Nshɛ 24:6 - EBƆRƐ BE KAWƆL

⁶ Loŋ be basa e naa fin Enyɛnpe Ebɔrɛ be ekpa, nsaa shuŋ an nananyɛn Jeekɔb be Ebɔrɛ na.

Nshɛ 24:6 ပူးပေါင်းရင်းမြစ်များ

Nshɛ 105:4

Men ta men be yirda n deŋi Enyɛnpe Ebɔrɛ na nɛ mbe eleŋgboŋ so nsaa bunyaŋ mo jemanɛ kikɛ.

Nshɛ 22:30

Echefosoebi kikɛ beeŋ bunyaŋ mo, nseŋ ji mbe asheŋ be shɛda n sa bumo be kaman to ebi.

Nshɛ 27:8

N yili ma kagbene to nna fanɛ meeŋ fin fo; amoso nɛ m pere kenishi nɛ n wu fo na.

Nshɛ 73:15

Nɛ n daŋ malga mmalga lubi nna, ndafanɛ n daa beeŋ ki edebɔrpo fo basa to.

Aizaaya 53:10

Kumo be kaman nɛ Enyɛnpe Ebɔrɛ na kaŋɛ le: “Ma keparso nɛ ma kenya bee ji awurfoŋ. Mbe luwu na la sarga nɛ k beeŋ bar alubi be ketampaŋ m ba sa basa pɔtɛ nna. Amoso e beeŋ naŋ wu mbe kaman to ebi kenishiso nsaa wɔ ŋkpa to n chɛr. Mo so nɛ kusɔ nɛ ŋ kre kikɛ beeŋ wora m bɔlɔ so nɛnɛ.

Baru lela nɛ Jɔn kute na 1:47

Yesu ka wu Nataniɛl ka bee ba mo kutɔ nɛ e kaŋɛ mo le: “Kashenteŋto, Israɛl be esa gbagba nde nɛ efɛsheŋ kikɛ maŋ wɔ mo to.”

Romebi 4:16

Amoso, yirda e la kɔnɔ naseso be kumu, saŋɛ na so, loŋ be kɔnɔ naseso na beeŋ baa la Ebɔrɛ be kakɛ be tɔɔnɛ a sa Eebraham be kaman to ebi kikɛ, mannɛ bumo nɛ baa bɛ mbra na so nawule na, ama bumo nɛ b yirda Ebɔrɛ fanɛ kananɛ Eebraham daŋ yirda na gba ti so. Ŋkpal manɛ so, Eebraham e la anyi kikɛ be etuto ashi abɔrɛsheŋ be kaplɛa so.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.