Nshɛ 25:2 - EBƆRƐ BE KAWƆL

² Ma Ebɔrɛ, fo nɛ n yirda. Sa maŋ shin nɛ n ji anishinyɔr, ŋko n shin nɛ ma doŋana e pɔɔ ma so.

Nshɛ 25:2 ပူးပေါင်းရင်းမြစ်များ

2 Kronikɛls 13:18

Ŋkpal Juda be basa ka ta bumo be yirda n lɛ Enyɛnpe Ebɔrɛ nɛ e la bumo nananyɛnana be Ebɔrɛ na so so, nɛ b daŋ kɔ m pɔɔ Israɛlebi na so na.

Nshɛ 13:5

Ama ma tama deŋ fo kasha nɛ k maa loge na so nna. Ma kagbene beeŋ fuli ma ŋkpal fo ka beeŋ mɔlga ma so.

Nshɛ 142:6

Enyɛnpe Ebɔrɛ, nu ma kushu nɛ mee shu a fin fo kechɛto ere. Ŋkpal manɛ so, asheŋ gben ma nna na. Mɔlga ma ashi ma doŋana be enɔ to; b chɔ ma eleŋ ga nɛ m maaŋ tiŋ bumo.

Nshɛ 18:2

Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.

Nshɛ 22:1

Ma Ebɔrɛ, manɛ nna nɛ fo kplaŋ ma so? Manɛ nna nɛ fo wɔ kufɔ loŋ? Fo maaŋ nu ma kebɔltofinfin be kushuto, nseŋ ba mɔlga ma a?

Nshɛ 22:5

B shu n tre fo, nɛ fo lara bumo ashi tɔrɔ to. B yirda fo, nɛ fo alɛ maŋ shin nɛ b ji anishinyɔr.

Nshɛ 22:8

“Fo yɛ fo yirda Ebɔrɛ nna, nɛ manɛ nna nɛ e maŋ mɔlga fo? Nɛ fo asheŋ bee bɔlɔ mo kenishi, manɛ nna nɛ e maŋ chɛ fo to.”

Nshɛ 31:1

Fo Enyɛnpe Ebɔrɛ na kutɔ nɛ m ba nɛ fo kuŋ ma. Sa maŋ shin nɛ n ji anishinyɔr. Enyɛnpe, jande, sɔ ma n yige; ŋkpal fo ka la esa niŋiso so.

Nshɛ 31:15

Ma ŋkpa wɔ fo enɔ to nna. Mɔlga ma ashi ma doŋana nɛ b ju a buu ma so saŋkama na kutɔ.

Nshɛ 31:2

Nu ma kekule nseŋ mɔlga ma manaŋ. Baa la ma kefaltagboŋ, nɛ kumɔlga be kakpa lempo nɛ mee nya kumɔlga fo kutɔ.

Nshɛ 34:8

Nɛ fo firgi n taga Enyɛnpe na to, feeŋ wu fanɛ e walɛ. Nɛfa la bekama nɛ baa nya kekuŋ ashi Enyɛnpe na to peya nna.

Nshɛ 37:40

Enyɛnpe na e naa mɔlga bumo; ashi alubiworapoana be enɔ to, ŋkpal b kaa bee fin kekuŋ ashi mo kutɔ so.

Nshɛ 41:11

Sa maŋ shin nɛ ndoŋana e pɔɔ ma so, nɛ m pin fanɛ ma asheŋ bee bɔlɔ fo kenishi kashenteŋto.

Nshɛ 56:1

O, Enyɛnpe Ebɔrɛ, wu ma kuwɔr. Bedoŋ ju a buu ma so kapa nɛ kanyɛ nna. Saŋɛ kikɛ baa firgi a taga ma to nna.

Nshɛ 7:1

N nyɛnpe nɛ ma Ebɔrɛ, m ba fo kutɔ nna nɛ fo kuŋ ma, nseŋ mɔlga ma. Sɔ ma n yige ashi basa nɛ b ju a buu ma so na kutɔ.

Nshɛ 71:1

Fo Enyɛnpe Ebɔrɛ na kutɔ nɛ m ba, nɛ fo baa kuŋ ma. Sa maŋ shin nɛ n ji anishinyɔr.

Nshɛ 91:2

Kumo be kaman nɛ e kaŋɛ Enyɛnpe Ebɔrɛ na le: “Fo nɛ mee shile n ya kaa mata nɛ fee kuŋ ma, fo e la ma Ebɔrɛ nɛ n yirda fo.”

Nshɛ 94:3

O Enyɛnpe Ebɔrɛ, saŋɛ mo nɛ kumukpakpasowuraana be kagbenefuliso be kamooji ere beeŋ fo ekar?

Aizaaya 26:3

Enyɛnpe Ebɔrɛ na e naa sa basa nɛ bumo be yirda yil to kpakpa na kayurwushi gbagba.

Aizaaya 28:16

To, kusɔ nɛ Enyɛnpetale Ebɔrɛ na bee kaŋɛ nde: “Mee tɔl gbaltɔlase nɛ k kɔ eleŋ a yil a maa gbuŋgbuŋ nna ashi Zayɔn to. Ma alɛ beeŋ ta kejembu nɛ bepɔrpo keni to n lara fanɛ kebonfu to be kejembu nɛ k kɔ eleŋ ga na nna n nase gbaltɔlase na, nɛ b sibɛ le n deŋi kumo so, ‘Yirda nɛ k yil to kpakpa kɔ kanyiti nna.’

Aizaaya 37:10

Kusɔ nɛ e kaŋɛ kawɔlbi na to nde: “Sa maŋ ta fo yirda n wɔtɔ fo Ebɔrɛ na to ŋko n shin nɛ mbe kekaŋɛ fanɛ Asiriya be ewura maaŋ tiŋ ŋ kɔ n sɔ Jerusalɛm na e fule fo.

Aizaaya 37:20

Ama fo ere la Enyɛnpe, anyi be Ebɔrɛ nna! Anyee kule fo nna nɛ fo mɔlga anyi ashi Asiriya be ewura be enɔ to, saŋɛ na so, ekama nɛ e wɔ durnya to be efuli kama so, beeŋ pin fanɛ fo nawule e la Ebɔrɛ.”

Aizaaya 37:35

Meeŋ kuŋ kadegboŋ na ŋkpal ŋ gbagba be kemaŋkura nɛ kɔnɔ nɛ n nase n sa ma kayɛrbi Deevid nɛ e daa la ewura ashi Jerusalɛm to jemanɛ ko na so.’ ”

Aizaaya 41:16

Kumo be kaman nɛ men ta amo n lɛ afu to nɛ afu na e sulɔ amo n ya lɛ. Afugboŋ beeŋ pesaŋ amo to n sɔ kaplɛkama. Saŋɛ na so menyi be ŋgbene beeŋ fuli menyi ŋkpal ŋ ka la men be Ebɔrɛ so. Kede be kaman nɛ men kpaŋ ma nɛ n la Israɛl be Ebɔrɛ cheembi na.

Aizaaya 49:23

Bewura beeŋ ki fanɛ betuto n sa fo; nɛ bewurche e ki fanɛ benio n sa fo. Baaŋ jɔŋɛ fo ase nseŋ bunyaŋ fo. Kumo be kaman nɛ b bar bumo be amu kaseto n sa fo. Saŋɛ na so, feeŋ pin fanɛ ma e la Enyɛnpe Ebɔrɛ na. Esa kama nɛ e yirda ma, maaŋ ji anishinyɔr kikɛ.

Jɛremaya 17:18

Enyɛnpe Ebɔrɛ, shin nɛ basa nɛ baa kɔrfɛ ma na e ji anishinyɔr, ama baa kuŋ ma nɛ n sa maŋ ji nyɔmɔ. Kumo be kaman nɛ fo shin nɛ kufugboŋ e tɔr bumo so nseŋ naŋ shin nɛ b mur ga.

Romebi 10:11

Loŋ malɛ nɛ abɔrɛsibɛ na bee kaŋɛ na fanɛ: “Esa kama nɛ e yirda mo maa ji anishinyɔr kikɛ.”

Romebi 5:5

Ebɔrɛ bɔla Kiyoyu Cheeŋ nɛ e la Ebɔrɛ be kakɛ nɛ e kɔ a sa anyi na so nna n ta mbe kasha m bɔlɔ anyi be ŋgbene to.

1 Pita 2:6

Ŋkpal manɛ so, abɔrɛsibɛ na bee kaŋɛ fanɛ Ebɔrɛ bee kaŋɛ le nna: “Men keni, kejembu nɛ n lara nɛ k la ma kenishi nɛ n ta n nase Zayɔn to na, k la kebonfu to be gbaltɔlasejembu nna nɛ esa kama malɛ nɛ e yirda mo maaŋ ji anishinyɔr kikɛ.”