Nshɛ 24:1 - EBƆRƐ BE KAWƆL

¹ Kasawule ere nɛ kusɔ kikɛ nɛ k wɔ kumo so, la Enyɛnpe Ebɔrɛ na peya nna. Basa nɛ b wɔ durnya ere to kikɛ, la Enyɛnpe Ebɔrɛ na peya nna.

Nshɛ 24:1 ပူးပေါင်းရင်းမြစ်များ

1 Kronikɛls 29:11

Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

1 Kronikɛls 29:16

O Enyɛnpe Ebɔrɛ, asɔ damta nɛ an ta m ba nɛ an ba pɔr bɔrɛlambu m maŋkura fo ketre ere kikɛ la fo peya nna. Fo e wɔ amo nseŋ ta amo n sa anyi.

2 Kronikɛls 25:9

Nɛ ewura Amaziya bishi anebi na le: “Nɛ gbiti nɛ n teŋ ta n sa bumo fanɛ bumo be kakɔka na malɛ a?” Nɛ anebi na malɛ kaŋɛ le: “Enyɛnpe Ebɔrɛ na beeŋ tiŋ n sa fo kusɔ nɛ k chɔ loŋ!”

Job be kawɔl 34:13

Sososo na kikɛ nɛ Ebɔrɛ kɔ yuku durnya kikɛ so nsaa keni kumo so.

Job be kawɔl 41:11

Ma e naa yili asheŋ a sa durnya kikɛ, ma alɛ maŋ ji esa kikɛ be kukɔ.

Job be kawɔl 41:3

K beeŋ shuli ŋ kule fo fanɛ fo wu kumo kuwɔr a? Ŋko m malga boeŋ boeŋ n sa fo a?

Nshɛ 50:10

Ŋkpal manɛ so, kupuŋ to be kusɔbɔya kikɛ la meya nna, aloŋ e la ana nɛ a wɔ abee kagboŋ so na gba.

Nshɛ 50:12

Nɛ akoŋ kɔ ma gba m maaŋ kaŋɛ menyi, ŋkpal manɛ so, durnya nɛ kusɔ kama nɛ k wɔ kumo to kikɛ la meya nna.

Nshɛ 89:11

Ebɔrɛso nɛ kasawule so kikɛ la feya nna; fo e to durnya nɛ kusɔ kama nɛ k wɔ kumo to.

Nshɛ 89:12

Fo e to kelargato be esoso nɛ kaseto kikɛ. K du fanɛ abee nɛ baa tre Tabɔɔ nɛ Hɛɛmɔn na bee boŋ nshɛ kagbenefuliso nna a kpaŋ fo ketre.

Nshɛ 98:7

Shin nɛ teku nɛ kumo to be asɔ keniso kikɛ, nɛ kasawule nɛ kumo so be basa kikɛ e baa wora awɔr a kpaŋ Enyɛnpe Ebɔrɛ na.

Ɛksodɔs 19:5

Amoso naniere nɛ men baŋ wora kasonu cheche n sa ma nseŋ bɛ ma kɔnɔkoŋwule be ŋkre na so bre, menyeeŋ baa kraa la ma basa gbagba nɛ mee sha ga ashi basa kikɛ to na. Kasawule ere kikɛ la meya nna.

Ɛksodɔs 9:29

Nɛ Mosis malɛ kaŋɛ mo: “Ŋ kaŋ baŋ lar kade ere to na nɛ meeŋ maŋ ma enɔana so ŋ kule Enyɛnpe Ebɔrɛ nɛ e shin nɛ bɔrɛ na be keponte nɛ abɔrɛjembubi gbɛgbɛso na kikɛ e ku nɛ fo pin fanɛ durnya ere la Enyɛnpe Ebɔrɛ na peya nna.

Danɛl 4:25

Baaŋ ju fo n lar edimɛdi to nɛ fo ya ka wɔ kupuŋ to be asɔbɔya to. Nfɛ shunu nɛ fo wɔtɔ e ji afitiri fanɛ kena nseŋ naa dese kowu nɛ bunyaŋ e baa tɔr fo so. Aloŋ nɛ feeŋ pin fanɛ Enyɛnpetale na e naa ji durnya ere kikɛ so kuwura, mo alɛ e naa lara esa kama nɛ e par mo a ki ewura.

Maika 4:13

Kumo be kaman nɛ Enyɛnpe Ebɔrɛ na naŋ kaŋɛ le: “Jerusalɛm to ebi, men ya gberge men doŋana kusoe. Meeŋ shin nɛ men baa kɔ eleŋ fanɛ egbolu nɛ amo be alambɛ du fanɛ abɛlso nɛ amo be alotobi malɛ du fanɛ danyaŋ na. Menyeeŋ pɔ efuli damtaana so nseŋ sɔ asɔ nɛ b daŋ ta eleŋsheŋ n nya na m ba sa ma, nɛ n la durnya kikɛ be Enyɛnpe Ebɔrɛ na.”

Nahum 1:5

Abeegboŋ bee gbuŋgbuŋ to Enyɛnpe Ebɔrɛ na be anishito nna, nɛ abeebi bee ŋalga mbe anishito. E baŋ lar a ba kasawule kikɛ bee gbuŋgbuŋ nna nɛ durnya nɛ kumo be basa kikɛ e baa chicha.

1 Kɔrintebi 10:26

Ŋkpal manɛ so: “Kasawule ere nɛ kusɔ kama nɛ k wɔ kumo so ere kikɛ la Enyɛnpe na peya nna.”

Ditɛronɔmi 10:14

Kusɔ kama la Enyɛnpe menyi be Ebɔrɛ na peya nna, mannɛ kasawule ere nɛ asɔ nɛ a wɔ kumo to nawule ama awɔlpa nɛ ebɔrɛso kikɛ la mo peya nna.