Nshɛ 21:3 - EBƆRƐ BE KAWƆL

³ Fo nɛfa mo kashenteŋto, nseŋ ta shuwa be kuwurwuro m buu mo.

Nshɛ 21:3 ပူးပေါင်းရင်းမြစ်များ

2 Samuɛl 12:30

Shuwa be kuwurwuro ko nɛ kumo be egbɛ sa fanɛ kilo adesa nɛ anu daa buu Ammɔnebi be kegbir ko nɛ baa tre Mɔlɛk na be kumu so nna. Nɛ ewura Deevid deŋi kuwurwuro nɛ yawu kpakpaso be kejembu wɔ kumo to na m buu. Kumo be kaman nɛ e lara asɔ nɛ b ta kade na to na be adamta gba ŋ ki mo peya.

2 Samuɛl 2:4

Ndoŋ nna nɛ Juda be basa na ba Hibrɔn m ba duga ŋku n do Deevid be kumu so a ŋini fanɛ b buu mo Juda be kuwura. Deevid ka nu fanɛ Jabesh nɛ k wɔ Giliad na be basa e puli Sɔɔl,

2 Samuɛl 5:3

Amoso Israɛlebi be bejuŋkparpoana na kikɛ nɛ ewura Deevid daŋ wora kɔnɔkoŋwule be ŋkre nna ashi Ebɔrɛ be anishito nɛ b ta ŋku n do mbe kumu so m buu mo Israɛl kikɛ be kuwura.

1 Kronikɛls 20:2

Kumo be kaman nɛ ewura Deevid yɔ Raaba n ya ta bumo be kegbir nɛ baa tre Mɔlɛk na be kuwurwuro nɛ b ta shuwa nɛ amo be egbɛ sa fanɛ kilo adesa nɛ ana n lɔŋɛ na. Kuwuro na to daa kɔ kemaŋkanibi lela ko nna nɛ ewura Deevid ta kumo m mata mbe kuwurwuro so. E daŋ tintiŋ nna m muu kade na to be asɔ lela kikɛ gba n yɔ.

2 Kronikɛls 6:41

Enyɛnpe Ebɔrɛ, koso m bɔla ŋkre be deka nɛ k yili a sa eleŋ nɛ fo kɔ na so n luri bɔrɛlambu ere to, nsaa wɔ ndoŋ mbaanaayɔ. Nɛfa fo bɔrɛmatapoana ashi kusɔ kama nɛ baa wora to nseŋ shin nɛ fo basa malɛ kikɛ be ŋgbene e fuli bumo ŋkpal fo kelela nɛ fee wora a sa bumo so.

Job be kawɔl 41:11

Ma e naa yili asheŋ a sa durnya kikɛ, ma alɛ maŋ ji esa kikɛ be kukɔ.

Nshɛ 18:18

Saŋɛ nɛ kenishipere tu ma na, nɛ b baa ka kɔ ma, nɛ Enyɛnpe Ebɔrɛ na kɔ n sɔ ma.

Nshɛ 20:5

Nɛ asheŋ nite nɛnɛ n sa fo, anyeeŋ cha awɔr kagbenefuliso; nseŋ maŋ anyi be etuta so ashi anyi be Ebɔrɛ be ketre to. Enyɛnpetale Ebɔrɛ na e wora asɔ nɛ fee bishi na n sa fo.

Nshɛ 31:19

Fo kelela shi m baŋ so; nɛ fee sha kebaawora basa nɛ baa ŋana fo kelela. Ekama nyi fo kelela nɛ kananɛ fee kuŋ basa nɛ b yirda fo.

Nshɛ 59:10

Ma Ebɔrɛ nɛ e bee sha ma na beeŋ chɛ ma to, n shin nɛ n wu bedoŋ ka kɔ n tɔr.

Romebi 11:35

Nɛ wanɛ malɛ e daŋ paŋ mo kusɔ ko nɛ e fin ŋ ka amodoŋwura?”

Romebi 2:4

Ŋko fo kpal Ebɔrɛ be kelela ka shi mo to ga na so nna nɛ e ka maa nya manaŋ a gberge basa kusoe na nɛ mbe kanyiti na so so nna a fɛl mo a? Fo maŋ nyi fanɛ Ebɔrɛ be kelela wɔtɔ nna nɛ fo nya n lar fo alubi to a?

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Hibruwebi 2:9

Ama Yesu bre, an wu b ka ta kemaŋkura nɛ bunyaŋ m buu mo fanɛ kuwura. Ama saŋɛ gbrɛbi ko Ebɔrɛ daŋ shin nɛ emalaika daa chɔ mo nna ŋkpal luwu be awurfoŋ nɛ e ji na so, saŋɛ na so, e beeŋ wu n sa basa kikɛ ŋkpal Ebɔrɛ be kakɛ so.

Kelaraŋŋini 19:12

Mbe anishi daa du fanɛ edɛ nɛ a bee suse nna wuloŋwuloŋ nɛ nwurwuro damta malɛ wɔ mbe kumu so. B daŋ sibɛ ketre ko nna n deŋi mo so nɛ mo nawule kpeŋ nyi kumo.

1 Samuɛl 16:13

Nɛ Samuɛl duga ŋku na n do Deevid be kumu so nɛ mo daana yil a keni mo. Baŋ yili kumo be kamɔnchɛ na kikɛ nɛ Enyɛnpe Ebɔrɛ be kiyoyu ba luri m bɔlɔ Deevid to eleŋso nsaa wɔ mo to saŋkikɛ. Kumo be kamɔnchɛ na malɛ kikɛ nɛ Samuɛl bɛta n yɔ Raama.