Nshɛ 19:8 - EBƆRƐ BE KAWƆL

⁸ Enyɛnpe be mbra na bee niŋi ekpa, nsaa sa basa nɛ baa bɛ amo so na kagbenefuli nna. Enyɛnpe be mbra na di efuli nna, a shin nɛ esa bee pin kebaawɔtɔ to nɛnɛ.

Nshɛ 19:8 ပူးပေါင်းရင်းမြစ်များ

Jɛnesis 26:5

Meeŋ wora ade kikɛ nna ŋkpal Eebraham ka wora ma kasonu m bɛ ma mbra kikɛ so nɛ ma nɛ mo be ŋkre kikɛ so nɛ nnɔ naseso nɛ an nase n sa abar na kikɛ so so.”

2 Bewura 17:37

Men baa bɛ mbra nɛ keŋini nɛ n ta n sa menyi na so kpakpa. Men sa maŋ kaŋ shuŋ kegbir kikɛ.

Nehemaya 8:12

Kumo be kaman nɛ basa na kikɛ lar n yɔ bumo peana n ya ji nseŋ nuu kagbenefuliso Bumo alɛ daŋ chige ajibi nɛ asɔnuuso nna n sa beko, ŋkpal manɛ so, b pin kusɔ nɛ mbra nɛ b kraŋ n sa bumo na bee ŋini.

Nehemaya 9:13

Fo daŋ shi ebɔrɛso nna ŋ gbelge m ba Sainai be kebee na so m ba sa fo basa mbra nɛ keŋini nɛ a walɛ ga n sa bumo.

Nshɛ 105:45

E wora loŋ nna nɛ mbe basa e baa wora mbe mbraana kasonu. Men kpaŋ Enyɛnpe Ebɔrɛ na!

Nshɛ 111:7

Ebɔrɛ be kasheŋwora kikɛ to, e bee ji asheŋ nɛ amo be ekpa so nna. Esa beeŋ tiŋ n yirda mbe mbraana.

Nshɛ 119:105

Fo kamalga du fanɛ fitila nna n sa ma, kumo e naa shin nɛ ma ekpa so bee fulto nɛ mee wu a wora asheŋ.

Nshɛ 119:12

O Enyɛnpe Ebɔrɛ, mee kpaŋ fo nna; ŋini ma fo mbraana na.

Nshɛ 119:121

N wora kusɔ nɛ k daga nsaa walɛ; sa maŋ yige ma n sa bedoŋ.

Nshɛ 119:128

Mee bɛ fo mbraana kikɛ so nna, ŋ kishi ekpa lubi be yiri kikɛ be kebɔla so n wora asheŋ.

Nshɛ 119:130

Kebaapin fo mmalga to bee bugi nfɛra to nna nsaa sa basa nɛ b maŋ nyi asheŋ kanyiasheŋ.

Nshɛ 119:14

Kebaa bɛ fo mbraana so bee fuli ma kagbene a chɔ kebaakɔ kedama damta.

Nshɛ 119:143

Etɔrɔ nɛ kagbenejija damta wɔ ma to; ama fo mbraana bee sa ma kagbenefuli nna.

Nshɛ 119:16

Ma kagbene bee fuli fo mbra so nna; ma alɛ maaŋ teŋ fo mmalga so kikɛ.

Nshɛ 119:171

Meeŋ bugi kɔnɔ ŋ kpaŋ fo, ŋkpal fo kaa bee ŋini ma fo mbraana so.

Nshɛ 119:24

Fo mbraana e naa shin nɛ ma kagbene bee fuli ma ga; amo e naa ji ma asoe to.

Nshɛ 119:40

Mee sha kebaawora fo mbraana kasonu ga; Sa ma ŋkpa popɔr, ŋkpal fo ka la esa niŋiso so.

Nshɛ 119:54

Kaplɛkama nɛ n wɔ, fo mbra be nshɛ nɛ mee boŋ.

Nshɛ 119:80

Shin nɛ m baa sa fo mbraana bunyaŋ kashenteŋto, saŋɛ na so, m maaŋ ji anishinyɔr.

Nshɛ 119:92

Nɛ n daa maa nya kagbenefuli ashi fo mbraana to nna, ndafanɛ n wu ashi ma awurfoŋ to.

Nshɛ 12:6

Enyɛnpe be nnɔ naseso la kashenteŋ nna. A du fanɛ gbiti nɛ b ta n wɔtɔ edɛ to ale shunu n lara amo to be eyurpi kikɛ na nna.

Nshɛ 13:3

Enyɛnpe Ebɔrɛ kaŋ kusoe n nu ma kabɔrɛkule, nseŋ wora kusɔ nɛ mee kule fo ere n sa ma. Shin nɛ ma anishito e saŋɛ to; nɛ mannɛ aloŋ meeŋ wu,

Nshɛ 40:8

“Kebaa wora fo aparsheŋ e naa fuli ma kagbene, amoso n ta fo mbra n wɔtɔ ma kagbene to nna.”

Nshɛ 93:5

O Enyɛnpe Ebɔrɛ, fo mbraana wɔtɔ nna mbaanaayɔ, jemanɛ kikɛ fo bɔrɛlambu na du cheembi nna nsaa walɛ kebita.

Ɛksodɔs 18:16

Nɛ fanɛ bumo be benyɔ malɛ baŋ wora n da abar so baa ba ma kutɔ nna nɛ n yili Ebɔrɛ be mmalga naseso nɛ mbe mbraana so n ji bumo demu m pin emo nɛ e kɔ kashenteŋ.”

Aŋasa 2:6

Ŋkpal manɛ so, Enyɛnpe Ebɔrɛ na e naa sa kanyiasheŋ. Mo kutɔ nɛ kenyi nɛ asheŋ be kepinto bee shi.

Aŋasa 30:5

Ebɔrɛ be kamalga kikɛ la kashenteŋ nna. E la kusɔ kuŋso nna n sa bekama nɛ baa shile a ba mo kutɔ m baa ka fin kekuŋ na.

Aŋasa 6:23

Ŋkpal manɛ so fo nio nɛ fo tuto be keŋini du fanɛ kefulto nna n sa fo; nɛ bumo be kasogberge malɛ bee sa fo kebaawɔtɔ lela.

Aizaaya 64:5

Bekama nɛ baa ta kagbenefuli a wora fo kasonu nsaa wora asɔ nɛ fee sha na, fo alɛ bee chɛ bumo to nna. Ama kulubi bre bee shin nɛ fo kagbene bee kaa nna. Fo nawule e naaŋ tiŋ n chɛ anyi to n shin nɛ an nya kumɔlga.

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Ezikɛl 36:27

Ma alɛ beeŋ ta ma kiyoyu n wɔtɔ menyi to nseŋ shin nɛ men bɛ ma mbraana nɛ keŋini kikɛ so kenishipereso.

Romebi 3:20

Ŋkpal manɛ so, mannɛ esa nɛ e bee wora mbra be ashuŋ shunso e la esa nɛ Ebɔrɛ nase kumo fanɛ e la elelapo. Kusɔ nɛ mbra na baa ŋini e la kebaashin nɛ basa e baa pin kulubi be asheŋ.

Romebi 7:22

Ma kagbene bre gbagba bee sha Ebɔrɛ be mbra na.

Romebi 7:7

To, naniere, nuso nɛ anyeeŋ kaŋɛ? An kaŋɛ fanɛ mbra na gbagba lubi nna ŋko? Kaarɛ, anyi maaŋ tiŋ ŋ kaŋɛ loŋ kuraa. Ŋkpal manɛ so, mbra na e shin nɛ m pin kusɔ nɛ k la kulubi. Nɛ mbra na daa maŋ kaŋɛ le nna: “Sa maŋ yɛlga fo barkasa be kusɔ,” n daa maaŋ pin loŋ be kayɛlga be asheŋ to.

Galeeshaebi 2:19

Ŋkpal manɛ so, mbra na be kaplɛa so, n wu nna, mbra na mɔ ma, saŋɛ na so nɛ m baa wɔ ŋkpa to a sa Ebɔrɛ.

Galeeshaebi 3:21

To, ama an kaŋɛ fanɛ mbra na nɛ Ebɔrɛ be nnɔ nasesoana maa kukwe nna ŋko? Ayai, mannɛ loŋ nna kuraa. Ŋkpal manɛ so, nɛ mbra ko daŋ ba na m ba kaa tiŋ a sa ŋkpa, kumo ere basa daa beeŋ bɔla mbra na so ŋ ki belelapo Ebɔrɛ be anishito.

Ditɛronɔmi 16:11

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.

Ditɛronɔmi 16:14

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ menyi nɛ bumo wɔ menyi be ndeana to na e ji menyi be amu ashi Enyɛnpe menyi be Ebɔrɛ na be anishito.