Nshɛ 22:26 - EBƆRƐ BE KAWƆL

²⁶ Betirpo beeŋ ji m moɛ, nɛ bekama nɛ baa bunyaŋ fo na e chɔrɔ fo. Shin nɛ asheŋ e baa nyalɛ a sa bumo saŋkama.

Nshɛ 22:26 ပူးပေါင်းရင်းမြစ်များ

1 Kronikɛls 29:10

Ewura Deevid daŋ yili basa na kikɛ be anishito nna n di Enyɛnpe Ebɔrɛ epaŋ ŋ kaŋɛ le: “Enyɛnpe Ebɔrɛ nɛ fo la an nana Jeekɔb be Ebɔrɛ na, kapandi e baa la fo peya mbaanaayɔ!

Nshɛ 107:9

E bee sa ekama nɛ achukoŋ kɔ kusɔnuuso nna nɛ e bee nuu. Ekama malɛ nɛ akoŋ kɔ, e bee sa mo kusɔ jiso lela nna.

Nshɛ 116:14

Jemanɛ nɛ mbe basa kikɛ beeŋ shɛr abar so na nɛ meeŋ tia nnɔ nɛ n nase n sa mo na kikɛ.

Nshɛ 116:18

Jemanɛ nɛ fo basa beeŋ shɛr abar so fo bɔrɛlambu to ashi Jerusalɛm be kadegboŋ to na, nɛ meeŋ tia kɔnɔ nɛ n nase n sa fo na. Men kpaŋ Enyɛnpe Ebɔrɛ na!

Nshɛ 40:10

M maŋ ta fo kumɔlga be asheŋ na n wɔtɔ n nawule be kagbene to nna na. Ŋ ji fo kumɔlga nɛ fo kashenteŋji nɛ fo kasha nɛ k maa chɛrga na be asheŋ be shɛda nna ashi fo basa be nshɛrgboŋ to.

Nshɛ 40:16

Enyɛnpe Ebɔrɛ, shin nɛ bumo nɛ baa bunyaŋ fo na be ŋgbene e fuli bumo nɛ b ji eyur. Shin nɛ bekama nɛ baa sha fo kumɔlga na e baa kaŋɛ le saŋkama: “Enyɛnpe Ebɔrɛ na shibi ga.”

Nshɛ 50:14

Ma e la Enyɛnpetale Ebɔrɛ na. Kechɔrɔ, nɛ k baa nase nnɔ nsaa bɛ amo so be esarga nɛ mee sha.

Nshɛ 69:32

Betirpo beeŋ wu kumo be loŋ nɛ bumo be ŋgbene e fuli bumo. Saŋɛ na so basa nɛ baa bunyaŋ Enyɛnpe na beeŋ nya keleŋto.

Aizaaya 25:6

Enyɛnpetale Ebɔrɛ na beeŋ bela ajibi lela nɛ asɔ nuuso belbelso be kejigboŋ ase n sa durnya to be efuliana kikɛ so ebi ashi kebee nɛ baa tre Zayɔn na so ashi Jerusalɛm.

Aizaaya 65:13

Kumo be kaman nɛ Enyɛnpetale Ebɔrɛ na naŋ kaŋɛ le: “Basa kama nɛ baa shuŋ ma nsaa wora ma kasonu na beeŋ nya n ji nseŋ nuu yilayilaso, ama akoŋ nɛ achukoŋ e naaŋ mɔ menyi alubiworapoana bre. Bumo be ŋgbene beeŋ fuli bumo ama menyi ere beeŋ ji anishinyɔr.

Jona 2:10

Ade be kaman nɛ Enyɛnpe Ebɔrɛ shin nɛ kɔrɔtɔ na ya gbu Jona n nase kedeŋi so ashi teku na be ekarso.

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”