Nshɛ 19:9 - EBƆRƐ BE KAWƆL

⁹ Kabɔrɛŋana walɛ nna, nsaa beeŋ baa wɔtɔ mbaanaayɔ. Enyɛnpe be mbra na la kashenteŋ nna. Amo alɛ maa wora a foe ekpa.

Nshɛ 19:9 ပူးပေါင်းရင်းမြစ်များ

Jɛnesis 22:12

Nɛ malaika na kaŋɛ: “Sa maŋ kaŋ mɔ kebia na. Naniere m pin fo ka bee sha ma Ebɔrɛ, ŋkpal manɛ so, fo maŋ mɔn ma fo pibinyɛn koŋwule nɛ fee sha ga na.”

Jɛnesis 42:18

Kumo be kachɛ sasopo nɛ Josɛf kaŋɛ bumo le: “Mee ŋana Ebɔrɛ nna, amoso men wora kesheŋ nɛ mee shin nɛ ŋ kaŋɛ menyi ere nseŋ nya men be amu.

1 Bewura 18:12

Ŋ kaŋ lar fo kutɔ, m maŋ nyi kakpa nɛ Enyɛnpe Ebɔrɛ na be kiyoyu beeŋ ta fo n yɔ. Ŋ kaŋ ya kaŋɛ Ahab fanɛ fo wɔ nfe, nɛ e maŋ wu fo nfe, e beeŋ mɔ ma. Baa nyiŋi fanɛ n fara a bunyaŋ Ebɔrɛ saŋɛ so nɛ n la kebifɔlbi kikɛ nna.

Nehemaya 5:15

Egomena kama nɛ b juŋkpar na daa tɔrɔ basa na nna ga. B daa sɔ gbiti be ndarbi adena nna a tɔ ajibi nɛ asɔnuuso karechɛ kikɛ nna. Bumo be nyɛrbi gba daa tɔrɔ basa na nna, ama ŋkpal ma ere ka bee ŋana Ebɔrɛ na so nɛ ma kebaawɔtɔ daa kɔr bumo to na.

Nshɛ 10:5

Ama saŋkikɛ asheŋ bee nite nɛnɛ nna a sa bumo. Bumo be shɛŋ maŋ wɔ fo mbra to; bumo alɛ naa keni bumo doŋana jiga nna saŋkikɛ.

Nshɛ 111:10

Men baa bunyaŋ Enyɛnpe Ebɔrɛ na, ŋkpal manɛ so, ekpa nɛ esa beeŋ bɔla so n nya kanyiasheŋ nna na. Bekama nɛ baa bɛ mbe mbraana so na e naa pin asheŋ to nɛnɛ. Kapandi e baa la mo peya mbaanaayɔ.

Nshɛ 115:13

E beeŋ nɛfa bekama nɛ baa bunyaŋ mo na; bewurjipo nɛ bebɔlpo kikɛ.

Nshɛ 119:1

Kagbenefuli la bekama nɛ bumo be kebaawɔtɔ maŋ kɔ saŋgre kikɛ nɛ baa wora asheŋ a bɛ Enyɛnpe Ebɔrɛ be mbra be ekpa so na peya nna.

Nshɛ 119:106

M bɔ ntaŋ n nase kɔnɔ nsaa yil kumo so fanɛ meeŋ wora fo mbra niŋisoana na kasonu.

Nshɛ 119:111

Fo mbraana na la ma mpetɛsɔ nna mbaanaayɔ; amo e naa shin nɛ ma kagbene bee fuli ma.

Nshɛ 119:142

Fo kebaawɔtɔ niŋiso wɔtɔ nna mbaanaayɔ; nɛ fo mbra malɛ la kashenteŋ jemanɛ kikɛ.

Nshɛ 119:39

Baa kuŋ ma ashi ŋaba nɛ mee ŋana to; ŋkpal manɛ so, fo mbraana walɛ nna.

Nshɛ 119:62

Mee koso kiidiso nna a kpaŋ fo, ŋkpal fo mbra niŋiso na so.

Nshɛ 119:7

Ma kekoya fo mbra niŋiso na e naŋ shin nɛ ŋ kpaŋ fo kagbenefuliso.

Nshɛ 119:75

Enyɛnpe Ebɔrɛ, n nyi fanɛ fo mbra niŋi nna; fo ekpa so nɛ fo gberge ma kusoe.

Nshɛ 12:7

O, Enyɛnpe Ebɔrɛ, feeŋ kuŋ anyi, n shin nɛ an nya kekuŋ ashi loŋ be basa kutɔ mbaanaayɔ.

Nshɛ 147:19

Ebɔrɛ e ta mbe mbraana nɛ keŋiniana n sa mbe basa nɛ b la an nananyɛn Jeekɔb nɛ e daa wɔtɔ dra dra na be kaman to ebi; bumo e ki Israɛl be efuli so be basa na.

Nshɛ 36:1

Belubiworapo maa sa Ebɔrɛ bunyaŋ. Alubi nawule be asheŋ nɛ baa fɛ ashi bumo be ŋgbene to.

Nshɛ 36:6

Fo asheŋ woraso niŋi ekpa nna nsaa du fanɛ kebeegboŋ nɛ k maa gbuŋgbuŋ na. Kananɛ fee mige basa be asheŋ to a ji asheŋ nɛ amo be ekpa so du chiŋgeliŋ fanɛ teku nna. Fo enɔ to nɛ edimɛdi nɛ asɔbɔya kikɛ wɔ.

Ɛksodɔs 21:1

Ndoŋ nna nɛ Ebɔrɛ naŋ kaŋɛ Mosis le: “Naŋ ta le be mbraana ere n sa Israɛlebi na.

Aŋasa 8:13

Enyɛnpe Ebɔrɛ be kesa bunyaŋ e la alubi be kekishi. Kamoowu nɛ ŋkpensheŋ, nɛ asheŋ lubi nɛ efɛ be mmalga maa par Ebɔrɛ kikɛ.

Aizaaya 26:8

Anyee bɛ fo aparsheŋ so nna nsaa ta anyi be tama a to fo so. Fo nawule be ketre nɛ anyee sha fanɛ k baa nya kemaŋkura ashi anyi be ŋgbene to.

Aizaaya 45:19

Mannɛ ashiri to nɛ m malga ŋko n ta ma ŋkre ŋ ŋana. M maŋ kaŋɛ Israɛl be basa fanɛ, nɛ b fin ma b maaŋ wu ma a. Ma e la Enyɛnpe Ebɔrɛ nɛ e bee ji kashenteŋ na. Kusɔ nɛ k bɔla ekpa nɛ mee kaŋɛ.”

Ashuŋ Shunso 10:22

Nɛ b kaŋɛ: “Kɔɔnilias, benapo be enimu na e shuŋi anyi. E la esa lela nna a bunyaŋ Ebɔrɛ nsaa la Juwebi kikɛ be ebunyampo. Ebɔrɛ be malaika ko e ba kaŋɛ mo fanɛ e shin nɛ fo ba mo pe m ba shin nɛ e nu kusɔ nɛ feeŋ kaŋɛ mo.”

Romebi 11:22

To, loŋ e daga men ka keni m pin kananɛ Ebɔrɛ be kelela nɛ mbe nyaŋnyaŋ du. E ŋini basa nɛ b foe kashenteŋ be ekpa na so na kananɛ e du nyaŋnyaŋ nseŋ ŋini menyi alɛ mbe kelela nɛ men kraŋ baa wɔ mbe kelela na to nna na. Nɛ mannɛ aloŋ, e beeŋ ku menyi n lɛ fanɛ kananɛ e daŋ ku ayabi gbagba na n lɛ na.

Romebi 2:2

Nɛ Ebɔrɛ bre bee ji basa nɛ baa wora asheŋ ere demu, an nyi e ka bee ji asheŋ kashenteŋ be ekpa so.

Ditɛronɔmi 4:8

Efuligboŋ ŋko kefimbi kikɛ maŋ wɔtɔ a kɔ mbraana nɛ a walɛ fanɛ amo nɛ ŋ ŋini menyi kabre ere.

Kelaraŋŋini 15:3

B daa yil nna a kɔ amo a boŋ anebi Mosis, Ebɔrɛ be kenya na be kashɛ nɛ Kpakpafɔlbi na be kashɛ a kaŋɛ: “Enyɛnpetale Ebɔrɛ, Enyɛnpe fo asheŋ woraso kɔ mamachi pasaa! Fo nɛ fo la efuli kama be Ewura na, fo ekpa niŋi nsaa kɔ kashenteŋ amo to pasaa!

Kelaraŋŋini 16:7

Nɛ n nu ebɔl ka shi bɔrɛsure na akpa ŋ kaŋɛ: “Enyɛnpetale Enyɛnpe Ebɔrɛ, fo demuji kɔ kashenteŋ nseŋ niŋi pasaa.”

Kelaraŋŋini 19:2

Mo alɛ be demuji kɔ kashenteŋ nna nseŋ niŋi. E gberge sakalechegboŋ mo nɛ e ta mbe kesakaleasheŋ n jija kasawule ere na kusoe. E bishi mo kuwule ŋkpal mbe anya be ŋklaŋ so.”

1 Samuɛl 12:24

Men baa nu a sa Enyɛnpe Ebɔrɛ na nsaa ta menyi be ŋgbene kikɛ a shuŋ mo nsaa nyiŋi asheŋgboŋ damta nɛ e wora n sa menyi na.