Nshɛ 21:13 - EBƆRƐ BE KAWƆL

¹³ Enyɛnpe Ebɔrɛ, kemaŋkura e baa la fo peya. Anyeeŋ boŋ nshɛ m maŋkura fo ŋkpal fo eleŋgboŋ na so.

Nshɛ 21:13 ပူးပေါင်းရင်းမြစ်များ

1 Kronikɛls 29:11

Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

Job be kawɔl 9:19

Nɛ kela fanɛ eleŋ nna, Ebɔrɛ kɔ eleŋ a chɔ ma! Nɛ kela asheŋ be keji malɛ gba nna, wanɛ e naŋ tiŋ n tre Ebɔrɛ demujikpa?

Nshɛ 113:5

Esa kikɛ maaŋ tiŋ n ta mbe kumu m ber Enyɛnpe anyi be Ebɔrɛ na. Mo e chena mbe kuwurputi so ebɔrɛso

Nshɛ 18:46

Fo Enyɛnpe Ebɔrɛ na wɔ ŋkpa to nna. Meeŋ fur fo, Enyɛnpe Ebɔrɛ, ma kefaltagboŋ nɛ fee kuŋ ma. Meeŋ maŋkura fo, ma emɔlgapo.

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Nshɛ 57:11

Enyɛnpe Ebɔrɛ shin nɛ fo keshi e choŋ so esoso so nɛ fo kemankura e baa wɔ durnya be kaplɛkama.

Nshɛ 57:5

Shin nɛ basa e wu fo aworbigboŋ ashi awɔlpa to, nɛ fo kemaŋkuragboŋ ashi kasawule so kikɛ.

Matiu 6:10

n shin nɛ fo Kuwurgboŋ na e ba, n shin nɛ basa e baa wora fo aparsheŋ durnya ere to fanɛ kananɛ k du ebɔrɛso na.

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Kelaraŋŋini 11:17

a kaŋɛ le: “Enyɛnpetale Ebɔrɛ mo nɛ e daa wɔtɔ nseŋ kraa wɔtɔ na, anyee chɔrɔ fo ga fanɛ fo ta fo eleŋgboŋ na n shuŋ nseŋ fara nɛ fo ji kuwura naniere.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”