Nshɛ 26:8 - EBƆRƐ BE KAWƆL

⁸ Mee sha fo bɔrɛlambu na, nɛ kakpa nɛ fo kemaŋkura wɔ ga na.

Nshɛ 26:8 ပူးပေါင်းရင်းမြစ်များ

2 Samuɛl 15:25

Ndoŋ nna nɛ ewura na kaŋɛ Zadɔk le: “Men bɛta ŋkre be deka na n yɔ Jerusalɛm be kade to. Nɛ Ebɔrɛ shuli, e beeŋ shin nɛ m bɛta m ba wu kakpa nɛ k wɔ kachako.

1 Kronikɛls 29:3

Ade kikɛ be kaman, n lara ŋ gbagba be gbiti nɛ shuwa n sa, nɛ loŋ bee ŋini kananɛ Ebɔrɛ be bɔrɛlambu ere be asheŋ tir ma.

2 Kronikɛls 7:1

Ewura Sɔlɔmɔn ka kule Ebɔrɛ n loge, nɛ edɛ shi esoso m ba chɔɔ sarga nɛ b lara na. Ndoŋ nna nɛ Enyɛnpe Ebɔrɛ be kefulto nyaŋɛ n fulto bɔrɛlambu na kikɛ to.

2 Kronikɛls 7:2

Bɔrɛmatapoana na daŋ maŋ tiŋ n luri bɔrɛlambu na to ŋkpal kefulto gboŋgboŋi nɛ k nyaŋɛ a wɔ kumo to na so.

Nshɛ 122:9

Ŋkpal Enyɛnpe anyi be Ebɔrɛ be lambu na so, nɛ mee kule Ebɔrɛ a fin kadegboŋ na be nɛnɛ na.

Nshɛ 42:4

M baŋ nyiŋi kananɛ n daa juŋkpar basa nɛ baa bɛ abar so a yɔ fo bɔrɛlambu to nsaa cha awɔr a boŋ nshɛ kagbenefuliso a bunyaŋ fo na, ma kagbene bee jija alegaiso nna.

Nshɛ 84:10

Keji kachɛ koŋwule ashi fo bɔrɛlambu to bɔ keji nchɛ kagboŋ ashi kakpa pɔtɛ. Ŋ ka yili ma Ebɔrɛ be lambu be kabuna to bɔ ŋ ka wɔ kumukpakpasowura pe.

Aizaaya 38:20

Enyɛnpe Ebɔrɛ, fo e chɛ ma kulɔ. Amoso, anyeeŋ laŋ ejaŋjilaŋ m boŋ nshɛ ŋ kpaŋ fo. Anyi be kebaawɔtɔ to kikɛ, anyeeŋ boŋ nshɛ ŋ kpaŋ fo ashi fo bɔrɛlambu to.

Aizaaya 38:22

Kumo be kaman nɛ ewura Hɛzekaya bishi le: “Manɛ e naaŋ ŋini fanɛ meeŋ naaŋ tiŋ n yɔ Enyɛnpe Ebɔrɛ be bɔrɛlambu to n ya shuŋ mo?”

Ezikɛl 3:12

Ndoŋ nna nɛ Ebɔrɛ be Kiyoyu maŋ ma so n yɔ esoso, nɛ n nu ebɔl ko ka bee ponte awɔrso fanɛ bɔrɛ ka ponte na ma kaman to a kaŋɛ le: “Enyɛnpe Ebɔrɛ na be kemaŋkura e baa nya bunyaŋ ashi ebɔrɛso!”

Luuk 2:46

Kachɛ nasopo to nɛ b ya wu mo bɔrɛlambu na to nɛ e tase a nu asheŋ ashi Juwebi be mbraŋinipoana na kutɔ, mo alɛ nseŋ naa bishi bumo asheŋ.

Luuk 2:49

Ndoŋ nna nɛ e bishi bumo: “Manɛ e ba nɛ men daa fin ma? Men daa maŋ nyi ŋ ka beeŋ baa wɔ n Tuto pe a?”