Nshɛ 22:11 - EBƆRƐ BE KAWƆL

¹¹ Sa maŋ barga ma n yɔ kufɔ; ŋkpal manɛ so, ma nɛ tɔrɔ maŋ wɔ kufɔ. Esa kama malɛ maŋ wɔtɔ nɛ e chɛ ma to.

Nshɛ 22:11 ပူးပေါင်းရင်းမြစ်များ

2 Bewura 14:26

Enyɛnpe Ebɔrɛ na daŋ chɛ ewura Jeroboam to nna nɛ e kɔ m pɔɔ so ŋkpal e ka wu kananɛ ekama, anya nɛ bumo nɛ b maŋ la anya kikɛ, wɔ kagbenejija nɛ tɔrɔ to, nɛ kananɛ esa kikɛ malɛ maŋ wɔtɔ nɛ e chɛ bumo to so.

Nshɛ 10:1

Enyɛnpe Ebɔrɛ, Manɛ nna nɛ k du fanɛ fo ka kplaŋ ma so loŋ? Manɛ nna nɛ fee ta fo kumu a ŋana ma so saŋɛ nɛ n wɔ tɔrɔ to?

Nshɛ 35:22

Enyɛnpe Ebɔrɛ, fo gbagba wu kesheŋ ere. Amoso sa maŋ lo to. Enyɛnpe Ebɔrɛ, sa maŋ yɔ kufɔ ŋ ka ma.

Nshɛ 38:21

Enyɛnpe Ebɔrɛ, sa maŋ kini ma n lɛ! N nyɛnpe, sa maŋ yɔ kufɔ ŋ ka ma.

Nshɛ 69:18

Ba mɔlga ma ashi bedoŋ be enɔ to.

Nshɛ 71:12

O Ebɔrɛ, sa maŋ barga ma n yɔ kufɔ; O ma Ebɔrɛ, ba manaŋ m ba chɛ ma to!

Nshɛ 71:6

Ma kebiato kikɛ nɛ n ta ma kumu n to fo so hale m ba fo mbre. Fo e shin nɛ b kurge ma nɛ kayurwushi; ma alɛ beeŋ baa kpaŋ fo mbaanaayɔ.

Nshɛ 72:12

Ŋkpal manɛ so, e beeŋ kɔ n suge betentaŋasepo nɛ bekama nɛ b wɔ tɔrɔ to nseŋ shu n tre mo na n yige.

Aizaaya 63:5

K daŋ chinchiŋ ma nna fanɛ esa kikɛ ka daa maŋ wɔtɔ nɛ e chɛ ma to ŋko n wɔtɔ ma enɔ. Amoso ma agbo e wɔtɔ ma eleŋ n shin nɛ ŋ gbagba kɔ m pɔɔ so.

Matiu 26:56

Ama asheŋ ere kikɛ wora nna nɛ kusɔ nɛ anebiana na sibɛ na e bɔlɔ so.” Ndoŋ nna nɛ bebɛsopo na kikɛ shile ŋ ka mo.

Matiu 26:72

Nɛ e bɔ n naŋ chɛ kumo alɛ gba ŋ kaŋɛ le: “M maŋ nyi amo be kanyɛn.”

Matiu 26:74

Ndoŋ nna nɛ Pita bɔ ntaŋ n deŋi mbe kumu nseŋ kaŋɛ: “M maŋ nyi kanyɛn na kuraa!”

Baru lela nɛ Jɔn kute na 16:32

Ama men baa nyiŋi fanɛ saŋko beeŋ ba fo, k teŋ fo gba nɛ menyi kikɛ e pesaŋ to nɛ ekama e yɔ mo gbagba pe. Menyeeŋ yige n nawule n to, ama mannɛ n nawule e wɔtɔ, ŋkpal manɛ so, n Tuto wɔ ŋ kutɔ nna.

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.