Nshɛ 25:10 - EBƆRƐ BE KAWƆL

¹⁰ E bee ji kashenteŋ nna nsaa kɔ kasha. E bee juŋkpar bekama nɛ baa wora asheŋ niŋiso nsaa wora mbe mbra kasonu nna.

Nshɛ 25:10 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 24:27

ŋ kaŋɛ: “Kapandi e baa la Enyɛnpetale n nyɛnpe Eebraham be Ebɔrɛ na peya, ŋkpal manɛ so e maŋ teŋ mbe kelela be kɔnɔ naseso nɛ e sa n nyɛnpe na so. Mo e juŋkpar ma le m ba luri n nyɛnpe mo kurgepoana gbagba pe.”

Jɛnesis 5:24

Inɔk nɛ Ebɔrɛ daa ji keteri nna loŋ m ba fo saŋko nɛ Ebɔrɛ ta mo n yɔ ebɔrɛso nɛ e maŋ wu.

2 Samuɛl 15:20

Menyi maŋ ba nfe n chɛr, amoso m maŋ tiŋ n shin nɛ men baa bɛ ma so loŋ. M maŋ nyi kakpa nɛ mee yɔ gba. Men bɛta n ya tu men kurgepoana, Enyɛnpe Ebɔrɛ be kelela nɛ mbe kashenteŋ e baa kra wɔ menyi so.”

Nshɛ 138:7

Nɛ etɔrɔ baŋ kulti ma n wɔtɔ gba, fo e naa kuŋ ma ashi bedoŋ nɛ b nya agbo n wɔtɔ ma be enɔ to. Fo gbagba be enɔ lempo na e naa shin nɛ mee nya ma kumu a ji.

Nshɛ 33:4

Ŋkpal manɛ so, Enyɛnpe Ebɔrɛ na be kamalga la kashenteŋ nna. Nɛ mbe asheŋ woraso niŋi, nɛ esa beeŋ tiŋ n yirda mo.

Nshɛ 40:11

Enyɛnpe Ebɔrɛ, n nyi fo ka maaŋ yige kebaawu ma kuwɔr. Fo kasha nɛ k maa chɛrga na nɛ fo kashenteŋji e naa kuŋ ma saŋkama.

Nshɛ 50:23

Sarga nɛ k bee bar ma kemaŋkura e la kagbene nɛ k bee ji a chɔrɔ. Men wora ma kasonu nɛ ma, menyi be Ebɔrɛ na e ŋini menyi kumɔlga be ekpa.

Nshɛ 57:3

Feeŋ shin nɛ kechɛto e shi ebɔrɛso m ba sɔ ma n yige. Nseŋ shin nɛ tɔrɔ e tɔr bumo nɛ baa kɔ ma kenishipereso na bre so. Fo la eshinteŋjipo nɛ esa beeŋ tiŋ n yirda nna.

Nshɛ 85:10

Kasha nɛ kashenteŋji beeŋ ba abar so, nɛ alelasheŋ nɛ kayurwushi malɛ e ki kukoŋwule.

Nshɛ 89:14

Fee ji kuwura ekpa niŋiso so, nsaa ji asheŋ nɛ amo be ekpa so nna. Kasha nɛ kashenteŋji bee dii efuli kusɔ kama nɛ fee wora to nna.

Nshɛ 91:14

Enyɛnpe Ebɔrɛ yɛ: “Nɛ fee sha ma nsaa nyi esa nɛ e la ma kashenteŋto, meeŋ mɔlga fo nsaa kuŋ fo.

Nshɛ 98:3

E nyiŋi mbe kasha nɛ kashenteŋji nɛ e kɔ n sa Israɛlebi na be asheŋ. Bekama nɛ b wɔ kasawule so be kaplɛkama wu anyi be Ebɔrɛ na be kumɔlga.

Aizaaya 25:1

Enyɛnpe Ebɔrɛ, fo e la ma Ebɔrɛ; Meeŋ maŋkura fo nseŋ kpaŋ fo ketre. Fo e wora emamachisheŋ nɛ a bee mɔ kɔnɔ; fo alɛ e ta kashenteŋji n shin nɛ fo ŋkre nɛ fo wora dra na kikɛ bɔlɔ so.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Hoziya 14:9

Benyiashempo beeŋ pin asheŋ ere be kifito nseŋ bɛ amo so. Enyɛnpe Ebɔrɛ be ekpa niŋi nna. Basa nɛ bumo alɛ kɔ kebaawɔtɔ cheembi nawule e naa bɔla kumo so. Belubiworapo bre bee fiti nna a tɔr ŋkpal b ka kini kumo be kebɛso so.

Zefanaiya 2:3

Menyi bekama nɛ men la bebɔlpo ashi kasawule ere so na e baa bar menyi be amu kaseto nsaa nu a sa Enyɛnpe Ebɔrɛ na. Men baa wora kusɔ nɛ k walɛ nsaa bar menyi be amu kaseto a sa mo. Nɛ men wora loŋ, ashere menyeeŋ gelge kasogberge kachɛ nɛ Enyɛnpe Ebɔrɛ na be agbo beeŋ koso na.

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 1:17

Ŋkpal manɛ so, anebi Mosis so nɛ Ebɔrɛ bɔla m bar mbra na, ama kuwɔr be kakɛ nɛ kashenteŋ bre shi Yesu Kristo so nna.

Ashuŋ Shunso 10:35

Esa kama nɛ e bee ŋana mo nsaa wora asɔ nɛ a bee bɔla ekpa nɛ e bee sɔ.

Romebi 2:13

Ŋkpal manɛ so, mannɛ basa nɛ baa nu mbra na nɛ Ebɔrɛ bee nase kumo fanɛ b la belelapo mbe anishito, bumo nɛ baa wora kusɔ nɛ mbra na bee kaŋɛ na nɛ Ebɔrɛ beeŋ ba nase kumo fanɛ b la belelapo.

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

Hibruwebi 12:14

Men wora ania nɛ menyi nɛ basa kikɛ e baa wɔ ebel nɛ men baa kɔ kebaawɔtɔ cheembiana, ŋkpal manɛ so, esa kama maaŋ wu Ebɔrɛ na ama amodoŋwura baa kɔ kebaawɔtɔ cheembi nna.

Jeems 5:11

Basa nɛ b daŋ ji loŋ be kanyiti a yil to na nɛ anyee kaŋɛ fanɛ b wɔ nɛfa to. Job le, men nu kananɛ e daŋ ji kanyiti tɔrɔ to, nɛ amo be kaman kananɛ Ebɔrɛ daŋ shin nɛ e nu ebel na ŋko? Kashenteŋto, an Nyɛnpe bee shu anyi so ga nsaa wu anyi kuwɔr.