Nshɛ 25:13 - EBƆRƐ BE KAWƆL

¹³ Asheŋ beeŋ baa nite nɛnɛ a sa bumo, nɛ bumo be mbia e ji bumo be kasawule be kapetɛ.

Nshɛ 25:13 ပူးပေါင်းရင်းမြစ်များ

Nshɛ 112:2

Bumo be kaman to ebi beeŋ baa kɔ eleŋgboŋ ga kasawule so; ŋkpal manɛ so, Enyɛnpe Ebɔrɛ na bee nɛfa bekama nɛ baa wora asheŋ niŋiso na nna.

Nshɛ 31:19

Fo kelela shi m baŋ so; nɛ fee sha kebaawora basa nɛ baa ŋana fo kelela. Ekama nyi fo kelela nɛ kananɛ fee kuŋ basa nɛ b yirda fo.

Nshɛ 36:8

Fee wora kejigboŋ nna a sa fo befɔ ashi fo laŋ to. Fo kasha nɛ fo kɔ a sa anyi na baŋ anyi be nfɛra so.

Nshɛ 37:11

Ama bebɔlpo bre beeŋ ji kasawule ere so be tɔnɔ; nseŋ nya kagbenewushi gboŋgboŋi.

Nshɛ 37:22

Basa nɛ Enyɛnpe Ebɔrɛ nɛfa na, e naŋ ji kasawule ere so be tɔnɔ. Ama bekama nɛ Ebɔrɛ sho kɔnɔ na bre beeŋ mur.

Nshɛ 37:26

Ama baa nya a ji nɛnɛ nna, nsaa bugi kagbene a kɛ basa asɔ yɛlyɛla so; nɛ bumo be mbia malɛ bee nya nɛfa.

Nshɛ 37:29

Kasawule ere beeŋ baa la basa nɛ baa wora asheŋ nɛ a niŋi na peya, nɛ b chena kumo so mbaanaayɔ.

Nshɛ 37:34

Ta fo yirda n wɔtɔ Enyɛnpe na to, nsaa bɛ mo so. E beeŋ shin nɛ fo chena kasawule ere so n wu kananɛ belubiworapo beeŋ mur.

Nshɛ 37:9

Alubiworapoana kikɛ beeŋ mur. Ama bekama nɛ b yirda Enyɛnpe Ebɔrɛ na bre beeŋ ji kasawule ere so be tɔnɔ.

Nshɛ 63:5

Meeŋ boŋ kapandi be nshɛ kagbenefuliso; nɛ ma eyur e saŋɛ ma to n shin nɛ m moɛ, fanɛ b ka wora kejigboŋ nɛ n ji na.

Nshɛ 69:36

Kasawule na beeŋ ki bumo be mbia be kapetɛ kachako. Nɛ esa kama nɛ e bee sha Ebɔrɛ e chena kumo so.

Aŋasa 1:33

Ama esa kama nɛ e bee wora ma kasonu beeŋ nya kekuŋ. E maaŋ ba lɔ kufu fanɛ kusɔ lubi ko beeŋ wora mo.”

Aŋasa 19:23

Fo baa wora Ebɔrɛ kasonu feeŋ ji efute tenteŋ; Esa nɛ e bee ŋana Ebɔrɛ be kagbene bee dese mo nna; e maa lɔ kufu.

Aŋasa 20:7

Esa nɛ e niŋi kikɛ be kebaawɔtɔ niŋi nna. Mbia nɛ baa koya mbe asheŋ woraso bee nya nɛfa nna.

Aŋasa 29:25

Sa maŋ shin nɛ kusɔ nɛ basa bee fɛ a laŋɛ fo kaplɛa so e baa tir fo. Yirda Ebɔrɛ nɛ e baa kuŋ fo.

Aizaaya 65:23

Bumo be ashuŋ beeŋ nyalɛ n sa bumo nɛ bumo be mbia malɛ maaŋ naaŋ lɔ alɔ lubi n wu. Meeŋ nɛfa bumo nɛ bumo be kaman to ebi kikɛ.

Jɛremaya 32:39

Meeŋ shin nɛ b baa bunyaŋ ma jemanɛ kikɛ kenishipereso, ŋkpal bumo gbagba nɛ bumo be kaman to ebi be nɛnɛ so.

Zefanaiya 3:17

Ŋkpal manɛ so, Enyɛnpe menyi be Ebɔrɛ na wɔ men kutɔ, mbe eleŋgboŋ na e naa kɔ a pɔɔ so a sa menyi. Menyi be asheŋ bee bɔlɔ mo kenishi ga, nɛ mbe kasha bee sa menyi ŋkpa popɔr. Mbe kagbene bee fuli menyi so nna nɛ e bee boŋ nshɛ kagbenefuliso.’

Zakareya 9:17

Baaŋ baa walɛ kebita kashenteŋto! Mbifɔlbi beeŋ daŋ a kɔ eleŋ nɛnɛ ŋkpal b ka beeŋ nya aboyu damta a ji nsaa nya yabra popɔr a nuu so.

Matiu 5:5

Kagbenefuli la bekama nɛ b maŋ kɔ keŋkenshi na peya nna, ŋkpal manɛ so, durnya ere beeŋ ba kaa la bumo peya.

Ashuŋ Shunso 2:39

Ŋkpal manɛ so, kumo be loŋ be kɔnɔ nɛ Enyɛnpe Ebɔrɛ daŋ nase n sa menyi nɛ menyi be mmantoebi nɛ basa pɔtɛ nɛ b maŋ taga to nfe ere na kikɛ, bumo e la bumo nɛ Enyɛnpe Ebɔrɛ bee tre a ba mo kutɔ na.”

Ditɛronɔmi 33:12

Le nɛ Mosis kaŋɛ a laŋɛ Bɛnjamin be yiri be kaplɛa so: “Yiri nɛ Enyɛnpe Ebɔrɛ na bee sha nsaa kuŋ nde; kapa nɛ kanyɛ kikɛ nɛ e bee kuŋ bumo. Mo alɛ nɛ bumo e wɔtɔ.”

Filipaiebi 4:19

Ma Ebɔrɛ kɔ dama nɛnɛ, mo alɛ beeŋ bɔla Kristo Yesu so n sa menyi men be asheŋ tirso kikɛ nyam.

1 Pita 3:10

Kumo alɛ nɛ abɔrɛsibɛ na bee kaŋɛ na fanɛ: “Esa kama nɛ e bee sha ŋkpa nsaa sha kewu nchɛ lela, kumo ere, amodoŋwura e sa maŋ shin nɛ mbe kɔnɔ e baa malga asheŋ lubi ŋko ku efɛ.

2 Pita 3:13

Ama mbe kɔnɔ nɛ e nase na so nɛ anyee keni esoso popɔrana na nɛ kasawule popɔr na ekpa, ndoŋ nɛ Ebɔrɛ be anishito be alelasheŋ wɔ na.