Nshɛ 27:6 - EBƆRƐ BE KAWƆL

⁶ Ndoŋ nna nɛ ŋ kɔ m pɔɔ n doŋana so nseŋ lara sarga ashi mbe bɔrɛlambu to; nseŋ cha awɔr kagbenefuliso m boŋ nshɛ m fur Enyɛnpe Ebɔrɛ na.

Nshɛ 27:6 ပူးပေါင်းရင်းမြစ်များ

Jɛnesis 40:13

Ta a ba nchɛ asa to, Fɛɛro beeŋ lara fo kabuti ere to n shin nɛ fo naŋ ya kaa yil eyilikpa nɛ fo daa yil na a ta kusɔnuuasɔ nɛ kumo be asɔ a sa mo Fɛɛro fanɛ kananɛ fo daa wora na.

Jɛnesis 40:20

Edareana na be kaman be kachɛ sasopo na daa la Fɛɛro be kakurgeachɛ nna nɛ e wora kejigboŋ n sa mbe benimu kikɛ nseŋ lara asɔnuuso kenipo nimuso na nɛ bodobodo worapo nimuso na ashi kabuti to m ba benimu kikɛ be anishito.

2 Samuɛl 22:1

Enyɛnpe Ebɔrɛ ka mɔlga ewura Deevid ashi mo doŋana nɛ ewura Sɔɔl be enɔ to na, nɛ e boŋ kashɛ ere m maŋkura mo.

2 Samuɛl 22:49

Fo e naa mɔlga ma ashi ma doŋana kutɔ. O Enyɛnpe Ebɔrɛ fo e naa shin nɛ mee kɔ a pɔɔ ma doŋana so. Fo alɛ e naa kuŋ ma ashi basa nɛ baa ta eleŋ a tintiŋ basa na kutɔ.

2 Samuɛl 7:9

Kaplɛkama nɛ e baŋ yɔ, ma nɛ mo nna. Nɛ ma alɛ bee pɔɔ mo doŋana kikɛ so a sa mo. Kananɛ basa ko be atre dii ga durnya ere to na, loŋ gbagba nɛ meeŋ shin nɛ mo alɛ gba be ketre e dii.

2 Bewura 25:27

Kufɔl kuduanyɔsopo be nchɛ adunyɔ nɛ ashunu to be kafɛ nɛ Evilmɛrodak ji Babilɔn be kuwura na b daŋ wu Juda be ewura Jehowachin nɛ b daŋ ti ebu nfɛ adesa nɛ ashunu kikɛ na kuwɔr nna nseŋ shin nɛ b lara mo kabuti to.

1 Kronikɛls 22:18

E yɛ: “Enyɛnpe men be Ebɔrɛ na e chɛ menyi to nseŋ sa menyi kagbenewushi ekpa kama so. E chɛ ma to nɛ ŋ kɔ m pɔɔ basa nɛ b daa wɔ kasawule na so nseŋ shin nɛ baa shuŋ ma nɛ Enyɛnpe Ebɔrɛ na.

Nshɛ 107:22

A daga fanɛ men lara esarga n di mo epaŋ a boŋ nshɛ kagbenefuliso a kaŋɛ asheŋ nɛ e wora be asheŋ.

Nshɛ 110:7

E beeŋ nuu kabombi nɛ k dese ekpakar na be nchu; E beeŋ baa nya eleŋ a kɔ a pɔɔ so jemanɛ kikɛ.

Nshɛ 119:108

O Enyɛnpe Ebɔrɛ, sɔ ma kapandi be sarga nseŋ ŋini ma fo mbraana na.

Nshɛ 138:5

Baaŋ baa boŋ nshɛ a laŋɛ asɔ nɛ fo wora nɛ fo kemaŋkuragboŋ na be kaplɛa so.

Nshɛ 21:1

Enyɛnpe Ebɔrɛ, ewura be kagbene fuli nna ŋkpal fo ka sa mo eleŋ so. Kechɛto nɛ fo sa mo na e shin nɛ mbe kagbene fuli ga.

Nshɛ 21:13

Enyɛnpe Ebɔrɛ, kemaŋkura e baa la fo peya. Anyeeŋ boŋ nshɛ m maŋkura fo ŋkpal fo eleŋgboŋ na so.

Nshɛ 3:3

Ama, fo Enyɛnpe Ebɔrɛ na, e naa kuŋ ma saŋkikɛ. Fo e naa shin nɛ mee kɔ a pɔɔ so, nsaa shin nɛ mee nya bunyaŋgboŋ nɛ keleŋto.

Nshɛ 3:4

N shu n tre fo Enyɛnpe Ebɔrɛ na; nɛ fo nu ma kushu ashi fo kebee cheembi na so.

Nshɛ 47:1

Menyi efuliana na be basa kikɛ e kpla enɔ, nseŋ ponte kagbenefuliso n di Ebɔrɛ epaŋ.

Nshɛ 57:8

Edi maŋ wɔ ma anishi to, meeŋ laŋ ma jaŋjilaŋ hale nɛ kare e ya chɛ.

Nshɛ 81:1

Men boŋ nshɛ kagbenefuliso n sa Ebɔrɛ nɛ e bee sa anyi eleŋ na! Men boŋ nshɛ ŋ kpaŋ an nananyɛn Jeekɔb be Ebɔrɛ na!

Nshɛ 95:1

Men ba nɛ an boŋ kagbenefuli be nshɛ n sa Enyɛnpe Ebɔrɛ nɛ e bee kuŋ anyi na.

Aizaaya 12:6

Esa kama nɛ e wɔ Zayɔn to e boŋ kashɛ awɔrso; ŋkpal manɛ so, Israɛl be Ebɔrɛ cheembi na shi ga, nsaa wɔ mbe basa to a chɛ bumo to.”

Jɛremaya 31:7

Kede be kaman, nɛ Enyɛnpe Ebɔrɛ na naŋ kaŋɛ le: “Men boŋ kagbenefuli be nshɛ n sa Israɛl be efuli, nɛ k la efuligboŋ ashi efuliana na kikɛ to na. Men boŋ nshɛ ŋ kpaŋ ma ŋ kaŋɛ le: ‘Enyɛnpe Ebɔrɛ na mɔlga mbe basa; mo e kɔ n sɔ bekama nɛ b ka na.’

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

Kelaraŋŋini 15:3

B daa yil nna a kɔ amo a boŋ anebi Mosis, Ebɔrɛ be kenya na be kashɛ nɛ Kpakpafɔlbi na be kashɛ a kaŋɛ: “Enyɛnpetale Ebɔrɛ, Enyɛnpe fo asheŋ woraso kɔ mamachi pasaa! Fo nɛ fo la efuli kama be Ewura na, fo ekpa niŋi nsaa kɔ kashenteŋ amo to pasaa!

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.