛ Deevid la ewura na nɛ akoŋgboŋ ko daŋ tɔr nfɛ asa. Ndoŋ nna nɛ Deevid bishi Enyɛnpe Ebɔrɛ kusɔ nɛ e beeŋ wora a laŋɛ akoŋ na be kaplɛa so. Nɛ Enyɛnpe Ebɔrɛ kaŋɛ mo le: “Ewura Sɔɔl nɛ mbe kanaŋ wora kulubi ŋkpal b ka mɔ Gibiɔnebi so.”

2 Kronikɛls 7:14

nɛ ma basa bar bumo be amu kaseto ŋ chɛrga bumo be nfɛra a laŋɛ alubi nɛ baa wora na be kaplɛa so nseŋ kule ma bre, meeŋ yili esoso n nu bumo be kekule nseŋ ta bumo be alubi m paŋ bumo nseŋ naŋ nɛfa bumo be kasawule n shin nɛ k baa wora adɔjibi nɛnɛ.

Nshɛ 105:4

Men ta men be yirda n deŋi Enyɛnpe Ebɔrɛ na nɛ mbe eleŋgboŋ so nsaa bunyaŋ mo jemanɛ kikɛ.

Nshɛ 119:58

Mee kule fo nna ashi ma kagbene to kikɛ fanɛ fo wu ma kuwɔr fanɛ kananɛ fo nase kɔnɔ na.

Nshɛ 24:6

Loŋ be basa e naa fin Enyɛnpe Ebɔrɛ be ekpa, nsaa shuŋ an nananyɛn Jeekɔb be Ebɔrɛ na.

Aizaaya 26:16

Enyɛnpe Ebɔrɛ, fo gberge fo basa kusoe, nɛ b ta kagbenejija nɛ kushu ŋ kule fo.

Aizaaya 45:19

Mannɛ ashiri to nɛ m malga ŋko n ta ma ŋkre ŋ ŋana. M maŋ kaŋɛ Israɛl be basa fanɛ, nɛ b fin ma b maaŋ wu ma a. Ma e la Enyɛnpe Ebɔrɛ nɛ e bee ji kashenteŋ na. Kusɔ nɛ k bɔla ekpa nɛ mee kaŋɛ.”

Hoziya 5:15

Meeŋ kplaŋ ma basa so n ya fo saŋɛ nɛ baaŋ ji awurfoŋ ga ŋkpal bumo be alubi so, nseŋ ba kaa fin ma na. Ashere bumo be awurfoŋ na, e naŋ shin nɛ b fin ma.”

Baru lela nɛ Jɔn kute na 11:29

Mɛɛri ka nu loŋ nɛ e koso manaŋ n yɔ Yesu kutɔ.