Nshɛ 27:4 - EBƆRƐ BE KAWƆL

⁴ Kusɔ koŋwule nɛ mee fin Enyɛnpe Ebɔrɛ kutɔ; Kumo e la fanɛ, ŋ ka beeŋ baa wɔ mbe laŋ to saŋɛ so nɛ n wɔ ŋkpa to ere; saŋɛ na so mbe alelasheŋ beeŋ baa bɔlɔ ma kenishi, nɛ m baa wɔ mo kutɔ ashi mbe bɔrɛlambu to.

Nshɛ 27:4 ပူးပေါင်းရင်းမြစ်များ

2 Samuɛl 21:1

Saŋɛ nɛ Deevid la ewura na nɛ akoŋgboŋ ko daŋ tɔr nfɛ asa. Ndoŋ nna nɛ Deevid bishi Enyɛnpe Ebɔrɛ kusɔ nɛ e beeŋ wora a laŋɛ akoŋ na be kaplɛa so. Nɛ Enyɛnpe Ebɔrɛ kaŋɛ mo le: “Ewura Sɔɔl nɛ mbe kanaŋ wora kulubi ŋkpal b ka mɔ Gibiɔnebi so.”

Nshɛ 23:6

Kashenteŋto, feeŋ baa wora ma kelela, nsaa ŋini ma kasha, jemanɛ nɛ n wɔ ŋkpa to kikɛ. Meeŋ chena Enyɛnpe Ebɔrɛ be laŋ to hale mbaanaayɔ.

Nshɛ 26:6

Enyɛnpe Ebɔrɛ, n fɔr ma enɔ n lar, nsaa kulti fo bɔrɛsure a bunyaŋ fo,

Nshɛ 26:8

Mee sha fo bɔrɛlambu na, nɛ kakpa nɛ fo kemaŋkura wɔ ga na.

Nshɛ 27:8

N yili ma kagbene to nna fanɛ meeŋ fin fo; amoso nɛ m pere kenishi nɛ n wu fo na.

Nshɛ 50:2

Ebɔrɛ wɔ kadegboŋ nɛ k walɛ ga, nɛ baa tre kumo Jerusalɛm na to a kpa edɛ pɛlpɛl nna.

Nshɛ 65:4

Fo nɛfa bekama nɛ fo lara na nna, n shin nɛ b chena n sha fo ashi fo bɔrɛlambu to. Anyeeŋ ji anyi be amu ashi fo laŋ to nɛ fo bɔrɛlambu cheembi na to.

Nshɛ 84:10

Keji kachɛ koŋwule ashi fo bɔrɛlambu to bɔ keji nchɛ kagboŋ ashi kakpa pɔtɛ. Ŋ ka yili ma Ebɔrɛ be lambu be kabuna to bɔ ŋ ka wɔ kumukpakpasowura pe.

Nshɛ 84:4

Kagbenefuli la bekama nɛ b wɔ fo bɔrɛlambu to a boŋ nshɛ jemanɛ kikɛ e kpaŋ fo na peya nna.

Nshɛ 90:17

Enyɛnpe anyi be Ebɔrɛ, shin nɛ fo nɛfa e baa wɔ anyi so, nseŋ shin nɛ asheŋ e baa nite nsaa loge to nɛnɛ a sa anyi!

Jɛremaya 29:13

Menyeeŋ fin ma kenishipereso nseŋ wu ma, nɛ ma nɛ menyi e baa wɔtɔ.

Danɛl 9:3

Ndoŋ nna nɛ ŋ kishi nseŋ buu kagbenejijaso be asɔbuuso n chena nsunɔ to ŋ kule Ebɔrɛ kenishipereso.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Luuk 10:42

Kusɔ koŋwule e baŋ daga, kumo alɛ nɛ Mɛɛri lara na. Esa kikɛ maaŋ tiŋ n sɔ kumo ŋ ka mo.”

Luuk 13:24

Nɛ e kaŋɛ bumo: “Men wora ania ga m bɔla kabunabi na to n luri, ŋkpal manɛ so, basa damta beeŋ wora ania nɛ b luri, ama b maaŋ tiŋ.

Luuk 18:1

Nɛ Yesu bɔ bumo keŋasa ere a ŋini kananɛ a daga fanɛ b baa kule Ebɔrɛ saŋkama nsaa maa pɔ aba.

Luuk 2:37

E ka daŋ kil kumo be kafɛ shunusopo to nɛ mo kul wu ŋ ka mo nɛ e wɔtɔ loŋ n ya ji nfɛ aduburwa nɛ ana. E daa sha bɔrɛlambu na to ga nseŋ daa wɔtɔ a kule Ebɔrɛ nsaa kishi a bunyaŋ mo saŋkama.

2 Kɔrintebi 3:18

Ama anyi ere kikɛ ka maŋ kɔ kusɔ kuŋso nɛ k buu anyi be anishiakpaana so nsaa nyaŋɛ Enyɛnpe be kemaŋkura be kefulto na a ŋini basa na bee chɛrga nna a duli mo a ti so a nya kemaŋkura nɛ k bee wora keshi a ti so. Kesheŋ ere shi Enyɛnpe nɛ e la Kiyoyu na kutɔ nna.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Filipaiebi 3:13

Ŋ kurgepoana, ma ere kutɔ m maa fɛ fanɛ n teŋ nya le be asɔ ere nna, ama kusɔ koŋwule nɛ m baa wora e la fanɛ mee teŋ asheŋ dra nɛ a choŋ na so nna nsaa wora ania nɛ n tiŋ n fo kusɔ nɛ k kraa wɔ ma anishito na.

1 Timoti 5:5

Ekulpoche gbagba nɛ e maŋ kɔ esa kikɛ nɛ e bee keni mo so be tama wɔ Ebɔrɛ so nna fanɛ e baa chɛ mo to. Mo alɛ baa wɔtɔ nna a kule Ebɔrɛ kapa nɛ kanyɛ fanɛ Ebɔrɛ e chɛ mo to.

Hibruwebi 11:6

Nɛ esa malɛ baa maa kɔ yirda, e maaŋ tiŋ n wora Ebɔrɛ be aparsheŋ kikɛ, ŋkpal manɛ so, esa kama nɛ e ba Ebɔrɛ kutɔ, a daga fanɛ e fara n yirda fanɛ Ebɔrɛ wɔ ŋkpa to nsaa nɛfa bekama nɛ baa fin mo kenishipereso.

1 Samuɛl 1:11

nseŋ nase kɔnɔ ŋ kaŋɛ le: “Enyɛnpetale, n la fo kebita nna! Ama kebaawɔtɔ ki ma jiga. Nɛ fo baa maŋ teŋ ma so nseŋ chɛ ma to nɛ n nya ebinyɛn, kumo ere ma alɛ beeŋ laŋɛ mo n sa fo nɛ e baa wɔ fo kutɔ hale n ya fo mbe luwuachɛ. Kusɔ nɛ k beeŋ ŋini fanɛ n ta kebia na ŋ kɛ fo e la fanɛ b maaŋ she mbe emin kikɛ.”

1 Samuɛl 22:10

Nɛ Ahimɛlɛk bishi Enyɛnpe Ebɔrɛ kusɔ nɛ k daga Deevid ka wora nseŋ sa Deevid ajibi. E ta Goliɛf nɛ e la Filisti be esa na be tokobi gba n ti so n sa mo.”

1 Samuɛl 30:8

Ndoŋ nna nɛ Deevid bishi Enyɛnpe Ebɔrɛ le: “N ju m buu basa nɛ baa kre kena a purgi basa ere so a? Meeŋ nya bumo m pɛ a?” Nɛ Enyɛnpe Ebɔrɛ yɛ: “Nɛ fo ju m buu bumo so, feeŋ ya pɛ bumo n sɔ fo basa.”