Nshɛ 25:9 - EBƆRƐ BE KAWƆL

⁹ Nsaa ŋini basa nɛ b kɔ kamubrase malɛ mbe ekpa niŋiso nɛ kusɔ nɛ k daga na.

Nshɛ 25:9 ပူးပေါင်းရင်းမြစ်များ

Nshɛ 119:35

Ta fo mbraana na a ŋini ma ekpa, ŋkpal manɛ so, amo e naa fuli ma kagbene.

Nshɛ 119:66

Sa ma kanyiasheŋ nɛ nfɛra lela, ŋkpal manɛ so, fo mbraana nɛ n yirda.

Nshɛ 143:10

Fo e la ma Ebɔrɛ. Ŋini ma kusɔ nɛ fee sha fanɛ n wora, nseŋ shin nɛ fo Kiyoyu nɛ e du boeŋ na e baa juŋkpar ma ekpa kikɛ so.

Nshɛ 147:6

Enyɛnpe Ebɔrɛ na e naa chɛ bebɔlpo to, nsaa bar kumukpakpasowuraana kaseto.

Nshɛ 149:4

Ŋkpal manɛ so, mbe basa be asheŋ bee par mo nna. Mo alɛ bee ta kemaŋkura nna a buu bekama nɛ baa bar bumo be amu kaseto so nsaa mɔlga bumo.

Nshɛ 22:26

Betirpo beeŋ ji m moɛ, nɛ bekama nɛ baa bunyaŋ fo na e chɔrɔ fo. Shin nɛ asheŋ e baa nyalɛ a sa bumo saŋkama.

Nshɛ 23:3

Mo e naa sa ma eleŋ popɔr, nsaa ŋini ma kebaawɔtɔ niŋiso fanɛ kananɛ e nase kɔnɔ na.

Nshɛ 27:11

Ŋini ma ekpa lela nɛ fee sha fanɛ m baa bɔla so, nɛ ma doŋana maaŋ nya ma.

Nshɛ 73:24

Fo kasotoji e daa ŋini ma kananɛ meeŋ baa wora asheŋ, kumo be lalaloge nɛ fo ba ta ma n yɔ kemaŋkura to.

Nshɛ 76:9

Jemanɛ nɛ fo kpa n niŋi to nɛ fo fara demuji m mɔlga basa nɛ baa ji awurfoŋ durnya to nna na.

Aŋasa 8:20

Ekpa niŋi so, nɛ kebaaji asheŋ nɛ amo be ekpa so be ekpa nɛ m bɔ.

Aizaaya 11:4

Kashenteŋ be ekpa so nɛ e beeŋ baa ji betirpo demu nsaa kɔ a kuŋ bumo nɛ b maaŋ tiŋ n wora shɛŋ n sa bumo be amu na. Kusɔ nɛ e beeŋ kaŋɛ kenishipereso na beeŋ ki mbra ashi efuli na kikɛ so; nɛ basa lubi malɛ e nya luwu be kasogberge.

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Ezikɛl 36:27

Ma alɛ beeŋ ta ma kiyoyu n wɔtɔ menyi to nseŋ shin nɛ men bɛ ma mbraana nɛ keŋini kikɛ so kenishipereso.

Zefanaiya 2:3

Menyi bekama nɛ men la bebɔlpo ashi kasawule ere so na e baa bar menyi be amu kaseto nsaa nu a sa Enyɛnpe Ebɔrɛ na. Men baa wora kusɔ nɛ k walɛ nsaa bar menyi be amu kaseto a sa mo. Nɛ men wora loŋ, ashere menyeeŋ gelge kasogberge kachɛ nɛ Enyɛnpe Ebɔrɛ na be agbo beeŋ koso na.

Matiu 5:5

Kagbenefuli la bekama nɛ b maŋ kɔ keŋkenshi na peya nna, ŋkpal manɛ so, durnya ere beeŋ ba kaa la bumo peya.

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Ashuŋ Shunso 13:10

“Setani pibi ere. Fo la kelela be yiri kikɛ be edompo nna. Kafule be kulubi be yiri kikɛ e baŋ bɔlɔ fo to nɛ saŋkama fee kɔ a fin keta Enyɛnpe be nshenteŋ ŋ ki efɛ.

Ashuŋ Shunso 9:2

E daŋ yɔ bɔrɛmatapo nimuso kutɔ nna n ya kule mo nwɔl nɛ a beeŋ tiŋ ŋ ŋini Damaskɔs be nshɛrbu to be Juwebi na esa nɛ e la mo. Loŋ na e beeŋ tiŋ m pɛ ndoŋebi be ekama, benyɛn nɛ beche nɛ baa bɛ Enyɛnpe be ekpa na so, n yɔ Jerusalɛm.

Galeeshaebi 5:23

nɛ kebaa bar kumu kaseto nɛ kamootiŋ. Mbra na maa pɛ basa nɛ b wɔ le be asheŋ ere to.

Hibruwebi 10:20

Mo e bugi ekpa popɔr, ŋkpa be ekpa n sa anyi. E bɔla patisa na to nna, kumo e la fanɛ mbe eyur na to nna n wora loŋ.

Jeems 1:21

Amoso, men lara kulubi be yiri kikɛ menyi to nsaa gelge asheŋ lubi nɛ a kulti menyi na kikɛ. Men sɔ Ebɔrɛ be kamalga nɛ e ta n wɔtɔ men be ŋgbene to na a du boeŋ, ŋkpal manɛ so, kamalga na e naa tiŋ a mɔlga men be ayoyu ashi luwu to.

1 Pita 3:15

Ama men baa sa Kristo bunyaŋ fanɛ Enyɛnpe ashi men be ŋgbene to. Men baa wora shiriya saŋkikɛ a jo esa kama nɛ e beeŋ ba bishi menyi tama mo nɛ men kɔ ere be kifito, nɛ men kaŋɛ mo.

1 Pita 3:4

A daga fanɛ men be kela e baa shi men be ŋgbene to gbagba to, kumo e la fanɛ men baa kɔ ŋgbene nɛ a du boeŋ a maa gbri. Loŋ be kela na e maa terge kikɛ nsaa walɛ ashi Ebɔrɛ be anishito.