Nshɛ 22:24 - EBƆRƐ BE KAWƆL

²⁴ Ŋkpal manɛ so e maŋ pal kaman n sa bumo nɛ b wɔ awurfoŋ to na. E maŋ kplaŋ bumo so saŋɛ so nɛ b shu n tre mo na. E nu bumo be kushu nna.

Nshɛ 22:24 ပူးပေါင်းရင်းမြစ်များ

Nshɛ 118:5

Ma awurfoŋ nɛ ebesa to nɛ n shu n tre Enyɛnpe Ebɔrɛ na, nɛ e nu ma kabɔrɛkule nseŋ lara kafɔŋ na ma so.

Nshɛ 22:2

Ma Ebɔrɛ, mee shu a tre fo kapa nɛ kanyɛ nna, fo alɛ maa nu. Amoso ma kagbene maŋ dese ma.

Nshɛ 22:6

Ama m maŋ naa du fanɛ dimɛdi. Ŋ ki fanɛ kushushombi nna nɛ basa bee keni ma jiga nsaa wora ma eyurto.

Nshɛ 34:6

Mo nɛ betentaŋasepo bee shu a tre, nɛ e bee nu bumo be kushu, nsaa mɔlga bumo ashi bumo be etɔrɔ to na.

Nshɛ 35:10

Nseŋ ta ma kagbene kikɛ ŋ kaŋɛ Enyɛnpe na le: “Esa kama maŋ du fanɛ fo. Fo e naa kuŋ bepɔshipo ashi belempo be enɔ to, nsaa mɔlga betirpo ashi basa lempo be kamɛaŋ to.”

Nshɛ 69:17

Saŋ maŋ pal kaman n sa fo kenya. Jande nu ma kekule manaŋ, ŋkpal manɛ so, n wɔ tɔrɔ to nna.

Luuk 23:46

Nɛ Yesu boŋ to awɔrso ŋ kaŋɛ: “Etuto, n ta ma kiyoyu m bɔɔ fo enɔ.” E ka baŋ kaŋɛ loŋ n loge nɛ e fute mbe lalaloge be efute.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.