Nshɛ 22:1 - EBƆRƐ BE KAWƆL

¹ Ma Ebɔrɛ, manɛ nna nɛ fo kplaŋ ma so? Manɛ nna nɛ fo wɔ kufɔ loŋ? Fo maaŋ nu ma kebɔltofinfin be kushuto, nseŋ ba mɔlga ma a?

Nshɛ 22:1 ပူးပေါင်းရင်းမြစ်များ

Job be kawɔl 3:24

Ma keji nɛ kenuu e ki ebɔl to nɛ kagbene to be kushu na.

Nshɛ 10:1

Enyɛnpe Ebɔrɛ, Manɛ nna nɛ k du fanɛ fo ka kplaŋ ma so loŋ? Manɛ nna nɛ fee ta fo kumu a ŋana ma so saŋɛ nɛ n wɔ tɔrɔ to?

Nshɛ 16:1

Enyɛnpe Ebɔrɛ, baa keni ma so; nsaa kuŋ ma.

Nshɛ 22:11

Sa maŋ barga ma n yɔ kufɔ; ŋkpal manɛ so, ma nɛ tɔrɔ maŋ wɔ kufɔ. Esa kama malɛ maŋ wɔtɔ nɛ e chɛ ma to.

Nshɛ 22:16

Basa lubi be katuŋ kulti ma nna n wɔtɔ fanɛ njɔnɔ, a chɛ a far ma aya nɛ enɔana.

Nshɛ 26:9

Sa maŋ gama ma nɛ alubiworapo n ti abar so m mɔ. Ŋko n ta ma n ti bemɔpo,

Nshɛ 37:28

Ŋkpal manɛ so, Enyɛnpe Ebɔrɛ na bee sha bekama nɛ baa wora asheŋ nɛ amo be ekpa so na nna. Mo alɛ maaŋ kplaŋ bekama nɛ baa ji kashenteŋ so. Enyɛnpe na beeŋ baa kuŋ bumo, ama e beeŋ mur belubiworapo bre be kaman to ebi.

Nshɛ 38:8

Ma eyur kikɛ bɛa ma to nna, nɛ eleŋ fimbi kikɛ maŋ naa wɔ ma to.

Nshɛ 71:11

B yɛ: “Ebɔrɛ kini mo n lɛ; men shin nɛ an ju m bɛ so n ya pɛ mo, ŋkpal manɛ so, esa kikɛ maŋ wɔtɔ nɛ e kɔ m mɔlga mo.”

Aizaaya 46:13

Meeŋ ba mɔlga menyi. Ma nɛ menyi maaŋ naŋ barga abar. M maaŋ naŋ chɛr nseŋ ba mɔlga menyi. Meeŋ mɔlga basa nɛ b wɔ Jerusalɛm to nseŋ shin nɛ Israɛl be efuli na e nya kemaŋkura.”

Aizaaya 59:11

Anyee munto nna fanɛ eshishiri nsaa shu fanɛ ali na. Anyi alɛ daa tama fanɛ Ebɔrɛ beeŋ mɔlga anyi ashi kanyaŋ nɛ alubi to, ama loŋ maŋ wora.

Levitikɔs 2:6

Kumo be kaman nɛ b pupur amo to nseŋ n chulgi ɔlif be ŋku n wurge amo so n ta n lara sarga na.

Matiu 27:46

Kerfi asa be jemanɛ na nɛ Yesu boŋ to awɔrso m bishi Ebɔrɛ le: “Elai, Elai, lama sabaktani?” Kumo be kifito e la fanɛ: “Ma Ebɔrɛ, ma Ebɔrɛ, manɛ e ba nɛ fo yige ma?”

Maak 15:34

Kerfi asa be jemanɛ na nɛ Yesu boŋ to awɔrso m bishi Ebɔrɛ le: “Elɔi, Elɔi, lama sabaktani?” Kumo be kifito e la fanɛ “Ma Ebɔrɛ, ma Ebɔrɛ, manɛ e ba nɛ fo yige ma?”

Luuk 22:44

Mbe kagbene ka jija mo alegaiso nɛ e bugi kagbene ŋ kule Ebɔrɛ ga hale nɛ kebleŋ ya kaa lar mo so a do kasawule so fanɛ ŋklaŋ.

Luuk 24:44

Kumo be kaman nɛ e kaŋɛ bumo le: “Asheŋ ere kikɛ nɛ n daŋ kaŋɛ menyi saŋɛ nɛ ma nɛ menyi daŋ kraa wɔtɔ na fanɛ ma asheŋ nɛ a wɔ Mosis be abɔrɛsibɛ to nɛ anebiana na kikɛ peyaana to nɛ Nshɛ to na kikɛ daga kebɔla ekpa na.”

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

1 Samuɛl 12:22

Ebɔrɛ na e lara menyi fanɛ mo gbagba be basa. Ŋkpal mbe ketre ka shibi so, e maaŋ yige menyi kikɛ.