Nshɛ 24:3 - EBƆRƐ BE KAWƆL

³ Wanɛ e kɔ ekpa nɛ e dii n yɔ Enyɛnpe be kebee na be esoso? Wanɛ e naŋ tiŋ n luri n ya yili mbe bɔrɛlambu cheembi na to?

Nshɛ 24:3 ပူးပေါင်းရင်းမြစ်များ

1 Kronikɛls 15:1

Ewura Deevid daŋ pɔr nwu damta nna ashi Jerusalɛm nseŋ shin nɛ b yuu wajɛbu nɛ b ta ŋkre be deka na bre n yili ndoŋ.

Nshɛ 15:1

Enyɛnpe Ebɔrɛ, wanɛ e naŋ nya ekpa a wɔ fo bɔrɛlambu na to? Wanɛ e naŋ chena fo kebee cheembi na so?

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Nshɛ 65:4

Fo nɛfa bekama nɛ fo lara na nna, n shin nɛ b chena n sha fo ashi fo bɔrɛlambu to. Anyeeŋ ji anyi be amu ashi fo laŋ to nɛ fo bɔrɛlambu cheembi na to.

Nshɛ 68:18

Fo keta basa nɛ b ti ebu nna n dii n yɔ kebeegboŋ na be esoso. Ndoŋ nɛ basa ya kɛ fo asɔ. Fo doŋana nɛ b daa maa sha fanɛ fo baa wɔ ndoŋ gba sa fo ŋkɛ.

Ezikɛl 44:5

Nɛ Enyɛnpe Ebɔrɛ na kaŋɛ ma le: “Dimɛdi pibi, Ezikɛl, shin nɛ fo lakal e baa wɔ kusɔ kama nɛ feeŋ wu nsaa nu ashi nfe so. Mbraana nɛ a wɔ bɔrɛlambu na to nɛ mee sha kekaŋɛ fo na. Baa de so nɛnɛ a nyi basa nɛ baaŋ tiŋ n luri nɛ bumo nɛ b maaŋ tiŋ n luri bɔrɛlambu na to.

Ezikɛl 44:9

Amoso kusɔ nɛ ma, Enyɛnpetale Ebɔrɛ na, bee kaŋɛ e la fanɛ efɔ kama nɛ e maa ŋana Ebɔrɛ nsaa maa nu a sa ma maŋ daga keluri ma bɔrɛlambu to, hale efɔ nɛ e chena Israɛl be basa na to gba maŋ daga keluri kumo to.”

Levitikɔs 10:3

Ndoŋ nna nɛ Mosis kaŋɛ Ɛɛrɔn: “Kusɔ nɛ Enyɛnpe Ebɔrɛ na daa de saŋɛ nɛ e daa malga fanɛ, bekama nɛ baa shuŋ mo daga b bɔla mbe kecheembiya so n sa mo bunyaŋ. Mo alɛ beeŋ shin nɛ mbe kemaŋkura a dii efuli ashi mbe basa to nɛ b bunyaŋ mo.” Ama Ɛɛrɔn daa maŋ kaŋɛ shɛŋ.

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Baru lela nɛ Jɔn kute na 13:36

Ndoŋ nna nɛ Saimɔn Pita bishi mo: “Enyɛnpe, nnɛ nɛ fee yɔ?” Nɛ Yesu kaŋɛ mo: “Fo maaŋ tiŋ m bɛ ma so naniere n yɔ kakpa nɛ mee yɔ ere, ama kachako feeŋ bɛ ma so n yɔ.”

Baru lela nɛ Jɔn kute na 20:17

Nɛ Yesu kaŋɛ mo: “Sa maŋ pɛ ma to, ŋkpal manɛ so, m maŋ naŋ bɛta n yɔ esoso Etuto na kutɔ. Ama yɔ n niopibiana na kutɔ n ya kaŋɛ bumo fanɛ mee bɛta nna a yɔ esoso n Tuto nɛ men Tuto nɛ ma Ebɔrɛ nɛ menyi be Ebɔrɛ kutɔ.”

Hibruwebi 12:28

Amoso, men shin nɛ an baa chɔrɔ Ebɔrɛ ŋkpal an ka beeŋ nya kuwura mo nɛ k maaŋ tiŋ ŋ gbuŋgbuŋ to na n luri to so. Men shin nɛ an baa bɔla ekpa mo nɛ k bee par Ebɔrɛ so a ta kabɔrɛŋana nɛ kufu a bunyaŋ mo.