Nshɛ 22:14 - EBƆRƐ BE KAWƆL

¹⁴ Ma eleŋ kikɛ loge nna fanɛ nchu ka feeto na, nɛ ma echɛkpaana du fanɛ ma awibi ka maŋ naa chɔ abar so na. Ma kagbene malɛ ki fanɛ ŋku bumbuŋ ka ŋalga na nna.

Nshɛ 22:14 ပူးပေါင်းရင်းမြစ်များ

Job be kawɔl 16:10

Basa bee gbɛlɛ ma nna nsaa mɛr nnɔ a ŋini ma. Baa gama nna a kpa ma anishito etaŋ nsaa wora ma eyurto.

Job be kawɔl 23:16

Ebɔrɛ shin nɛ ma kenyɛn lar ma to, Enyɛnpetale Ebɔrɛ shin nɛ kufugboŋ pɛ ma.

Job be kawɔl 30:16

Naniere mee shin nɛ n wu nna na. Shɛŋ maa sɔ ma ashi ma awurfoŋ to.

Nshɛ 22:17

Meeŋ tiŋ ŋ karga ma awibi kikɛ, nɛ ma doŋana mɛrge anishi n yuu ma so a keni nsaa mushe ma.

Nshɛ 31:10

Kagbenejija shin nɛ n bel katiŋso; nɛ kebɔltofinfin bee ku ma ŋkpa so. Awurfoŋ shin nɛ ŋ ki esa pɔso, nɛ ma awibi to maŋ naa kɔ eleŋ.

Nshɛ 35:21

Baa nya manaŋ a ku asheŋ a deŋi ma nna; nsaa ponte a kaŋɛ le: “An gbagba be kenishi e wu kusɔ nɛ fo wora.”

Nshɛ 68:2

Shin nɛ b pesaŋ to fanɛ edishi. Shin nɛ b ŋalga fo anishito fanɛ kananɛ kemushoŋmar bee ŋalga edɛ to na.

Nfabel 3:46

An doŋana bee tege anyi nsaa wora anyi eyur to.

Danɛl 5:6

Nɛ kufu pɛ mo alegaiso nɛ mbe anishito ki foleebi nɛ mbe amuli kikɛ fara a chicha nɛ e niŋi to ŋ gben.

Nahum 2:10

Ninɛve bure nɛ kumo to be basa shile n lar kumo to; nɛ ki kade bureso a dese fuloŋ, nɛ shɛŋ maŋ naa wɔ kumo to! Nɛ kufugboŋ tɔr basa so nɛ baa chicha. Bumo be eleŋ kikɛ loge; nɛ bumo be anishiakpa ki foleebi.

Matiu 26:38

Nɛ e kaŋɛ bumo le: “Kagbenejija nɛ k wɔ ma to ere shi ga, hale a sha keburi ma to m mɔ, men shir a wɔ nfe n tu ma a de so.”

Luuk 22:44

Mbe kagbene ka jija mo alegaiso nɛ e bugi kagbene ŋ kule Ebɔrɛ ga hale nɛ kebleŋ ya kaa lar mo so a do kasawule so fanɛ ŋklaŋ.

Baru lela nɛ Jɔn kute na 12:27

Naniere ma kagbene maŋ dese ma, ama nuso nɛ meeŋ wora? Ŋ kaŋɛ n Tuto fanɛ: ‘Etuto, mɔlga ma ashi le be kenishipere ere to,’ ŋko nuso? Ayai, m maaŋ wora loŋ, ŋkpal manɛ so, loŋ so nɛ m ba nɛ m ba ji saŋɛ ere so be awurfoŋ.

Joshuwa 7:5

nseŋ mɔ Israɛlebi na be basa adesa nɛ ashe kikɛ. Aiebi na daŋ yili kade na be kabunagboŋ na ase nna n ju Israɛlebi na hale n ya fo kakpa nɛ baa bure ajembu to a pɔr na. Ndoŋ nɛ Israɛlebi na be aba pɔ bumo nɛ kufu pɛ bumo ga.