Nshɛ 25:19 - EBƆRƐ BE KAWƆL

¹⁹ Keni kananɛ ma doŋana wora keshi, nɛ kananɛ b kishi ma alegaiso.

Nshɛ 25:19 ပူးပေါင်းရင်းမြစ်များ

2 Samuɛl 16:11

Kede be kaman nɛ Deevid kaŋɛ Abishai nɛ mbe benimuana na le: “M pibinyɛn gbagba e naa fin ma nɛ e mɔ na, amoso men sa maŋ shin nɛ kusɔ nɛ Bɛnjamin be esa ere wora ere gba a tir menyi. Nɛ kashenteŋ nna fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, kumo ere fo yige mo nɛ e baa wora.

Nshɛ 11:5

Enyɛnpe Ebɔrɛ na bee wora basa lela nna a keni. Ama e kishi kumu kpakpasowuraana nɛ baa sha alubi be kebaawora nsaa maa wu kuwɔr na nna.

Nshɛ 138:7

Nɛ etɔrɔ baŋ kulti ma n wɔtɔ gba, fo e naa kuŋ ma ashi bedoŋ nɛ b nya agbo n wɔtɔ ma be enɔ to. Fo gbagba be enɔ lempo na e naa shin nɛ mee nya ma kumu a ji.

Nshɛ 140:1

O Enyɛnpe Ebɔrɛ, mɔlga ma ashi kumukpakpasowuraana be enɔ to! Nseŋ kuŋ ma ashi bedoŋ nyaŋnyaŋso kutɔ.

Nshɛ 140:11

Sa maŋ shin nɛ basa nɛ baa ku asheŋ a deŋi beko e nya kusɔ nɛ baa sha kasawule ere so kikɛ. Shin nɛ asheŋ lubi e ba basa nyaŋnyaŋso so m mur bumo cheche.

Nshɛ 140:4

O Enyɛnpe Ebɔrɛ, baa kuŋ ma ashi kumukpakpasowuraana nɛ bedoŋ nyaŋnyaŋso nɛ baa fin ma kemur na be enɔ to.

Nshɛ 143:3

Bedoŋ bee ju ma nna a kulti nɛ mee tɔr a koso. Tentembiri mina to nɛ n wɔ, fanɛ esa nɛ e wu a dese nchaŋ to dra dra kikɛ na.

Nshɛ 18:48

Fo e mɔlga ma ashi ndoŋana be enɔ to nseŋ ta ma n yili eyilikpagboŋ. Fo sɔ ma n yige ashi basa nɛ baa ta tintiŋ a suge basa be asɔ na be enɔ to.

Nshɛ 27:12

Sa maŋ yige ma n sa ma doŋana nɛ b ta efɛ nɛ kafunti a kɔ ma, nseŋ nya ma n wora kusɔ nɛ baa sha.

Nshɛ 27:2

Basa lubi baa fin ma nɛ b mɔ, ŋko nɛ bedoŋ bee kɔ ma gba, baaŋ fiti n tɔr.

Nshɛ 38:19

Bedoŋ lempo damta e kishi ma kenyanyaŋɛso.

Nshɛ 38:20

Baa ta kulubi nna a ka ma kelela be kukɔ, nsaa malga a gbiti ma ŋkpal ŋ kaa bee wora alela so.

Nshɛ 52:2

Asheŋ lubi nɛ fee kre saŋkikɛ; fo kudonduloŋ fɛpo na bee ji fanɛ bɔrfɔ nna.

Nshɛ 56:2

Bumo be bedamta baa yuu ma so nna, a kɔ ma kamoowuso.

Nshɛ 57:4

N wɔ bedoŋ nɛ b du fanɛ ebuluŋ, nɛ baa kpɛa basa to na to nna. Bumo be anyii du fanɛ atanyembi nɛ akpa nna. Nɛ bumo be adonduloŋ bee ji fanɛ etokobi.

Nshɛ 86:14

O Ebɔrɛ, kamoowuwuraana koso ma so nna; nɛ basa lubi cha abar a fin ma nɛ b mɔ. Bumo alɛ kikɛ maŋ ta fo n tre shɛŋ.

Luuk 22:2

nɛ bɔrɛmatapowuraana nɛ mbraŋinipoana daa fin kananɛ baaŋ nya mo m mɔ, ŋkpal manɛ so, b daa ŋana basa na nna.

Luuk 23:5

Nɛ b kini nseŋ kaŋɛ: “E ta mbe asheŋ ŋiniso nna a wɔ Judiya be efuli so kikɛ a ŋini basa nsaa fur bumo a wɔtɔ kumuleŋ to. Hale Galili kikɛ nɛ e yili n wora loŋ m ba fo nfe.”