Nshɛ 22:15 - EBƆRƐ BE KAWƆL

¹⁵ Ma eleŋ kikɛ loge fanɛ kusɔ nuunchu ka baŋɛ to na; nɛ ma kudonduloŋ wɔl m mata ma anyifar to. Fo Enyɛnpe Ebɔrɛ na yige ma nna nɛ n wu n tɔr shishɛr to a?

Nshɛ 22:15 ပူးပေါင်းရင်းမြစ်များ

Jɛnesis 18:27

Nɛ Eebraham naŋ kaŋɛ: “Jande Enyɛnpe, ta m paŋ ma, ma alɛ dimɛdi nɛ n la shishɛr nɛ nsunɔ ere ka yil a kɔ fo a malga le.

Jɛnesis 3:19

Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

2 Samuɛl 14:14

Anyi kikɛ nyam beeŋ wu, ŋkpal manɛ so an du fanɛ nchu nɛ b chulgi n lɛ kasawule nɛ a maŋ naa kɔ kemuu nna. Hale nɛ Ebɔrɛ maa shin nɛ bubuni bee bɛta e ba ŋkpa to gba, fo nɛ fo la ewura ere bre beeŋ tiŋ n shin nɛ esa nɛ e shile fo efuli so n yɔ kuko to e naŋ bɛta m ba.

Job be kawɔl 10:9

Baa nyiŋi fanɛ fo e pɔr ma fanɛ kananɛ baa ta ebɔ a pɔr asɔ na. Amoso sa maŋ naŋ kilgi ma eshishɛr a!

Job be kawɔl 19:20

N foe eyur to nna ŋ ki fanɛ awibi nawule. Gbrɛ a ka nɛ n wu.

Job be kawɔl 29:10

Basagboŋ nɛ basa bee sa bunyaŋ gba bee lo bumo be nnɔ nna.

Job be kawɔl 30:16

Naniere mee shin nɛ n wu nna na. Shɛŋ maa sɔ ma ashi ma awurfoŋ to.

Job be kawɔl 34:15

anyi edimɛdi beeŋ wu nseŋ bɛta n yɔ eshishɛr to.

Job be kawɔl 7:21

Manɛ nna nɛ fo maŋ tiŋ n ta ma lubi m paŋ ma? M maaŋ naŋ chɛr nseŋ yɔ eshishɛr to n ya dese. Fo alɛ beeŋ keni n fin ma, nɛ fo maaŋ wu ma.

Nshɛ 104:29

Ama nɛ fo baŋ pal kaman n sa amo, kufugboŋ bee tɔr amo so nna nɛ a chicha. Fo alɛ baŋ naŋ lara amo be efute, a bee wu nna a bɛta a yɔ eshishɛr to.

Nshɛ 30:9

Manɛ be tɔnɔ nɛ ma luwu kɔ n sa fo? Manɛ nɛ ma keyɔ nchaŋ to beeŋ wora fo? Bubuni beeŋ tiŋ n fur fo a? Baaŋ tiŋ m malga fo kashenteŋji nɛ alelasheŋ be asheŋ a?

Nshɛ 38:10

Ma kagbene bee to nna pep pep pep, nɛ ma eleŋ kikɛ loge nɛ ma anishi ki m pere a maŋ naa wu.

Nshɛ 69:21

Baa ta kɔrtɔ nna a wɔtɔ ma ajibi to nsaa sa ma nsa nyaŋnyaŋso fanɛ nchu nuuso.

Nshɛ 69:3

N shu n tre fo hale ma eleŋ kikɛ loge, nɛ ma ebɔl to wɔl. N mɛrge anishi ŋ keni fo ekpa, hale ma anishi bee kurge.

Aŋasa 17:22

Kebaa du wasawasa bee teŋi esa be ŋkpa so nna; ama saŋkama be kenishitogbir bee ku esa be ŋkpa so manaŋ manaŋ nna.

Aizaaya 53:12

Amoso meeŋ sa mo kemaŋkuragboŋ nɛ eleŋgboŋ. E shuli so n ta mbe kumu n lara sarga, nseŋ yili alubiworapoana damta be aya to ŋ kule alubi be ketampaŋ n sa bumo.”

Nfabel 4:4

Baa shin nɛ akoŋ nɛ achukoŋ bee mɔ bumo be mbi popɔrbi nna; mbia na bee ta enɔ to a kule ajibi nna, esa kikɛ malɛ maaŋ sa bumo ajibi nɛ b ji.

Danɛl 12:2

Basa damta nɛ b wu na beeŋ naŋ tiŋi luwu to, nɛ bumo be beko e nya ŋkpa nɛ k maŋ kɔ ekar na, nɛ beko malɛ e ji awurfoŋ nɛ anishinyɔr hale mbaanaayɔ.

Matiu 27:50

Ndoŋ nna nɛ Yesu naŋ boŋ to awɔrso nseŋ fute mbe lalaloge be efute.

Baru lela nɛ Jɔn kute na 19:28

Asheŋ ere kikɛ ka wora n choŋ nɛ Yesu pin loŋ nsaa sha fanɛ abɔrɛsibɛ na e bɔlɔ so nɛ e kaŋɛ le: “Achukoŋ kɔ ma.”

1 Kɔrintebi 15:3

Ŋkpal manɛ so, kusɔ nɛ n daŋ nya nɛ ma alɛ gba daŋ ta m bɔɔ menyi enɔ fanɛ kusɔ nɛ k juŋkpar e la fanɛ: Kristo wu nna ŋkpal anyi be alubi so fanɛ kananɛ abɔrɛsibɛ na bee kaŋɛ na fanɛ