Nshɛ 22:23 - EBƆRƐ BE KAWƆL

²³ Menyi nɛ menyee ŋana Ebɔrɛ na e fur mo. Menyi nɛ men la an nananyɛn Jeekɔb be kenana kikɛ e bunyaŋ mo. Israɛlebi, men shuŋ Enyɛnpe Ebɔrɛ na bunyaŋ so.

Nshɛ 22:23 ပူးပေါင်းရင်းမြစ်များ

Nshɛ 106:5

Shin nɛ n ti fo basa laraso so n nyalɛ, saŋɛ na so ma alɛ gba beeŋ ji eyur fanɛ kananɛ baa ji eyur kagbenefuliso ŋkpal b ka la fo basa so na.

Nshɛ 109:30

O Enyɛnpe Ebɔrɛ, meeŋ boŋ nshɛ ŋ kpaŋ fo nseŋ di fo epaŋ ga ashi fo basa be nshɛrana to.

Nshɛ 111:1

Meeŋ kpaŋ Enyɛnpe Ebɔrɛ na ashi ma kagbene to. Ma alɛ beeŋ di mo epaŋ ashi mbe basa be nshɛr to.

Nshɛ 115:11

Menyi nɛ menyee bunyaŋ Ebɔrɛ na, a daga fanɛ menyi alɛ gba e yirda Enyɛnpe Ebɔrɛ na nɛ e baa chɛ menyi to nsaa kuŋ menyi.

Nshɛ 115:13

E beeŋ nɛfa bekama nɛ baa bunyaŋ mo na; bewurjipo nɛ bebɔlpo kikɛ.

Nshɛ 145:19

Mo alɛ bee sa bekama nɛ baa bunyaŋ mo na asɔ nɛ a tir bumo nna nsaa nu bumo be kekule a mɔlga bumo ashi etɔrɔ to.

Nshɛ 22:30

Echefosoebi kikɛ beeŋ bunyaŋ mo, nseŋ ji mbe asheŋ be shɛda n sa bumo be kaman to ebi.

Nshɛ 26:12

Ŋkpal fo ka wɔ ŋ kutɔ nsaa beeŋ chɛ ma to saŋɛ nɛ k daga so, meeŋ fur fo ashi fo basa be nshɛr to.

Nshɛ 33:8

Kasawule so ebi kikɛ e shuŋ Enyɛnpe na, nɛ durnya to be basa kikɛ e bunyaŋ mo.

Nshɛ 35:18

Saŋɛ na so meeŋ chɔrɔ fo ashi fo basa nɛ b shɛr be anishito; nseŋ yili bumo to n fur fo.

Nshɛ 50:23

Sarga nɛ k bee bar ma kemaŋkura e la kagbene nɛ k bee ji a chɔrɔ. Men wora ma kasonu nɛ ma, menyi be Ebɔrɛ na e ŋini menyi kumɔlga be ekpa.

Nshɛ 86:12

O Enyɛnpe ma Ebɔrɛ, meeŋ bugi ma kagbene to ŋ kpaŋ fo, nseŋ maŋkura fo ketre mbaanaayɔ.

Aizaaya 25:3

Basa nɛ b wɔ efuli lempoana so beeŋ kpaŋ fo; nɛ bumo nɛ b wɔ ndegboŋana nɛ a wɔ efuliana nɛ b maa wu kuwɔr na to e ŋana fo.

Luuk 1:50

Mbe ketre e du cheeŋ. Bekama nɛ baa ŋana mo nɛ e bee wu kuwɔr ashi enananyɛn koŋwule be jemanɛ n ya fo enananyɛn ko malɛ be jemanɛ.

Luuk 2:20

Nɛ mbolpɔkpapoana na bɛta a boŋ nshɛ a di Ebɔrɛ epaŋ a yɔ ŋkpal asɔ nɛ b nu nseŋ wu na kikɛ so. Kusɔ nɛ malaika na daŋ malga na gbagba e daŋ wora chap.

1 Kɔrintebi 10:31

Amoso, nɛ fee ji ŋko fee nuu nna ŋko kusɔ kama nɛ fee wora, wora amo kikɛ nɛ Ebɔrɛ e nya kemaŋkura.

Kelaraŋŋini 15:4

O, Enyɛnpe, wanɛ e wɔtɔ ŋkaa maaŋ ŋana fo nsaa maaŋ sa fo ketre na kemaŋkura? Ŋkpal manɛ so, fo nawule e du cheembi. Efuli kama so ebi malɛ kikɛ beeŋ ba kachako m ba maŋ fo so, ŋkpal manɛ so, fo demuji niŋisoana na lar efuli.”