Nshɛ 27:13 - EBƆRƐ BE KAWƆL

¹³ M baa nyi geeŋ fanɛ meeŋ ji efute, nseŋ wu fo alelasheŋ durnya ere to.

Nshɛ 27:13 ပူးပေါင်းရင်းမြစ်များ

Job be kawɔl 28:13

Esa maaŋ tiŋ n wu kanyiasheŋ edimɛdi to. Esa kama malɛ maŋ nyi tɔnɔ nɛ k kɔ.

Job be kawɔl 33:30

nɛ an nya kumɔlga ashi luwu to. E bee bar anyi mbe kefulto nɛ k bee sa ŋkpa na to nna.

Nshɛ 142:5

Fo Enyɛnpe Ebɔrɛ na, nɛ mee kule nɛ fo chɛ ma to! Fo Enyɛnpe Ebɔrɛ na e la ma ekumpo. Fo nawule nɛ mee fute a yigeso ashi ma kebaawɔtɔ to.

Nshɛ 142:6

Enyɛnpe Ebɔrɛ, nu ma kushu nɛ mee shu a fin fo kechɛto ere. Ŋkpal manɛ so, asheŋ gben ma nna na. Mɔlga ma ashi ma doŋana be enɔ to; b chɔ ma eleŋ ga nɛ m maaŋ tiŋ bumo.

Nshɛ 31:19

Fo kelela shi m baŋ so; nɛ fee sha kebaawora basa nɛ baa ŋana fo kelela. Ekama nyi fo kelela nɛ kananɛ fee kuŋ basa nɛ b yirda fo.

Nshɛ 42:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so.

Nshɛ 52:5

Kashenteŋto, Ebɔrɛ beeŋ jija fo mbaanaayɔ; E beeŋ to m pɛ fo to ŋ gberge fo n lar fo laŋ to. E beeŋ tia fo ashi basa keniso be kasawule so.

Nshɛ 56:13

Ŋkpal manɛ so, fo mɔlga ma ashi luwu to, a maŋ shin nɛ n fiti n tɔr. Amoso meeŋ baa wora fo aparsheŋ nsaa na fo kefulto nɛ k bee yɛra esa ŋkpa to na to.

Nshɛ 56:3

Ama hale kufu kɔ ma gba ŋ kraa beeŋ yirda fo.

Aizaaya 38:11

N daa maa tama fanɛ meeŋ naŋ wu fo, Enyɛnpe Ebɔrɛ na, ŋko basa nɛ b kraa wɔ ŋkpa to ashi durnya to kikɛ.

Aizaaya 38:19

Basa nɛ b wɔ ŋkpa to e naa kpaŋ fo, fanɛ kananɛ mee kpaŋ fo naniere na. Bekurgepo bee kaŋɛ bumo be mbia fo kashenteŋji be asheŋ.

Jɛremaya 11:19

N daa du fanɛ kpakpafɔlbi nɛ e du boeŋ nɛ b kɔ a yɔ nɛ b ya mɔ nna. N daa maŋ nyi fanɛ ma so nɛ b daa kre asheŋ lubi na. Le nɛ b daa kaŋɛ a laŋɛ ma kaplɛa so: “Men shin nɛ an mɔ mo nseŋ lara mo ashi basa keniso to, saŋɛ na so esa kikɛ maaŋ naa nyiŋi mbe asheŋ.”

Ezikɛl 26:20

Ade kikɛ be kaman, nɛ n shin nɛ men wu n yɔ bubuni to n ya tu bumo nɛ b juŋkpar n yɔ ndoŋ na nɛ nde nɛ a daŋ mur dra dra na kikɛ na. Menyeeŋ ya kaa wɔ bubuni to nɛ esa maaŋ naŋ sɔ menyi so n chena menyi be ndegboŋana to.

2 Kɔrintebi 4:1

To, ŋkpal Ebɔrɛ ka wu anyi kuwɔr n sa anyi le be kushuŋ ere so, anyi maa pɔ aba.

2 Kɔrintebi 4:16

Amoso, an maa pɔ aba. Anyi be eyur so bre bee nya kapɔshi nna a ti so, anyi be ayoyu bre to bee wora eleŋ nna kapa nɛ kanyɛ a ti so.

Ɛfesesebi 2:8

Ŋkpal manɛ so, Ebɔrɛ be kuwɔr be kakɛ so e shin nɛ men bɔla yirda so n nya kumɔlga, mannɛ men gbagba be ashuŋ shunso so nɛ men nya kumo. K la Ebɔrɛ be kakɛ nna.