Nshɛ 21:7 - EBƆRƐ BE KAWƆL

⁷ Ewura na yirda Enyɛnpe Ebɔrɛ nna. Ŋkpal Ebɔrɛ malɛ be kasha nɛ k maa loge na so, shɛŋ shɛŋ maa gbuŋgbuŋ mo.

Nshɛ 21:7 ပူးပေါင်းရင်းမြစ်များ

Nshɛ 13:5

Ama ma tama deŋ fo kasha nɛ k maa loge na so nna. Ma kagbene beeŋ fuli ma ŋkpal fo ka beeŋ mɔlga ma so.

Nshɛ 16:8

Enyɛnpe Ebɔrɛ na be asheŋ deŋ ma kagbene so nna saŋkama. Ŋkpal e ka taga ma to so, shɛŋ shɛŋ maa keta ma kufu.

Nshɛ 18:2

Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.

Nshɛ 26:1

Enyɛnpe shin nɛ n ji n lar; ŋkpal manɛ so, ma kebaawɔtɔ maŋ kɔ mpulɔ kikɛ. Ma yirda kikɛ deŋ fo so nna, ma alɛ maa wora shikashika kikɛ.

Nshɛ 45:3

Ewurgboŋ, kemaŋkura wura nɛ ejuŋkparpo, ta fo tokobi n wɔtɔ kumo be efar to ŋ kre kashɛr to.

Nshɛ 61:4

Enyɛnpe, ma Ebɔrɛ, shin nɛ m baa wɔ fo kutɔ mbaanaayɔ, saŋɛ na so meeŋ nya kekuŋ ashi fo aba to.

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Nshɛ 9:2

Ma kagbene beeŋ fuli ma nɛ n ji eyur ŋkpal fo so. Enyɛnpetale Ebɔrɛ, meeŋ boŋ kashɛ n di fo ketre epaŋ.

Nshɛ 91:2

Kumo be kaman nɛ e kaŋɛ Enyɛnpe Ebɔrɛ na le: “Fo nɛ mee shile n ya kaa mata nɛ fee kuŋ ma, fo e la ma Ebɔrɛ nɛ n yirda fo.”

Danɛl 7:14

B daŋ ta eleŋ nɛ bunyaŋ nɛ kuwurji be eleŋ nna m bɔɔ mo enɔ, saŋɛ na so efuliana kikɛ be basa nɛ eyiriana nɛ ŋgbarana be nnaŋ to kikɛ beeŋ shuŋ mo. Mbe eleŋ nɛ e kɔ na beeŋ baa wɔtɔ mbaanaayɔ nɛ mbe kuwurji malɛ maaŋ loge kikɛ.

Matiu 27:43

E yirda Ebɔrɛ, ŋkpal manɛ so, e yɛ: ‘Ebɔrɛ Pibinyɛn e la ma.’ Amoso, nɛ Ebɔrɛ bee sha mo, e mɔlga mo.”

Hibruwebi 2:13

Mo koŋwule na e kaŋɛ le: “Meeŋ yirda mo.” Kumo be kaman nɛ e naŋ kaŋɛ le: “Ma nɛ basa nɛ Ebɔrɛ ta m bɔɔ ma enɔ na kikɛ nde.”

1 Samuɛl 30:6

Ndoŋ nna nɛ kagbenejija tɔr Deevid so, nɛ mbe basa be ŋgbene kikɛ kaa bumo ŋkpal b ka paŋ bumo be mbia so. Nɛ baa kaŋɛ fanɛ baaŋ kpa Deevid ajembu m mɔ nɛ Enyɛnpe Ebɔrɛ nɛ e la mbe Ebɔrɛ na leŋ mo to ga.